➤ ರಾಜ್ಯದಲ್ಲಿ ಮಹಿಳೆಯರ ಮತ್ತು ಮಕ್ಕಳ ಸುರಕ್ಷತೆಯನ್ನು ಮತ್ತಷ್ಟು ಬಲಪಡಿಸಲು ತಮಿಳುನಾಡು ಸರ್ಕಾರವು ಒಂದು ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ತಮಿಳುನಾಡಿನ ನೂತನ ಮುಖ್ಯಮಂತ್ರಿ ಸಿ. ಜೋಸೆಫ್ ವಿಜಯ್ (CM C. Joseph Vijay) ಅವರು 'ಸಿಂಗಪ್ಪೆಣ್ ವಿಶೇಷ ಕಾರ್ಯಪಡೆ' (Singappen Special Task Force - SSTF) ಎಂಬ ಸಂಪೂರ್ಣ ಮಹಿಳಾ ಪೊಲೀಸ್ ಘಟಕವನ್ನು ಜೂನ್ 9, 2026 ರಂದು ಅಧಿಕೃತವಾಗಿ ಲೋಕಾರ್ಪಣೆಗೊಳಿಸಿದ್ದಾರೆ. ಚೆನ್ನೈನ ಎಗ್ಮೋರ್‌ನಲ್ಲಿರುವ ರಾಜರತ್ನಂ ಕ್ರೀಡಾಂಗಣದಲ್ಲಿ ನಡೆದ ಭವ್ಯ ಸಮಾರಂಭದಲ್ಲಿ ಈ ವಿಶೇಷ ಪಡೆಗೆ ಚಾಲನೆ ನೀಡಲಾಯಿತು.
➤ ಮೇ 10, 2026 ರಂದು ತಮಿಳುನಾಡಿನ ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡ ಸಿ. ಜೋಸೆಫ್ ವಿಜಯ್ ಅವರು ಸಹಿ ಮಾಡಿದ ಮೊದಲ ಪ್ರಮುಖ ಆದೇಶಗಳಲ್ಲಿ ಈ ವಿಶೇಷ ಪಡೆಯ ರಚನೆಯೂ ಒಂದಾಗಿದೆ.
  • ನೇತೃತ್ವ: ಈ ಪ್ರತಿಷ್ಠಿತ ಮಹಿಳಾ ವಿಶೇಷ ಪಡೆಯ ನೇತೃತ್ವವನ್ನು ಹಿರಿಯ ಪೊಲೀಸ್ ಅಧಿಕಾರಿ, ಇನ್ಸ್‌ಪೆಕ್ಟರ್ ಜನರಲ್ ಆಫ್ ಪೊಲೀಸ್ (IGP) ಕೆ. ಭವನೀಶ್ವರಿ ಅವರು ವಹಿಸಿಕೊಂಡಿದ್ದಾರೆ.
  • ಸಿಬ್ಬಂದಿ ಬಲ: ಮೊದಲ ಹಂತದಲ್ಲಿ ಈ ಪಡೆಗೆ ಒಟ್ಟು 36 ಹುದ್ದೆಗಳನ್ನು ಮಂಜೂರು ಮಾಡಲಾಗಿದೆ. ಇದರಲ್ಲಿ ಒಬ್ಬರು ಐಜಿಪಿ (IGP), ಒಬ್ಬರು ಎಸ್‌ಪಿ (SP), ಇಬ್ಬರು ಡಿವೈಎಸ್‌ಪಿ (DySP), ನಾಲ್ಕು ಜನ ಇನ್ಸ್‌ಪೆಕ್ಟರ್‌ಗಳು, ಎಂಟು ಜನ ಸಬ್-ಇನ್ಸ್‌ಪೆಕ್ಟರ್‌ಗಳು ಹಾಗೂ ಇತರ ಶ್ರೇಣಿಯ 20 ಸಿಬ್ಬಂದಿಗಳು ಒಳಗೊಂಡಿದ್ದಾರೆ.
  • ವಿಶೇಷ ಸಮಸ್ತ್ರ: ಸಿಂಗಪ್ಪೆಣ್ ಪಡೆಯ ಮಹಿಳಾ ಪೊಲೀಸ್ ಸಿಬ್ಬಂದಿಗೆ ನೆವಿ-ಬ್ಲೂ (Navy-Blue) ಬಣ್ಣದ ಆಕರ್ಷಕ ಮತ್ತು ವಿಶಿಷ್ಟವಾದ ಸಮಸ್ತ್ರವನ್ನು ಪರಿಚಯಿಸಲಾಗಿದೆ.
➤ ಕಾರ್ಯವಿಧಾನ ಮತ್ತು ಕಾರ್ಯಾಚರಣೆಯ ವ್ಯಾಪ್ತಿ: ಮಹಿಳೆಯರ ಮೇಲಿನ ಅಪರಾಧಗಳನ್ನು ತಡೆಗಟ್ಟುವುದು ಮತ್ತು ಸಂಕಷ್ಟದ ಸಮಯದಲ್ಲಿ ತಕ್ಷಣವೇ ಸ್ಪಂದಿಸುವುದು (Rapid Response) ಈ ಪಡೆಯ ಮುಖ್ಯ ಗುರಿಯಾಗಿದೆ.
  • ಸೂಕ್ಷ್ಮ ಪ್ರದೇಶಗಳ ಗುರುತಿಸುವಿಕೆ: ಮಹಿಳೆಯರ ಸುರಕ್ಷತೆಗೆ ಧಕ್ಕೆ ಇರುವ ಪ್ರದೇಶಗಳನ್ನು ಗುರುತಿಸಿ ಅಲ್ಲಿ ಹೆಚ್ಚಿನ ನಿಗಾ ಇಡುವುದು.
  • ಗಸ್ತು ತಿರುಗುವಿಕೆ (Patrolling): ಸಾರ್ವಜನಿಕ ಸ್ಥಳಗಳಾದ ಬಸ್ ನಿಲ್ದಾಣಗಳು, ರೈಲ್ವೆ ನಿಲ್ದಾಣಗಳು, ಶಿಕ್ಷಣ ಸಂಸ್ಥೆಗಳು (ಶಾಲೆ-ಕಾಲೇಜುಗಳು) ಮತ್ತು ಪ್ರಮುಖ ಐಟಿ ಹಬ್‌ಗಳ (IT Hubs) ಸುತ್ತಮುತ್ತ ಈ ಪಡೆ ನಿರಂತರ ಗಸ್ತು ತಿರುಗಲಿದೆ.
  • ಸೈಬರ್ ಸುರಕ್ಷತೆ: ಇತ್ತೀಚಿನ ದಿನಗಳಲ್ಲಿ ಮಹಿಳೆಯರ ವಿರುದ್ಧ ಹೆಚ್ಚುತ್ತಿರುವ ಆನ್‌ಲೈನ್ ಅಪರಾಧಗಳನ್ನು ತಡೆಯಲು ಈ ಪಡೆಯಲ್ಲಿ ಸೈಬರ್ ಕ್ರೈಮ್ ವಿಭಾಗದ ಸಬ್-ಇನ್ಸ್‌ಪೆಕ್ಟರ್‌ಗಳನ್ನೂ ನಿಯೋಜಿಸಲಾಗಿದೆ.
➤ ಭಾರತೀಯ ಸಂವಿಧಾನದ 7ನೇ ಅನುಸೂಚಿ (Seventh Schedule) ಪ್ರಕಾರ 'ಪೊಲೀಸ್' ಮತ್ತು 'ಸಾರ್ವಜನಿಕ ಸುವ್ಯವಸ್ಥೆ'ಯು ರಾಜ್ಯ ಪಟ್ಟಿಗೆ (State List) ಸೇರಿದ ವಿಷಯವಾಗಿದೆ. ಆದ್ದರಿಂದ ಮಹಿಳಾ ಸುರಕ್ಷತೆಗಾಗಿ ಇಂತಹ ವಿಶೇಷ ಪಡೆಗಳನ್ನು ರಚಿಸುವ ಸಂಪೂರ್ಣ ಹಕ್ಕು ರಾಜ್ಯ ಸರ್ಕಾರಗಳಿಗಿರುತ್ತದೆ.