➤ ಭಾರತ ಸರ್ಕಾರವು ದೇಶಾದ್ಯಂತ ಸೌರಶಕ್ತಿಯನ್ನು ಉತ್ತೇಜಿಸಲು ಹಮ್ಮಿಕೊಂಡಿರುವ ಮಹತ್ವಾಕಾಂಕ್ಷೆಯ 'ಪಿಎಂ ಸೂರ್ಯ ಘರ್: ಮುಫ್ತ್ ಬಿಜ್ಲಿ ಯೋಜನೆ'ಗೆ ವಿಶ್ವಬ್ಯಾಂಕ್ ಭಾರಿ ಮೊತ್ತದ ಆರ್ಥಿಕ ಪ್ಯಾಕೇಜ್ ಅನ್ನು ಅನುಮೋದಿಸಿದೆ. ಒಟ್ಟು $890 ಮಿಲಿಯನ್ ಹಣಕಾಸಿನ ನೆರವು ಇದಾಗಿದ್ದು, ಇದು ಭಾರತದ ನವೀಕರಿಸಬಹುದಾದ ಇಂಧನ (Renewable Energy) ಕ್ಷೇತ್ರಕ್ಕೆ ಮತ್ತಷ್ಟು ಬಲ ತುಂಬಲಿದೆ.
➤ ವಿಶ್ವಬ್ಯಾಂಕ್ ನೀಡಿದ ಹಣಕಾಸು ನೆರವಿನ ವರ್ಗೀಕರಣ:ವಿಶ್ವಬ್ಯಾಂಕ್ ಈ ಕೆಳಗಿನ ಮೂರು ಪ್ರಮುಖ ಮೂಲಗಳ ಮೂಲಕ ಈ ಹಣವನ್ನು ಒದಗಿಸುತ್ತಿದೆ:
  • IBRD ಸಾಲ: ಇಂಟರ್ನ್ಯಾಷನಲ್ ಬ್ಯಾಂಕ್ ಫಾರ್ ರಿಕನ್ಸ್ಟ್ರಕ್ಷನ್ ಅಂಡ್ ಡೆವಲಪ್‌ಮೆಂಟ್‌ನಿಂದ $820 ಮಿಲಿಯನ್ ಸಾಲ.
  • CTF ರಿಯಾಯಿತಿ ಸಾಲ: ಕ್ಲೀನ್ ಟೆಕ್ನಾಲಜಿ ಫಂಡ್‌ನಿಂದ $60 ಮಿಲಿಯನ್ ಸಬ್ಸಿಡಿ ಅಥವಾ ರಿಯಾಯಿತಿ ದರದ ಸಾಲ.
  • Livable Planet Fund: ಐಬಿಆರ್‌ಡಿಯ ಲಿವೆಬಲ್ ಪ್ಲಾನೆಟ್ ಫಂಡ್‌ನಿಂದ $10 ಮಿಲಿಯನ್ ಅನುದಾನ (Grant).
ಇದರ ಜೊತೆಗೆ, ವಾಣಿಜ್ಯ ಸಾಲಗಳ ಮೂಲಕ ಖಾಸಗಿ ವಲಯದಿಂದ ಸುಮಾರು $4.2 ಬಿಲಿಯನ್ ಹೂಡಿಕೆಯನ್ನು ಆಕರ್ಷಿಸುವ ಗುರಿಯನ್ನು ವಿಶ್ವಬ್ಯಾಂಕ್ ಹೊಂದಿದೆ. 
➤ ಯೋಜನೆಯ ಪ್ರಮುಖ ಉದ್ದೇಶಗಳು ಮತ್ತು ಪ್ರಯೋಜನಗಳು:
  • ಉಚಿತ ವಿದ್ಯುತ್ ಮತ್ತು ಆರ್ಥಿಕ ಉಳಿತಾಯ: ಈ ಯೋಜನೆಯಡಿ ಮನೆಗಳ ಮೇಲೆ ಸೋಲಾರ್ ಪ್ಯಾನೆಲ್ ಅಳವಡಿಸುವುದರಿಂದ ಗ್ರಾಹಕರಿಗೆ ಮಾಸಿಕ ವಿದ್ಯುತ್ ಬಿಲ್ ಗಣನೀಯವಾಗಿ ಕಡಿಮೆಯಾಗಲಿದೆ ಹಾಗೂ ಉಚಿತ ವಿದ್ಯುತ್ ಲಭ್ಯವಾಗಲಿದೆ.
  • ಉದ್ಯೋಗ ಸೃಷ್ಟಿ: ಸೌರಶಕ್ತಿ ಉಪಕರಣಗಳ ಉತ್ಪಾದನೆ, ಸರಬರಾಜು ಜಾಲ ಹಾಗೂ ಅಳವಡಿಕೆ (Installation) ಪ್ರಕ್ರಿಯೆಗಳಲ್ಲಿ ದೇಶಾದ್ಯಂತ ಲಕ್ಷಾಂತರ ಹೊಸ ಉದ್ಯೋಗಗಳು ಸೃಷ್ಟಿಯಾಗಲಿವೆ.
  • ಸ್ಥಳೀಯ ಉತ್ಪಾದನೆಗೆ ಆದ್ಯತೆ: ಭಾರತದಲ್ಲೇ ಸೌರ ಇಂಧನ ಉಪಕರಣಗಳ (Solar Equipments) ಉತ್ಪಾದನೆಯನ್ನು ಹೆಚ್ಚಿಸಲು ಇದು ಪ್ರೇರಣೆ ನೀಡಲಿದೆ.
➤ ಭಾರತವು 2070 ರ ವೇಳೆಗೆ 'ನೆಟ್-ಝೀರೋ' ಮತ್ತು 2035 ರ ವೇಳೆಗೆ 60% ನವೀಕರಿಸಬಹುದಾದ ಇಂಧನ ಉತ್ಪಾದನೆಯ ಗುರಿ ಹೊಂದಿದ್ದು, ಕಳೆದ ಒಂದು ದಶಕದಲ್ಲಿ ವಿಶ್ವಬ್ಯಾಂಕ್ ನೀಡಿದ $2 ಬಿಲಿಯನ್‌ಗೂ ಅಧಿಕ ನೆರವೇ ಪ್ರಸ್ತುತ ರೂಫ್‌ಟಾಪ್ ಸೌರ ಸಾಮರ್ಥ್ಯವನ್ನು 27 GW ಗೆ ಹೆಚ್ಚಿಸಲು ಪ್ರಮುಖ ಕಾರಣವಾಗಿದೆ.
ಪ್ರತಿ ದಿನದ ಉದ್ಯೋಗ ಮಾಹಿತಿ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ