* ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಮಂಗಳವಾರ(ಫೆ.12) ‘ಆರ್‌ಬಿಐಡೇಟಾ’ ಮೊಬೈಲ್ ಅಪ್ಲಿಕೇಶನ್ ಬಿಡುಗಡೆ ಮಾಡಿದ್ದು, ಇದು ಭಾರತೀಯ ಆರ್ಥಿಕತೆಗೆ ಸಂಬಂಧಿಸಿದ ಡೇಟಾವನ್ನು ಸುಲಭ ಮತ್ತು ಆಕರ್ಷಕವಾಗಿ ಒದಗಿಸುತ್ತದೆ.
* ಆರ್‌ಬಿಐ ಪ್ರಕಾರ, ಈ ಮೊಬೈಲ್ ಅಪ್ಲಿಕೇಶನ್ 11,000 ಕ್ಕೂ ಹೆಚ್ಚು ಆರ್ಥಿಕ ದತ್ತಾಂಶಗಳಿಗೆ ಪ್ರವೇಶ ನೀಡಿ ಭಾರತೀಯ ಆರ್ಥಿಕತೆಯ ಸಮಗ್ರ ನೋಟವನ್ನು ಒದಗಿಸುತ್ತದೆ.
* ಸಮಯ ಸರಣಿ ಡೇಟಾವನ್ನು ಗ್ರಾಫ್‌ಗಳಲ್ಲಿ ವೀಕ್ಷಣೆ, ವಿಶ್ಲೇಷಣೆ ಹಾಗೂ ಡೌನ್‌ಲೋಡ್ ಮಾಡಬಹುದು. ದತ್ತಾಂಶದ ಮೂಲ, ಅಳತೆಯ ಘಟಕ, ಆವರ್ತನ ಮತ್ತು ಇತ್ತೀಚಿನ ನವೀಕರಣವೂ ಒಳಗೊಂಡಿರುತ್ತದೆ.
* ಅಪ್ಲಿಕೇಶನ್‌ನ ‘ಬ್ಯಾಂಕಿಂಗ್ ಔಟ್‌ಲೆಟ್‌ಗಳು’ ವಿಭಾಗವು ಬಳಕೆದಾರರಿಗೆ 20 ಕಿಮೀ ಒಳಗಿನ ಬ್ಯಾಂಕ್ ಸೌಲಭ್ಯಗಳನ್ನು ಹುಡುಕಲು ಮತ್ತು ‘ಸಾರ್ಕ್ ಹಣಕಾಸು’ ಮೂಲಕ ಸಾರ್ಕ್ ದೇಶಗಳ ಡೇಟಾವನ್ನು ವೀಕ್ಷಿಸಲು ಸಹಾಯ ಮಾಡುತ್ತದೆ.
* ಭಾರತೀಯ ಆರ್ಥಿಕ ಡೇಟಾ ಪೋರ್ಟಲ್‌ಗೆ ಸುಲಭ ಪ್ರವೇಶ ನೀಡುವ ಈ ಅಪ್ಲಿಕೇಶನ್ ಸಂಶೋಧಕರು, ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರಿಗೆ ಉಪಯುಕ್ತವಾಗಿದೆ. ಇದು iOS ಮತ್ತು Android‌ನಲ್ಲಿ ಲಭ್ಯವಿದೆ.