Job Description: ➤ ಭಾರತೀಯ ಸಶಸ್ತ್ರ ಪಡೆಗಳ (Armed Forces) ಕಾರ್ಯಾಚರಣೆಯ ದಕ್ಷತೆಯನ್ನು ಹೆಚ್ಚಿಸಲು, ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆಯನ್ನು ಸುಗಮಗೊಳಿಸಲು ಮತ್ತು ರಕ್ಷಣಾ ವಲಯದ ಖರೀದಿ ಪ್ರಕ್ರಿಯೆಗಳನ್ನು ಚುರುಕುಗೊಳಿಸಲು ಕೇಂದ್ರ ಸರ್ಕಾರವು ಒಂದು ಐತಿಹಾಸಿಕ ನಿರ್ಧಾರ ಕೈಗೊಂಡಿದೆ. ಹೊಸದಿಲ್ಲಿಯಲ್ಲಿ ನಡೆದ ರಕ್ಷಣಾ ವಲಯದ ಉನ್ನತ ಮಟ್ಟದ ಸಭೆಯಲ್ಲಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಸಶಸ್ತ್ರ ಪಡೆಗಳ ಪರಿಷ್ಕೃತ ಹಣಕಾಸು ಅಧಿಕಾರ ನಿಯೋಗದ ನಿಯಮಾವಳಿಗಳನ್ನು (Delegation of Financial Powers for Defence Services - DFPDS 2026) ಬಿಡುಗಡೆ ಮಾಡಿದ್ದಾರೆ.- ಹಣಕಾಸು ಅಧಿಕಾರ ಶೇ. 100 ರಷ್ಟು ಹೆಚ್ಚಳ: ಹೊಸ ನಿಯಮಾವಳಿಗಳ ಪ್ರಕಾರ, ರಕ್ಷಣಾ ಪಡೆಗಳ ತಳಮಟ್ಟದ ಅಧಿಕಾರಿಗಳು ಮತ್ತು ಫೀಲ್ಡ್ ಕಮಾಂಡರ್‌ಗಳ ಹಣಕಾಸು ಅಧಿಕಾರವನ್ನು ಶೇಕಡಾ 100 ರಷ್ಟು (ಕೆಲವು ಸಂದರ್ಭಗಳಲ್ಲಿ ಎರಡರಷ್ಟಕ್ಕಿಂತ ಹೆಚ್ಚು) ಹೆಚ್ಚಿಸಲಾಗಿದೆ.- ರೂ. 1.25 ಲಕ್ಷ ಕೋಟಿ ಖರೀದಿ ಪ್ರಕ್ರಿಯೆ: ಈ ಪರಿಷ್ಕೃತ ಚೌಕಟ್ಟು ಪ್ರಸಕ್ತ ಹಣಕಾಸು ವರ್ಷದ ಬಜೆಟ್ ಹಂಚಿಕೆಗೆ ಅನುಗುಣವಾಗಿ, ರವಿನ್ಯೂ ಮಾರ್ಗಗಳ (Revenue Route) ಮೂಲಕ 1.25 ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿನ ಮೊತ್ತದ ಖರೀದಿ ಪ್ರಕ್ರಿಯೆಯನ್ನು ಸುಲಭಗೊಳಿಸಲಿದೆ.- ಸ್ವಾವಲಂಬನೆಗೆ ಆದ್ಯತೆ (Aatmanirbharta): ರಕ್ಷಣಾ ವ್ಯವಸ್ಥೆಯೊಳಗೆ ದೇಶೀಯ ತಂತ್ರಜ್ಞಾನದ ಅಳವಡಿಕೆ (Indigenisation) ಮತ್ತು ಸಂಶೋಧನೆ ಹಾಗೂ ಅಭಿವೃದ್ಧಿ (R&D) ಚಟುವಟಿಕೆಗಳಿಗಾಗಿ ಮೀಸಲಿಡಲಾಗುವ ಹಣಕಾಸು ಅಧಿಕಾರವನ್ನು ದುಪ್ಪಟ್ಟುಗೊಳಿಸಲಾಗಿದೆ. ಇದು ವಿದೇಶಿ ಮೂಲ ಉಪಕರಣ ತಯಾರಕರ (OEMs) ಮೇಲಿನ ಅವಲಂಬನೆಯನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ.- ತುರ್ತು ಕಾರ್ಯಾಚರಣೆ ನಿಧಿ ಹೆಚ್ಚಳ: ತುರ್ತು ಕಾರ್ಯಾಚರಣೆಯ ಅಗತ್ಯತೆಗಳನ್ನು (Urgent Operational Requirements) ಪೂರೈಸಲು ಭೂಸೇನೆ, ನೌಕಾಸೇನೆ ಮತ್ತು ವಾಯುಸೇನೆಯ ಕಮಾಂಡರ್‌ಗಳಿಗೆ ನೀಡಲಾಗಿದ್ದ ವಿಶೇಷ ಹಣಕಾಸು ಅಧಿಕಾರದ ಒಟ್ಟಾರೆ ಮಿತಿಯನ್ನು ದುಪ್ಪಟ್ಟು ಮಾಡಲಾಗಿದೆ.➤ ಈ ಹೊಸ ಸುಧಾರಣೆಯಿಂದಾಗಿ ನಿರ್ಧಾರ ಕೈಗೊಳ್ಳುವ ಪ್ರಕ್ರಿಯೆ ತಳಮಟ್ಟದಲ್ಲೇ ವಿಕೇಂದ್ರೀಕರಣಗೊಳ್ಳಲಿದೆ. ಫೀಲ್ಡ್ ಕಮಾಂಡರ್‌ಗಳ ಮಿತಿ ಹೆಚ್ಚಳ: ಮೂಲಗಳ ಪ್ರಕಾರ, ಫೀಲ್ಡ್ ಕಮಾಂಡರ್‌ಗಳ ಹಣಕಾಸು ಅಧಿಕಾರ ಮಿತಿಯನ್ನು ಪ್ರತಿ ಯೋಜನೆಗೆ ಇದ್ದ ರೂ. 40 ಕೋಟಿಯಿಂದ ರೂ. 100 ಕೋಟಿಗೆ ಏರಿಸಲಾಗಿದೆ. ಸೇನಾ ಮುಖ್ಯಸ್ಥರ ಮಿತಿ ಹೆಚ್ಚಳ: ಮೂರೂ ಪಡೆಗಳ ಮುಖ್ಯಸ್ಥರ (Service Chiefs) ಹಾಲಿ ಇದ್ದ ರೂ. 75 ಕೋಟಿಗಳ ಮಿತಿಯನ್ನು ಸುಮಾರು ರೂ. 150 ಕೋಟಿಗೆ ಹೆಚ್ಚಿಸಲಾಗಿದೆ. ಇದರಿಂದಾಗಿ ಇನ್ನು ಮುಂದೆ ದೆಹಲಿಯ ರಕ್ಷಣಾ ಪ್ರಧಾನ ಕಚೇರಿಯ ಅನುಮತಿಗಾಗಿ ಕಾಯದೇ, ಸ್ಥಳೀಯ ಮಟ್ಟದಲ್ಲೇ ತುರ್ತು ಒಪ್ಪಂದಗಳನ್ನು ಸುಲಭವಾಗಿ ಮತ್ತು ವೇಗವಾಗಿ ಪೂರ್ಣಗೊಳಿಸಲು ಸಾಧ್ಯವಾಗುತ್ತದೆ. ➤ ಜಂಟಿ ಖರೀದಿ ಪ್ರಕ್ರಿಯೆಗೆ ಒತ್ತು: ಸಶಸ್ತ್ರ ಪಡೆಗಳಲ್ಲಿ ಜಂಟಿ ಸಂಸ್ಕೃತಿಯನ್ನು (Jointness) ಉತ್ತೇಜಿಸಲು ಈ ನಿಯಮಾವಳಿಗಳಲ್ಲಿ ವಿಶೇಷ ಅವಕಾಶ ಕಲ್ಪಿಸಲಾಗಿದೆ. ಲೀಡ್ ಸರ್ವಿಸ್ (Lead Service) ಮೂಲಕ ಮೂರೂ ಪಡೆಗಳಿಗೆ ಜಂಟಿ ಖರೀದಿ ಪ್ರಕ್ರಿಯೆ ನಡೆಸಲು ಸಾಮಾನ್ಯ ಪ್ರಕ್ರಿಯೆಗಿಂತ ಹೆಚ್ಚಿನ ಹಣಕಾಸು ಅಧಿಕಾರವನ್ನು ನಿಯೋಜಿಸಲಾಗಿದೆ. ಇದರೊಂದಿಗೆ, ಸರಕು ಮತ್ತು ಸೇವೆಗಳ ಖರೀದಿಯನ್ನು ಮತ್ತಷ್ಟು ವಿಕೇಂದ್ರೀಕರಿಸಲು ಹಲವಾರು ಹೊಸ 'ಸಮರ್ಥ ಹಣಕಾಸು ಪ್ರಾಧಿಕಾರಗಳನ್ನು' (Competent Financial Authorities - CFA) ಪರಿಚಯಿಸಲಾಗಿದೆ.➤ ಸೇನಾ ಪಡೆಗಳ ಆಧುನೀಕರಣ, ಉದಯೋನ್ಮುಖ ತಂತ್ರಜ್ಞಾನಗಳ ತುರ್ತು ಅಗತ್ಯತೆ ಹಾಗೂ ಹೆಚ್ಚುತ್ತಿರುವ ಕಾರ್ಯಾಚರಣೆಯ ವೆಚ್ಚಗಳನ್ನು ಗಮನದಲ್ಲಿಟ್ಟುಕೊಂಡು ಈ ಹೊಸ ಪರಿಷ್ಕರಣೆಯನ್ನು ತರಲಾಗಿದ್ದು, ಇದು ಕಳೆದ ವರ್ಷ ಬಿಡುಗಡೆಯಾದ ರಕ್ಷಣಾ ಖರೀದಿ ಕೈಪಿಡಿಯೊಂದಿಗೆ (DPM) ಒಟ್ಟಾಗಿ ರಕ್ಷಣಾ ವಲಯದಲ್ಲಿನ ಕೆಂಪು ಪಟ್ಟಿಯ ವಿಳಂಬವನ್ನು ಸಂಪೂರ್ಣವಾಗಿ ನಿವಾರಿಸಲಿದೆ.
