ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ ಮೈಸೂರು ವತಿಯಿಂದ ನವೆಂಬರ್ 30 ರಂದು ಬೃಹತ ಉದ್ಯೋಗಮೇಳ

ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ ದ ವತಿಯಿಂದ, ನ. 30ರಂದು ವಿ.ವಿಯ ಘಟಿಕೋತ್ಸವ ಭವನದಲ್ಲಿ ಉದ್ಯೋಗ ಮೇಳ ಏರ್ಪಡಿಸಲಾಗಿದೆ. ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ (ಕೆಎಸ್‌ಒಯು), ಪ್ಲೇಸ್‌ಮೆಂಟ್ ಸೆಲ್, ಮತ್ತು ಜಿಲ್ಲಾ ಉದ್ಯೋಗ ವಿನಿಮಯ ಕಚೇರಿ ಕೇಂದ್ರದ ಸಹಯೋಗದೊಂದಿಗೆ ನವೆಂಬರ್ 30 ರಂದು ಕೆಎಸ್‌ಒಯು ಆವರಣದಲ್ಲಿ ಉದ್ಯೋಗ ಮೇಳ ನಡೆಸಲಿದೆ. ಈ ಉದ್ಯೋಗ ಮೇಳದಲ್ಲಿ ಎಸ್‌ಎಸ್‌ಎಲ್‌ಸಿ, ಪಿಯುಸಿ, ಐಟಿಐ, ಡಿಪ್ಲೊಮಾ, ಪದವಿ, ಸ್ನಾತಕೋತ್ತರ ಉತ್ತೀರ್ಣರಾದ ಅಭ್ಯರ್ಥಿಗಳು ಭಾಗವಹಿಸಬಹುದು. ಆಸಕ್ತರು ತಮ್ಮ ಹೆಸರನ್ನು 01246184533 ಗೆ ಮಿಸ್ಡ್ ಕಾಲ್ ಮೂಲಕ ನೋಂದಾಯಿಸಿಕೊಳ್ಳಬಹುದು. ವಿವರಗಳಿಗಾಗಿ ಮೊಬ್: 9964277999 ಅಥವಾ 99646-97521 ಅನ್ನು ಸಂಪರ್ಕಿಸಿ ಎಂದು ಕೆಎಸ್‌ಒಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಉದ್ಯೋಗ ಮೇಳಕ್ಕೆ ಹಾಜರಾಗುವ ಅಭ್ಯರ್ಥಿಗಳು ತಮ್ಮ ಆಧಾರ್ ಕಾರ್ಡ್, ಪಾಸ್‌ಪೋರ್ಟ್ ಗಾತ್ರದ ಫೋಟೋಗಳು ಮತ್ತು ಮಾರ್ಕ್ ಕಾರ್ಡ್‌ಗಳನ್ನು ತರಬೇಕು. ಸುಮಾರು 10,000 ಆಕಾಂಕ್ಷಿಗಳಿಗೆ ಸಂಘಟಕರು ಬೃಹತ್ ಸಂದೇಶಗಳನ್ನು ಕಳುಹಿಸಿದ್ದಾರೆ. ಎಲ್ ಅಂಡ್ ಟಿ, ವಿಪ್ರೋ, ಸೋನಿ, ಗ್ರಾಸ್‌ರೂಟ್ಸ್ ಮತ್ತು ಗ್ಲೋಬಲ್ ಹಿಂದೂಸ್ತಾನ್ ಸೊಲ್ಯೂಷನ್ಸ್‌ನಂತಹ ಕಂಪನಿಗಳು ಸೇರಿ ಒಟ್ಟು ಮೇಳದಲ್ಲಿ 70ರಿಂದ 80 ಕಂಪನಿಗಳು ಉದ್ಯೋಗ ಮೇಳದಲ್ಲಿ ಭಾಗವಹಿಸಲಿವೆ.