➤ ಜಗತ್ತಿನಾದ್ಯಂತ ಲಕ್ಷಾಂತರ ಮಕ್ಕಳ ಪ್ರಾಣಕ್ಕೆ ಕಂಟಕವಾಗಿರುವ ಮಲೇರಿಯಾ ಮಾರಿಗೆ ಈಗ ಹೊಸದೊಂದು ಕಡಿವಾಣ ಬಿದ್ದಿದೆ. ನವಜಾತ ಶಿಶುಗಳು ಮತ್ತು ಹಸುಳೆಗಳಿಗಾಗಿಯೇ ವಿಶೇಷವಾಗಿ ವಿನ್ಯಾಸಗೊಳಿಸಲಾದ 'ಆರ್ಟೆಮೆದರ್-ಲುಮೆಫಾಂಟೈನ್' (Artemether-lumefantrine) ಎಂಬ ಔಷಧಿಗೆ ವಿಶ್ವ ಆರೋಗ್ಯ ಸಂಸ್ಥೆ (WHO) ಪೂರ್ವಭಾವಿ ಮಾನ್ಯತೆ (Prequalification) ನೀಡಿದೆ. ಮಲೇರಿಯಾ ನಿರ್ಮೂಲನೆಯ ನಿಟ್ಟಿನಲ್ಲಿ ಇದೊಂದು ಐತಿಹಾಸಿಕ ಹೆಜ್ಜೆ ಎಂದು ವಿಶ್ಲೇಷಿಸಲಾಗುತ್ತಿದೆ.
➤ ಹೊಸ ಔಷಧಿಯ ವಿಶೇಷತೆ: ಇದುವರೆಗೆ ಮಲೇರಿಯಾ ಪೀಡಿತ ಶಿಶುಗಳಿಗೆ ಚಿಕಿತ್ಸೆ ನೀಡಲು ಪ್ರತ್ಯೇಕ ಔಷಧಿಗಳಿರಲಿಲ್ಲ. ವೈದ್ಯರು ದೊಡ್ಡವರಿಗಾಗಿ ತಯಾರಿಸಿದ ಮಾತ್ರೆಗಳನ್ನೇ ಸಣ್ಣ ತುಂಡುಗಳಾಗಿ ಮಾಡಿ ಅಥವಾ ಪುಡಿ ಮಾಡಿ ಶಿಶುಗಳಿಗೆ ನೀಡುತ್ತಿದ್ದರು. ಇದರಿಂದ ಈ ಕೆಳಗಿನ ಸಮಸ್ಯೆಗಳಿದ್ದವು:
- ಡೋಸೇಜ್ ವ್ಯತ್ಯಾಸ: ಸರಿಯಾದ ಪ್ರಮಾಣದ ಔಷಧಿ ದೇಹ ಸೇರುತ್ತಿರಲಿಲ್ಲ.
- ಅಡ್ಡಪರಿಣಾಮ: ದೊಡ್ಡವರ ಔಷಧಿಯು ಶಿಶುಗಳ ಮೃದುವಾದ ಅಂಗಾಂಗಗಳ ಮೇಲೆ ವಿಷಕಾರಿ ಪರಿಣಾಮ ಬೀರಬಹುದು.
- ಅಸಮರ್ಪಕ ಚಿಕಿತ್ಸೆ: ಸರಿಯಾದ ಪ್ರಮಾಣ ಸಿಗದಿದ್ದಲ್ಲಿ ರೋಗ ನಿರೋಧಕ ಶಕ್ತಿ ಕುಂಠಿತಗೊಳ್ಳುವ ಸಾಧ್ಯತೆ ಇತ್ತು.
ಈಗ ಅನುಮೋದನೆಗೊಂಡಿರುವ ಈ ಹೊಸ ಔಷಧಿಯು ಕೇವಲ 5 ಕೆಜಿಗಿಂತ ಕಡಿಮೆ ತೂಕವಿರುವ ಶಿಶುಗಳಿಗಾಗಿಯೇ ರೂಪಿತವಾಗಿದ್ದು, ಅತ್ಯಂತ ಸುರಕ್ಷಿತ ಮತ್ತು ಪರಿಣಾಮಕಾರಿಯಾಗಿದೆ.
➤ ಮಲೇರಿಯಾ: ಆತಂಕಕಾರಿ ಅಂಕಿ-ಅಂಶಗಳು (2024-2026):
- ಒಟ್ಟು ಪ್ರಕರಣಗಳು: ಸುಮಾರು 28 ಕೋಟಿ
- ಒಟ್ಟು ಸಾವುಗಳು: 6.10 ಲಕ್ಷ
- ಆಫ್ರಿಕಾದ ಪಾಲು: ಶೇ. 95ರಷ್ಟು ಪ್ರಕರಣಗಳು
- ಮಕ್ಕಳ ಸಾವು: ಮೃತಪಟ್ಟವರಲ್ಲಿ ಶೇ. 75ರಷ್ಟು ಮಂದಿ 5 ವರ್ಷದೊಳಗಿನ ಮಕ್ಕಳು
➤ WHO 'ಪೂರ್ವಭಾವಿ ಮಾನ್ಯತೆ': ಯಾವುದೇ ಒಂದು ಔಷಧಿಗೆ WHO ಪೂರ್ವಭಾವಿ ಮಾನ್ಯತೆ ನೀಡಿದೆ ಎಂದರೆ, ಆ ಔಷಧಿಯು ಅಂತರಾಷ್ಟ್ರೀಯ ಗುಣಮಟ್ಟ, ಸುರಕ್ಷತೆ ಮತ್ತು ದಕ್ಷತೆಯನ್ನು ಹೊಂದಿದೆ ಎಂದು ಅರ್ಥ. ಇದರ ಲಾಭಗಳೆಂದರೆ:
- ಸುಲಭ ಖರೀದಿ: ವಿಶ್ವಸಂಸ್ಥೆಯ ಸಂಸ್ಥೆಗಳು ಮತ್ತು 'ಗ್ಲೋಬಲ್ ಫಂಡ್'ನಂತಹ ಸಂಘಟನೆಗಳು ಈ ಔಷಧಿಯನ್ನು ಬೃಹತ್ ಪ್ರಮಾಣದಲ್ಲಿ ಖರೀದಿಸಿ ಬಡ ರಾಷ್ಟ್ರಗಳಿಗೆ ವಿತರಿಸಬಹುದು.
- ನಂಬಿಕೆ: ಅಭಿವೃದ್ಧಿಶೀಲ ರಾಷ್ಟ್ರಗಳ ಸರ್ಕಾರಗಳು ಯಾವುದೇ ಸಂಕೋಚವಿಲ್ಲದೆ ಈ ಔಷಧಿಯನ್ನು ತನ್ನ ಸಾರ್ವಜನಿಕ ಆರೋಗ್ಯ ವ್ಯವಸ್ಥೆಯಲ್ಲಿ ಬಳಸಬಹುದು.
➤ ಹೊಸ ಲಸಿಕೆಗಳು ಮತ್ತು ಈಗ ಲಭ್ಯವಾಗಿರುವ ಶಿಶು-ಸ್ನೇಹಿ ಔಷಧಿಗಳು ಮಲೇರಿಯಾ ವಿರುದ್ಧದ ಹೋರಾಟಕ್ಕೆ ಹೊಸ ಚೈತನ್ಯ ನೀಡಿವೆ. ಬಲಿಷ್ಠ ರಾಜಕೀಯ ಇಚ್ಛಾಶಕ್ತಿ ಮತ್ತು ಜಾಗತಿಕ ನಿಧಿಯ ನೆರವು ಸಿಕ್ಕರೆ, ಮುಂದಿನ ದಶಕಗಳಲ್ಲಿ ಭೂಮಿಯಿಂದ ಮಲೇರಿಯಾವನ್ನು ಸಂಪೂರ್ಣವಾಗಿ ತೊಡೆದುಹಾಕಲು ಸಾಧ್ಯವಿದೆ.