* ಭಾರತ ಮತ್ತು ನೇಪಾಳ ದೇಶಗಳ ನಡುವೆ ನಡೆಯುವ ದ್ವೈವಾರ್ಷಿಕ ಸೇನಾ ಸಹಕಾರ ಕಾರ್ಯಕ್ರಮವಾದ “ಸೂರ್ಯಕಿರಣ” ಜಂಟಿ ಸೇನಾ ಸಮರಾಭ್ಯಾಸದ 19ನೇ ಆವೃತ್ತಿ — “ಸೂರ್ಯಕಿರಣ XIX – 2025” ನವೆಂಬರ್ 25 ರಿಂದ ಉತ್ತರಾಖಂಡದ ಪಿಥೋರಗಢ ಪಟ್ಟಣದಲ್ಲಿ ಪ್ರಾರಂಭಗೊಂಡಿದೆ. ಈ ಮಹತ್ವದ ಅಭ್ಯಾಸವು ಡಿಸೆಂಬರ್ 8, 2025 ರಂದು ಕೊನೆಗೊಳ್ಳಲಿದೆ. 
* ಸೂರ್ಯಕಿರಣ ಸಮರಾಭ್ಯಾಸವು ಭಾರತ ಮತ್ತು ನೇಪಾಳದ ಮಧ್ಯೆ ದೀರ್ಘಕಾಲದಿಂದಲೂ ಇರುವ ಸೈನಿಕ ಸಹಕಾರ, ಪರಸ್ಪರ ಬಲವರ್ಧನೆ, ಗಡಿ ಭದ್ರತೆ, ಮತ್ತು ಸ್ನೇಹಭಾವದ ಪ್ರತೀಕವಾಗಿದೆ. ಇವು ಎರಡೂ ರಾಷ್ಟ್ರಗಳ ನಡುವಿನ ನೈಸರ್ಗಿಕ, ಸಾಂಸ್ಕೃತಿಕ ಹಾಗೂ ಧಾರ್ಮಿಕ ಬಂಧಗಳನ್ನು ಮತ್ತಷ್ಟು ಗಾಢಗೊಳಿಸುತ್ತದೆ.
* ಭಾರತ ಮತ್ತು ನೇಪಾಳದ ಸೇನೆಗಳು ಪರಂಪರೆಯಿಂದಲೂ ಪರಸ್ಪರ ಆಪ್ತ ಸಂಬಂಧ ಉಳಿಸಿಕೊಂಡಿವೆ. ಇಬ್ಬರ ಮಧ್ಯೆಯೂ ಗೋರಖಾ ಸೈನಿಕ ಪರಂಪರೆ, ಹಿಮಾಲಯ ಪ್ರದೇಶದ ರಕ್ಷಣಾತ್ಮಕ ಮಹತ್ವ ಮತ್ತು ಪುರಾತನ ಸಾಂಸ್ಕೃತಿಕ ಬಂಧಗಳು ಇದ್ದವು. ಸೂರ್ಯಕಿರಣ ಸಮರಾಭ್ಯಾಸವು ಈ ಸ್ನೇಹವನ್ನು ಮತ್ತಷ್ಟು ಬಲಪಡಿಸುವುದರ ಜೊತೆಗೆ ರಕ್ಷಣಾ ಸಹಕಾರವನ್ನು ಹೊಸ ಎತ್ತರಗಳತ್ತ ಕೊಂಡೊಯ್ಯುತ್ತದೆ.
* ಈ ಅಭ್ಯಾಸದಲ್ಲಿ ಎರಡೂ ದೇಶಗಳ ಸೈನಿಕರು: ಕಠಿಣ ಪರ್ವತ ಪ್ರದೇಶಗಳಲ್ಲಿ ಯುದ್ಧ ಕಾರ್ಯಾಚರಣೆಗಳ ತರಬೇತಿ, ಕಾಡು-ಪರ್ವತ ಪ್ರದೇಶಗಳಲ್ಲಿ ಸಣ್ಣ ಗುಂಪುಗಳೊಂದಿಗೆ ನಡೆಸುವ Anti-terror drills ಶಸ್ತ್ರಾಸ್ತ್ರ ಬಳಕೆ, ಮಾಹಿತಿಯ ವಿನಿಮಯ ಮತ್ತು ಸಂಯುಕ್ತ ಯೋಜನೆ,  ವಿಪತ್ತು ಸಂದರ್ಭಗಳಲ್ಲಿ ಸಾರ್ವಜನಿಕ ರಕ್ಷಣಾ ಕಾರ್ಯಾಚರಣೆ ಯುನೈಟೆಡ್ ನೆಷನ್ಸ್ ಶಾಂತಿಸೇನೆ ಕಾರ್ಯಾಚರಣೆ (UN Peacekeeping) ಮಾದರಿ ತರಬೇತಿ ಇವುಗಳನ್ನು ಸಂಯುಕ್ತವಾಗಿ ನಡೆಸುತ್ತಿದ್ದಾರೆ. 
* ಸಮರಾಭ್ಯಾಸದ ಪ್ರಮುಖ ಉದ್ದೇಶಗಳು: 
- ಎರಡೂ ದೇಶಗಳ ಸೇನೆಯ ನಡುವೆ ಸಂಯುಕ್ತ ಕಾರ್ಯನಿರ್ವಹಣಾ ಸಾಮರ್ಥ್ಯವನ್ನು ಹೆಚ್ಚಿಸುವುದು
- ಉಗ್ರವಾದ ವಿರೋಧಿ ಕಾರ್ಯಾಚರಣೆಗಳು, ಪರ್ವತ ಪ್ರದೇಶಗಳಲ್ಲಿ ಯುದ್ಧ ತಂತ್ರಗಳು ಹಾಗೂ
ಮಾನವೀಯ ಸಹಾಯ ಮತ್ತು ವಿಪತ್ತು ನಿರ್ವಹಣೆಯ ಜಂಟಿ ಅಭ್ಯಾಸ
- ಗಡಿ ಪ್ರದೇಶಗಳಲ್ಲಿ ಭದ್ರತೆ ಬಲಪಡಿಸಲು ಅಗತ್ಯವಾದ ತಂತ್ರಜ್ಞಾನ ಮತ್ತು ಅನುಭವ ಹಂಚಿಕೆ
- ಭಾರತ–ನೇಪಾಳ ಸೇನೆಗಳ ಮಧ್ಯೆಯಿನ ಅಂತರ್ರಾಷ್ಟ್ರೀಯ ಮಿಲಿಟರಿ ಸಹಕಾರವನ್ನು ವಿಸ್ತರಿಸುವುದು
“ಸೂರ್ಯಕಿರಣ XIX – 2025” ಅಭ್ಯಾಸವು ಭಾರತ–ನೇಪಾಳ ದೇಶಗಳ ನಡುವಿನ ನಂಬಿಕೆ, ಸಹಕಾರ ಮತ್ತು ಸಮರಸತನದ ಪ್ರತೀಕ. ಇದು ಎರಡೂ ಸೇನೆಗಳ ತಂತ್ರಜ್ಞಾನ, ಕಾರ್ಯತಂತ್ರ ಮತ್ತು ಶಕ್ತಿ ಸಮನ್ವಯಕ್ಕೆ ಮಹತ್ವದ ವೇದಿಕೆ ಒದಗಿಸುತ್ತದೆ. ಗಡಿ ಭದ್ರತೆ, ಉಗ್ರವಾದ ನಿಗ್ರಹ ಮತ್ತು ಮಾನವೀಯ ಸಹಾಯ ಕಾರ್ಯಗಳಲ್ಲಿ ಈ ಅಭ್ಯಾಸದಿಂದ ಉಂಟಾಗುವ ಅನುಭವ ಭವಿಷ್ಯದಲ್ಲಿ ಇಬ್ಬರಿಗೂ ಉಪಯೋಗವಾಗಲಿದೆ.