➤ ವಿಶ್ವಬ್ಯಾಂಕ್ (World Bank) ಇತ್ತೀಚೆಗೆ ಬಿಡುಗಡೆ ಮಾಡಿರುವ 'India and Artificial Intelligence: Seizing the Development Opportunity' ಎಂಬ ವರದಿಯಲ್ಲಿ, ಭಾರತವು ಕೃತಕ ಬುದ್ಧಿಮತ್ತೆ (AI Readiness) ಬಳಕೆಗೆ ಸಿದ್ಧವಾಗಿರುವ ವಿಶ್ವದ ಟಾಪ್ 10 ಉದಯೋನ್ಮುಖ ಮಾರುಕಟ್ಟೆಗಳಲ್ಲಿ (Top 10 Emerging Markets) ಒಂದಾಗಿದೆ ಎಂದು ಪ್ರಕಟಿಸಿದೆ.
- ಖಾಸಗಿ AI ಹೂಡಿಕೆ 3 ಪಟ್ಟು ಹೆಚ್ಚಳ: ಭಾರತದಲ್ಲಿ ಕೃತಕ ಬುದ್ಧಿಮತ್ತೆ ಕ್ಷೇತ್ರದಲ್ಲಿ ಖಾಸಗಿ ಹೂಡಿಕೆಯು 2024 ರಲ್ಲಿ 1.2 ಬಿಲಿಯನ್ ಡಾಲರ್ ಇದ್ದದ್ದು, 2025 ರಲ್ಲಿ 4.1 ಬಿಲಿಯನ್ ಡಾಲರ್‌ಗೆ ಭಾರಿ ಏರಿಕೆ ಕಂಡಿದೆ.
- GCC ಉದ್ಯೋಗಿಗಳ ಸಂಖ್ಯೆ ಹೆಚ್ಚಳ: ಜಾಗತಿಕ ಸಾಮರ್ಥ್ಯ ಕೇಂದ್ರಗಳಲ್ಲಿ (Global Capability Centres - GCCs) ಕಾರ್ಯನಿರ್ವಹಿಸುತ್ತಿರುವ ವೃತ್ತಿಪರರ ಸಂಖ್ಯೆ 1.9 ಮಿಲಿಯನ್‌ನಿಂದ 2.36 ಮಿಲಿಯನ್‌ಗೆ ಏರಿಕೆಯಾಗಿದೆ.
- ಜಿಡಿಪಿ ದರ ಏರಿಕೆ ಮುನ್ಸೂಚನೆ: ಭಾರತದ ಆರ್ಥಿಕ ಸ್ಥಿರತೆಯನ್ನು ಪರಿಗಣಿಸಿ, ವಿಶ್ವಬ್ಯಾಂಕ್ FY 2026-27 ಕ್ಕೆ ಭಾರತದ GDP ಬೆಳವಣಿಗೆಯ ಅಂದಾಜನ್ನು 7.1% ಗೆ ಏರಿಸಿದೆ.
➤ ಅಂಕಿ-ಅಂಶಗಳ ವಿವರ (Data Overview)
| ವಿವರ (Particulars) | 2024 | 2025 |
| ಖಾಸಗಿ AI ಹೂಡಿಕೆ (Private AI Investment) | $1.2 ಬಿಲಿಯನ್ | $4.1 ಬಿಲಿಯನ್ |
| GCC ಉದ್ಯೋಗಿಗಳು (GCC Workforce) | 1.9 ಮಿಲಿಯನ್ | 2.36 ಮಿಲಿಯನ್ |
| ದೇಶ (Country) | AI ಬಳಸುತ್ತಿರುವ ಸಂಸ್ಥೆಗಳ ಪ್ರಮಾಣ (%) |
| ಅಮೆರಿಕ (USA) | 43% |
| ಭಾರತ (India) | 23% |
➤ ಭಾರತದ ಈ ಸಾಧನೆಗೆ ಪ್ರಮುಖ ಕಾರಣಗಳು:
- ಬೃಹತ್ ತಾಂತ್ರಿಕ ಮಾನವಶಕ್ತಿ: ಭಾರತದಲ್ಲಿ ಅಗಾಧ ಸಂಖ್ಯೆಯ ಎಂಜಿನಿಯರ್‌ಗಳು ಮತ್ತು ಐಟಿ ವೃತ್ತಿಪರರಿದ್ದಾರೆ.
- ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯ (Digital Public Infrastructure - DPI): ಆಧಾರ್, UPI ಮತ್ತು ಡಿಜಿಟಲ್ ಪಾವತಿ ವ್ಯವಸ್ಥೆಗಳು AI ತಂತ್ರಜ್ಞಾನದ ವಿಸ್ತರಣೆಗೆ ಬಲವಾದ ತಡಿಪಾಯ ಹಾಕಿವೆ.
- ಸಂಶೋಧನೆ ಮತ್ತು ಜಾಗತಿಕ ಐಟಿ ಕೇಂದ್ರಗಳು: ಜಾಗತಿಕ ಸಂಸ್ಥೆಗಳು ಭಾರತದಲ್ಲಿ ತಮ್ಮ ಪ್ರಮುಖ ಸಂಶೋಧನಾ ಕೇಂದ್ರಗಳನ್ನು ಸ್ಥಾಪಿಸುತ್ತಿವೆ.
