KSRTC ಯಿಂದ ಅರ್ಟಿಸನ್ (artisan) ಹುದ್ದೆಗಳಿಗೆ ನೇಮಕಗೊಂಡ ಅಭ್ಯರ್ಥಿಗಳ ಕೌನ್ಸಲಿಂಗ್ (counselling) ಗಾಗಿ ದಿನಾಂಕ ಪ್ರಕಟ

KSRTC ಯಿಂದ 2016 ರಲ್ಲಿ ವಿವಿಧ ವಿಭಾಗಗಳ ಕುಶಲಕರ್ಮಿ ಹುದ್ದೆಗಳ ನೇಮಕಾತಿಗಾಗಿ ಅಧಿಸೂಚನೆ ಹೊರಡಿಸಿಸಲಾಗಿತ್ತು ಮತ್ತು ಈ ಹುದ್ದೆಗಳಿಗೆ ಕಳೆದ ವರ್ಷ(2018) ಅಕ್ಟೋಬರ್ ತಿಂಗಳಲ್ಲಿ ಲಿಖಿತ ಪರೀಕ್ಷೆಯನ್ನು ನಡೆಸಲಾಗಿತ್ತು. ಕಳೆದ ತಿಂಗಳು ಈ ಹುದ್ದೆಗಳ ಅಂತಿಮ ಆಯ್ಕೆ ಪಟ್ಟಿ ಕೂಡ ಪ್ರಕಟಿಸಲಾಗಿದ್ದು. ಪ್ರಸ್ತುತ ಕುಶಲಕರ್ಮಿ ಹುದ್ದೆಗಳ ಅಂತಿಮ ಆಯ್ಕೆ ಪಟ್ಟಿಯಲ್ಲಿ (Final selection List) ಆಯ್ಕೆಯಾದ ಅಭ್ಯರ್ಥಿಗಳಿಗೆ ಸ್ಥಳನಿಯೋಜನೆಗಾಗಿ (counselling ) ಕೆಎಸ್ಆರ್ಟಿಸಿಯು ದಿನಾಂಕ ನಿಗದಿಪಡಿಸಿದೆ. ದಿನಾಂಕ 31/07/2019 ರಂದು ಬೆಳಿಗ್ಗೆ 9:00 ಗಂಟೆಯಿಂದ ಶಾಂತಿನಗರದ ಕಚೇರಿಯಲ್ಲಿ ಸ್ಥಳ ನಿಯೋಜನೆ ಕಾರ್ಯ ನಡೆಯಲಿದ್ದು, ಈಗಾಗಲೇ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಮೊಬೈಲ್ ಮೂಲಕ ಸಂದೇಶ ರವಾನಿಸಲಾಗಿದೆ. ನಿಗದಿಪಡಿಸಿದ ದಿನಾಂಕದಂದು ಅಭ್ಯರ್ಥಿಗಳು ಗೈರು ಹಾಜರಾದರೆ ಅವರ ಸ್ಥಳ ನಿಯೋಜನೆ ಅವಕಾಶವನ್ನು ಕಳೆದುಕೊಳ್ಳುವರು.