ಉನ್ನತ ಗೌರವ ‘ಪ್ರೆಸಿಡೆಂಟ್ಸ್ ಕಲರ್’ ಪಡೆದ ಉತ್ತರಾಖಂಡ ಪೊಲೀಸ್: ದೇಶದ 16ನೇ ರಾಜ್ಯ ಪಡೆದ ಹೆಗ್ಗಳಿಕೆ!

➤ ಉತ್ತರಾಖಂಡ ರಾಜ್ಯ ಪೊಲೀಸ್ ಪಡೆಗೆ ಭಾರತದ ಅತ್ಯುನ್ನತ ಮಿಲಿಟರಿ/ಪೊಲೀಸ್ ಗೌರವವಾದ ‘ಪ್ರೆಸಿಡೆಂಟ್ಸ್ ಕಲರ್’ (President's Colour) ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಡೆಹ್ರಾಡೂನ್‌ನಲ್ಲಿ ನಡೆದ ಅದ್ದೂರಿ ಸಮಾರಂಭದಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಈ ಗೌರವವನ್ನು ಪ್ರದಾನ ಮಾಡಿದರು. ಈ ಗೌರವ ಪಡೆಯುವ ಮೂಲಕ ಉತ್ತರಾಖಂಡ ಪೊಲೀಸ್ ಪಡೆ ಭಾರತದಲ್ಲೇ ಈ ಸಾಧನೆ ಮಾಡಿದ 16ನೇ ರಾಜ್ಯ ಪೊಲೀಸ್ ಪಡೆ ಎನಿಸಿಕೊಂಡಿದೆ.

➤ ಪ್ರೆಸಿಡೆಂಟ್ಸ್ ಕಲರ್ ಪ್ರಶಸ್ತಿ : ಇದು ಸಶಸ್ತ್ರ ಪಡೆಗಳು ಹಾಗೂ ರಾಜ್ಯ ಪೊಲೀಸ್ ಪಡೆಗಳಿಗೆ ಅತ್ಯುತ್ತಮ ಹಾಗೂ ಶಿಸ್ತುಬದ್ಧ ಸೇವೆಗಾಗಿ ನೀಡಲಾಗುವ ಅತ್ಯುನ್ನತ ರಾಷ್ಟ್ರೀಯ ಗೌರವವಾಗಿದೆ. ಈ ಗೌರವವನ್ನು ಭಾರತದ ರಾಷ್ಟ್ರಪತಿಗಳು ಅಥವಾ ಅವರ ಪರವಾಗಿ ಕೇಂದ್ರ ಗೃಹ ಸಚಿವರು ಪ್ರದಾನ ಮಾಡುತ್ತಾರೆ.
➤ ಉತ್ತರಾಖಂಡ ಪೊಲೀಸ್ ಪಡೆಯ ಪ್ರಮುಖ ಸಾಧನೆಗಳು:
1. ಸಿಲ್ಕ್ಯಾರಾ ಟನಲ್ ಕಾರ್ಯಾಚರಣೆ (Silkyara Tunnel Rescue): 2023 ರಲ್ಲಿ ಉತ್ತರಕಾಶಿ ಸಿಲ್ಕ್ಯಾರಾ ಸುರಂಗದಲ್ಲಿ ಸಿಲುಕಿದ್ದ ಕಾರ್ಮಿಕರನ್ನು ಯಶಸ್ವಿಯಾಗಿ ರಕ್ಷಿಸುವಲ್ಲಿ SDRF ಮತ್ತು ಉತ್ತರಾಖಂಡ ಪೊಲೀಸ್ ಮಹತ್ವದ ಪಾತ್ರ ವಹಿಸಿತ್ತು.
2. ಸಿಟಿಎನ್‌ಎಸ್/ಐಸಿಜೆಎಸ್‌ ರ‍್ಯಾಂಕಿಂಗ್: CCTNS/ICJS 2.0 ಡ್ಯಾಶ್‌ಬೋರ್ಡ್‌ನಲ್ಲಿ ಉತ್ತರಾಖಂಡ ಪೊಲೀಸ್ 93.46 ಅಂಕ ಪಡೆಯುವ ಮೂಲಕ ದೇಶದಲ್ಲೇ ಅತ್ಯುತ್ತಮ ಪ್ರದರ್ಶನ ನೀಡಿದೆ.
3. ಸಂಕಷ್ಟ ನಿರ್ವಹಣೆ & ಪ್ರವಾಸೋದ್ಯಮ ಭದ್ರತೆ: ಕುಂಭಮೇಳ, ಚಾರ್ ಧಾಮ್ ಯಾತ್ರೆ ಹಾಗೂ ಹೇಮಕುಂಡ್ ಸಾಹಿಬ್ ಯಾತ್ರೆಗಳ ಸಮಯದಲ್ಲಿ ಮಿಲಿಯನ್‌ಗಟ್ಟಲೆ ಭಕ್ತರಿಗೆ ಶಿಸ್ತುಬದ್ಧ ಭದ್ರತೆ ಒದಗಿಸಿದೆ.
4. ಮೌಂಟ್ ಎವರೆಸ್ಟ್ ಸೌಧ: ಎವರೆಸ್ಟ್ ಶಿಖರವನ್ನು ಯಶಸ್ವಿಯಾಗಿ ಏರಿದ ಭಾರತದ ಮೊದಲ ರಾಜ್ಯ ಪೊಲೀಸ್ ಪಡೆ ಎಂಬ ಹೆಗ್ಗಳಿಕೆ ಉತ್ತರಾಖಂಡ ಪೊಲೀಸರದ್ದು.