➤ ಭಾರತೀಯ ರಿಸರ್ವ್ ಬ್ಯಾಂಕ್ (RBI)ನ ಕೇಂದ್ರೀಯ ಮಂಡಳಿಗೆ (Central Board) ಮೂವರು ಪ್ರಮುಖ ಗಣ್ಯರನ್ನು ಭಾಗಶಃ (Part-Time) ಹಾಗೂ ಅಧಿಕಾರೇತರ (Non-Official) ನಿರ್ದೇಶಕರನ್ನಾಗಿ ಕೇಂದ್ರ ಸರ್ಕಾರ ನೇಮಕ ಮಾಡಿದೆ. 

• ನೇಮಕಗೊಂಡ ವ್ಯಕ್ತಿಗಳು: ಸೈಯದ್ ಅಕ್ಬರುದ್ದೀನ್ (Syed Akbaruddin), ಆನ್ನಿ ಜಾರ್ಜ್ ಮ್ಯಾಥ್ಯೂ (Annie George Mathew) ಮತ್ತು ಜನ್ಮೇಜಯ ಕುಮಾರ್ ಸಿನ್ಹಾ (Janmejaya Kumar Sinha).
• ಅವಧಿ: 4 ವರ್ಷಗಳು (4 Years).
• ನೇಮಕಾತಿ ಸಂಸ್ಥೆ: ಸಂಪುಟದ ನೇಮಕಾತಿ ಸಮಿತಿ (Appointments Committee of the Cabinet - ACC).
• ಸಂಬಂಧಿಸಿದ ಕಾಯ್ದೆ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕಾಯ್ದೆ, 1934ರ ಸೆಕ್ಷನ್ 8(1)(ಸಿ) [Section 8(1)(c) of RBI Act, 1934].
• ಮಂಡಳಿಯ ಬಲ: ಈ ನೇಮಕದಿಂದಾಗಿ ಆರ್‌ಬಿಐ ಕೇಂದ್ರೀಯ ಮಂಡಳಿಯ ಸಕ್ರಿಯ ಸದಸ್ಯರ ಸಂಖ್ಯೆ 11 ರಿಂದ 14 ಕ್ಕೆ ಏರಿಕೆಯಾಗಿದೆ.

➤ ನೂತನ ನಿರ್ದೇಶಕರ ಕಿರು ಪರಿಚಯ:

1. ಸೈಯದ್ ಅಕ್ಬರುದ್ದೀನ್ (Syed Akbaruddin):1985 ರ ಬ್ಯಾಚ್‌ನ ಹಿರಿಯ ಭಾರತೀಯ ವಿದೇಶಾಂಗ ಸೇವೆ (IFS) ಅಧಿಕಾರಿ.
ಪ್ರಮುಖ ಹುದ್ದೆಗಳು:
- 2016 ರಿಂದ 2020 ರವರೆಗೆ ವಿಶ್ವಸಂಸ್ಥೆಯಲ್ಲಿ (UN) ಭಾರತದ ಖಾಯಂ ಪ್ರತಿನಿಧಿಯಾಗಿ (Permanent Representative) ಸೇವೆ ಸಲ್ಲಿಸಿದ್ದಾರೆ.
- 2012 ರಿಂದ 2015 ರವರೆಗೆ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ (MEA) ಅಧಿಕೃತ ವಕ್ತಾರರಾಗಿದ್ದರು.
- IAEA (ಅಂತರರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆ) ಯಲ್ಲಿಯೂ ಭಾರತವನ್ನು ಪ್ರತಿನಿಧಿಸಿದ್ದರು.

2. ಆನ್ನಿ ಜಾರ್ಜ್ ಮ್ಯಾಥ್ಯೂ (Annie George Mathew):Indian Audit and Accounts Service (IA&AS) ಅಧಿಕಾರಿ ಹಾಗೂ ಸಾರ್ವಜನಿಕ ಹಣಕಾಸು (Public Finance) ಕ್ಷೇತ್ರದಲ್ಲಿ 34 ವರ್ಷಗಳ ಸುದೀರ್ಘ ಅನುಭವ ಹೊಂದಿದ್ದಾರೆ.
ಪ್ರಮುಖ ಹುದ್ದೆಗಳು:
- ಪ್ರಸ್ತುತ 16 ನೇ ಹಣಕಾಸು ಆಯೋಗದ (Sixteenth Finance Commission) ಪೂರ್ಣಾವಧಿ ಸದಸ್ಯರಾಗಿದ್ದಾರೆ.
- ಕೇಂದ್ರ ಹಣಕಾಸು ಸಚಿವಾಲಯದ ವೆಚ್ಚ ವಿಭಾಗದ (Department of Expenditure) ವಿಶೇಷ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದ್ದಾರೆ.

3. ಜನ್ಮೇಜಯ ಕುಮಾರ್ ಸಿನ್ಹಾ (Janmejaya Kumar Sinha):ಪ್ರಖ್ಯಾತ ಅರ್ಥಶಾಸ್ತ್ರಜ್ಞ ಮತ್ತು ಬೋಸ್ಟನ್ ಕನ್ಸಲ್ಟಿಂಗ್ ಗ್ರೂಪ್ (BCG) ಇಂಡಿಯಾದ ಅಧ್ಯಕ್ಷರು.
ಪ್ರಮುಖ ಹುದ್ದೆಗಳು:
- ತಮ್ಮ ವೃತ್ತಿಜೀವನವನ್ನು ಆರ್‌ಬಿಐನಿಂದಲೇ ಪ್ರಾರಂಭಿಸಿದ್ದ ಇವರು, ಸರ್ಕಾರದ ಹಲವು ಆರ್ಥಿಕ ಸುಧಾರಣಾ ಸಮಿತಿಗಳಲ್ಲಿ ಕೆಲಸ ಮಾಡಿದ್ದಾರೆ.
- 'ವಿಕಸಿತ ಭಾರತ 2047' (Viksit Bharat 2047) ಯೋಜನೆಯ ಸುಧಾರಣಾ ಸಮಿತಿಯಲ್ಲಿ ಖಾಸಗಿ ವಲಯದ ಪ್ರಮುಖ ಪ್ರತಿನಿಧಿಯಾಗಿ ಭಾಗವಹಿಸಿದ್ದಾರೆ.