➤ ಗುಜರಾತ್‌ನ ಗಾಂಧಿನಗರದಲ್ಲಿರುವ ಗಿಫ್ಟ್ ಸಿಟಿ (GIFT City) ಯಿಂದ ಬಂಡವಾಳ ಮಾರುಕಟ್ಟೆ ಮತ್ತು ಸಂಪತ್ತು ನಿರ್ವಹಣೆ (Wealth Management) ಉತ್ಪನ್ನಗಳನ್ನು ವಿತರಿಸಲು ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್ (Standard Chartered Bank) ಗೆ ಅಂತರರಾಷ್ಟ್ರೀಯ ಹಣಕಾಸು ಸೇವೆಗಳ ಕೇಂದ್ರಗಳ ಪ್ರಾಧಿಕಾರ (IFSCA) ನಿಂದ ತಾತ್ವಿಕ ಅನುಮೋದನೆ (In-principle approval) ದೊರೆತಿದೆ.
  • ಅನುಮೋದನೆ ನೀಡಿದ ಸಂಸ್ಥೆ: ಅಂತರರಾಷ್ಟ್ರೀಯ ಹಣಕಾಸು ಸೇವೆಗಳ ಕೇಂದ್ರಗಳ ಪ್ರಾಧಿಕಾರ (IFSCA).
  • ಆಯ್ಕೆಯಾದ ಬ್ಯಾಂಕ್: ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್ (Standard Chartered - ವಿದೇಶಿ ಬ್ಯಾಂಕ್).
  • ಸೇವೆಯ ಸ್ವರೂಪ: ಬಂಡವಾಳ ಮಾರುಕಟ್ಟೆ ಉತ್ಪನ್ನಗಳು, ಹೂಡಿಕೆ ಸಲಹೆ (Investment Advisory) ಹಾಗೂ ಚಿಲ್ಲರೆ ಸಂಪತ್ತು ನಿರ್ವಹಣೆ (Retail Wealth Management) ಸೇವೆಗಳು.
  • ಪ್ರಾರಂಭಿಕ ಯೋಜನೆ: ಬ್ಯಾಂಕ್ ತನ್ನ ‘ಸಿಗ್ನೇಚರ್ ಸಿಐಒ ಫಂಡ್ಸ್’ (Signature CIO Funds) ಅನ್ನು ಗಿಫ್ಟ್ ಸಿಟಿಯಿಂದ ಬಿಡುಗಡೆ ಮಾಡಲಿದ್ದು, ಮುಂಬರುವ ದಿನಗಳಲ್ಲಿ ಇತರ ರಿಟೇಲ್ ಉತ್ಪನ್ನಗಳನ್ನು ಪರಿಚಯಿಸಲಿದೆ.
➤ ಗಿಫ್ಟ್ ಸಿಟಿಯಲ್ಲಿ ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಬ್ಯಾಂಕ್‌ನ ಹಿನ್ನೆಲೆ: 
  • ಮೊದಲ ವಿದೇಶಿ ಬ್ಯಾಂಕ್: 2020 ರಲ್ಲಿ ಗಿಫ್ಟ್ ಸಿಟಿಯಲ್ಲಿ (GIFT City IFSC) ಕಾರ್ಯಾಚರಣೆ ಪ್ರಾರಂಭಿಸಿದ ಮೊದಲ ವಿದೇಶಿ ಬ್ಯಾಂಕ್ ಎಂಬ ಹೆಗ್ಗಳಿಕೆಗೆ ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಪಾತ್ರವಾಗಿತ್ತು.
  • ಸೇವಾ ವಿಸ್ತರಣೆ: ಪ್ರಸ್ತುತ ಬ್ಯಾಂಕ್ ಇಲ್ಲಿಂದ 600ಕ್ಕೂ ಹೆಚ್ಚು ಸಾಂಸ್ಥಿಕ ಮತ್ತು ಕಾರ್ಪೊರೇಟ್ ಗ್ರಾಹಕರಿಗೆ ಬ್ಯಾಂಕಿಂಗ್ ಸೇವೆಗಳನ್ನು ಒದಗಿಸುತ್ತಿದ್ದು, ಈಗ ರಿಟೇಲ್ ವೆಲ್ತ್ ಮ್ಯಾನೇಜ್‌ಮೆಂಟ್ ವಲಯಕ್ಕೂ ಕಾಲಿಡುತ್ತಿದೆ.