ರಕ್ಷಣಾ ಕ್ರಾಂತಿ: ಭಾರತದ ಸ್ವದೇಶಿ ಮಾನವರಹಿತ ನೌಕಾ ತಂತ್ರಜ್ಞಾನ

➤ ರಕ್ಷಣಾ ಕ್ಷೇತ್ರದಲ್ಲಿ ಆತ್ಮನಿರ್ಭರ ಭಾರತದತ್ತ ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿರುವ ಭಾರತವು, ಸಮುದ್ರದ ಆಳ ಮತ್ತು ವಿಸ್ತಾರವನ್ನು ಮನುಷ್ಯನ ಹಸ್ತಕ್ಷೇಪವಿಲ್ಲದೆಯೇ ನಿಯಂತ್ರಿಸುವ ಅತ್ಯಾಧುನಿಕ 'ಮಾನವರಹಿತ ನೌಕಾ ಸಂಚಾರ ತಂತ್ರಜ್ಞಾನ' (Unmanned Surface Vessel - USV) ವನ್ನು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿದೆ.ಬೆಂಗಳೂರಿನ ಭಾರತ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL) ಮತ್ತು ಭಾರತೀಯ ನೌಕಾಪಡೆಯ ಶಸ್ತ್ರಾಸ್ತ್ರ ಹಾಗೂ ವಿದ್ಯುನ್ಮಾನ ಇಂಜಿನಿಯರಿಂಗ್ ವಿಭಾಗ (WESEE) ಜಂಟಿಯಾಗಿ ಈ ತಂತ್ರಜ್ಞಾನವನ್ನು ರೂಪಿಸಿವೆ.
➤ A2NCS ತಂತ್ರಜ್ಞಾನ: ಈ ಸಾಫ್ಟ್‌ವೇರ್ ಅನ್ನು 'ಅಡ್ವಾನ್ಸ್ ಆಟೋನಮಸ್ ನ್ಯಾವಿಗೇಷನ್ ಆಂಡ್ ಕಂಟ್ರೋಲ್ ಸಾಫ್ಟ್‌ವೇರ್' (A2NCS) ಎಂದು ಕರೆಯಲಾಗುತ್ತದೆ. ಇದು ಯುದ್ಧ ನೌಕೆಗಳಿಗೆ ಸ್ವತಂತ್ರವಾಗಿ ಆಲೋಚಿಸುವ ಮತ್ತು ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ನೀಡುತ್ತದೆ.
➤ ಪ್ರಮುಖ ವೈಶಿಷ್ಟ್ಯಗಳು:
=> ಸ್ವಯಂಚಾಲಿತ ನಿರ್ಧಾರ: ಸಮುದ್ರದಲ್ಲಿ ಚಲಿಸುವಾಗ ಎದುರಾಗುವ ಅಡೆತಡೆಗಳನ್ನು ಗುರುತಿಸಿ, ಅಂತಾರಾಷ್ಟ್ರೀಯ ಕಡಲ ಸಂಚಾರ ನಿಯಮಗಳ (COLREGs) ಅನ್ವಯ ಯಾವ ದಿಕ್ಕಿಗೆ ತಿರುಗಬೇಕು ಎಂಬ ನಿರ್ಧಾರವನ್ನು ಈ ಸಾಫ್ಟ್‌ವೇ‌ರ್ ಸ್ವಯಂಪ್ರೇರಿತವಾಗಿ ತೆಗೆದುಕೊಳ್ಳುತ್ತದೆ.
=> ಸೈಬರ್ ಭದ್ರತೆ: ಮಾಹಿತಿ ಸೋರಿಕೆಯನ್ನು ತಡೆಗಟ್ಟಲು ಸಂಪೂರ್ಣವಾಗಿ ದೇಶೀಯವಾಗಿ ರೂಪಿಸಲಾದ ಗೂಢಲಿಪೀಕರಣ (Encryption) ವ್ಯವಸ್ಥೆಯನ್ನು ಇದು ಹೊಂದಿದೆ.
=> ಮಾಡ್ಯುಲರ್ ವಿನ್ಯಾಸ: ಕಾರ್ಯಾಚರಣೆಯ ಅಗತ್ಯಕ್ಕೆ ತಕ್ಕಂತೆ ಇದರ ಮೇಲೆ ಸೋನಾರ್, ರಿಮೋಟ್ ಗನ್ ಸಿಸ್ಟಮ್ ಮತ್ತು ಎಲೆಕ್ಟ್ರಾನಿಕ್ ವಾರ್ಫೇರ್ ಉಪಕರಣಗಳನ್ನು ಅಳವಡಿಸಬಹುದು.
=> ಹೈಬ್ರಿಡ್ ಪ್ರೊಪಲ್ಟನ್: ಇಂಧನ ಉಳಿತಾಯ ಮತ್ತು ಶಬ್ದರಹಿತ ಸಂಚಾರಕ್ಕಾಗಿ ಹೈಬ್ರಿಡ್ ಇಂಜಿನ್ ವ್ಯವಸ್ಥೆಯನ್ನು ಬಳಸಲಾಗಿದೆ.
➤ ಕಾರ್ಯಾಚರಣೆಯ ಮೂರು ವಿಧಾನಗಳು (Modes):
1. ರಿಮೋಟ್ ಕಂಟ್ರೋಲ್ ಮೋಡ್: ನೂರಾರು ಕಿಲೋಮೀಟರ್ ದೂರದ ಕಂಟ್ರೋಲ್ ರೂಂನಿಂದ ತಜ್ಞರು ನಿಯಂತ್ರಿಸಬಹುದು.
2. ಆಟೋನಮಸ್ ವೇ ಪಾಯಿಂಟ್ ನ್ಯಾವಿಗೇಷನ್: ಮೊದಲೇ ನಿಗದಿಪಡಿಸಿದ ಮಾರ್ಗದಲ್ಲಿ ನೌಕೆಯು ಸ್ವತಂತ್ರವಾಗಿ ಸಂಚರಿಸುತ್ತದೆ.
3. ಪೂರ್ಣ ಸ್ವಯಂಚಾಲಿತ ಮೋಡ್: ಮನುಷ್ಯರ ಯಾವುದೇ ಸೂಚನೆಯಿಲ್ಲದೆ, ಬದಲಾಗುವ ವಾತಾವರಣಕ್ಕೆ ತಕ್ಕಂತೆ ನೌಕೆಯು ತಾನೇ ಗುರಿ ತಲುಪುತ್ತದೆ.
➤ ರಕ್ಷಣಾತ್ಮಕ ಲಾಭಗಳು: 
=> ಸಮುದ್ರದಾಳದ ಬಾಂಬ್‌ಗಳನ್ನು (Mines) ಪತ್ತೆಹಚ್ಚಲು ಮತ್ತು ನಾಶಪಡಿಸಲು ಸಹಕಾರಿ.
=> ಅಪಾಯಕಾರಿ ಪ್ರದೇಶಗಳಲ್ಲಿ ಮನುಷ್ಯರ ಜೀವಕ್ಕೆ ಅಪಾಯವಿಲ್ಲದಂತೆ ಶತ್ರುಗಳ ಮೇಲೆ ನಿಗಾ ಇಡಬಹುದು.
=> ಭಾರತೀಯ ನೌಕಾಪಡೆಯ 'ಫಾಸ್ಟ್ ಇಂಟರ್‌ಸೆಪ್ಟರ್ ಬೋಟ್ಸ್' (FIB) ಗಳಿಗೆ ಈ ತಂತ್ರಜ್ಞಾನ ಅಳವಡಿಸಲಾಗಿದ್ದು, ಇವು ಈಗ 'ಸ್ವಯಂಚಾಲಿತ ನೌಕೆಗಳಾಗಿ' ಮಾರ್ಪಟ್ಟಿವೆ.
➤ ಭಾರತೀಯ ಶಿಪ್ಪಿಂಗ್ ರಿಜಿಸ್ಟರ್‌ನಿಂದ 'ಐಆರ್ -ಕ್ಲಾಸ್' (IRClass) ಪ್ರಮಾಣಪತ್ರ ಪಡೆದ ದೇಶದ ಮೊದಲ ಸ್ವದೇಶಿ ಯುಎಸ್‌ವಿ ಸಾಫ್ಟ್‌ವೇ‌ರ್ ಇದಾಗಿದೆ. ಇದು ಭಾರತವನ್ನು ಸ್ವಯಂಚಾಲಿತ ನೌಕಾ ತಂತ್ರಜ್ಞಾನ ಹೊಂದಿರುವ ವಿಶ್ವದ ಆಯ್ದ ರಾಷ್ಟ್ರಗಳ ಸಾಲಿಗೆ ಸೇರಿಸಿದೆ.