➤ ದೇಶದ ಪ್ರಮುಖ ಖಾಸಗಿ ವಲಯದ ಬ್ಯಾಂಕ್‌ಗಳಲ್ಲಿ ಒಂದಾದ ಸೌತ್ ಇಂಡಿಯನ್ ಬ್ಯಾಂಕ್ (South Indian Bank - SIB) ನೂತನ ವ್ಯವಸ್ಥಾಪಕ ನಿರ್ದೇಶಕ (MD) ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (CEO) ಆಗಿ ಮಹೇಶ್ ಮುರಳಿಧರ್ ಪೈ ಅವರ ನೇಮಕಾತಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಅನುಮೋದನೆ ನೀಡಿದೆ. ಪ್ರಸ್ತುತ ಸೌತ್ ಇಂಡಿಯನ್ ಬ್ಯಾಂಕ್‌ನ ಎಂಡಿ ಮತ್ತು ಸಿಇಒ ಆಗಿರುವ ಪಿ. ಆರ್. ಶೇಷಾದ್ರಿ ಅವರ ಅಧಿಕಾರಾವಧಿ ಸೆಪ್ಟೆಂಬರ್ 30, 2026 ಕ್ಕೆ ಮುಕ್ತಾಯಗೊಳ್ಳಲಿದ್ದು, ಅವರ ಸ್ಥಾನಕ್ಕೆ ಮಹೇಶ್ ಮುರಳಿಧರ್ ಪೈ ಅವರು ಅಕ್ಟೋಬರ್ 1, 2026 ರಿಂದ ಜಾರಿಗೆ ಬರುವಂತೆ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
➤ ಮಹೇಶ್ ಮುರಳಿಧರ್ ಪೈ: 50 ವರ್ಷ ಪ್ರಾಯದ ಮಹೇಶ್ ಮುರಳಿಧರ್ ಪೈ ಅವರು ಬ್ಯಾಂಕಿಂಗ್ ವಲಯದಲ್ಲಿ ಸುಮಾರು 30 ವರ್ಷಗಳ ಸುದೀರ್ಘ ಅನುಭವವನ್ನು ಹೊಂದಿದ್ದಾರೆ.
  • ಪ್ರಸ್ತುತ ಹುದ್ದೆ: ಪ್ರಸ್ತುತ ಇವರು ಕೆನರಾ ಬ್ಯಾಂಕ್‌ನ (Canara Bank) ಚೀಫ್ ಜನರಲ್ ಮ್ಯಾನೇಜರ್ (CGM) ಆಗಿ ಸೇವೆ ಸಲ್ಲಿಸುತ್ತಿದ್ದು, ಬ್ಯಾಂಕ್‌ನ ‘ಡಿಜಿಟಲ್ ಬ್ಯಾಂಕಿಂಗ್ ಮತ್ತು ಇನ್ನೋವೇಶನ್’ ವಿಭಾಗದ ಮುಖ್ಯಸ್ಥರಾಗಿದ್ದಾರೆ.
  • ಅನುಭವದ ಕ್ಷೇತ್ರಗಳು: ಡಿಜಿಟಲ್ ಬ್ಯಾಂಕಿಂಗ್, ಕಾರ್ಪೊರೇಟ್ ಗವರ್ನೆನ್ಸ್ ಮತ್ತು ಸ್ಟ್ರಾಟಜಿ, ಟ್ರೆಜರಿ ಮತ್ತು ವಿದೇಶಿ ವಿನಿಮಯ (Forex), ರೀಟೇಲ್ ಬ್ಯಾಂಕಿಂಗ್, ಹಾಗೂ ಕೃಷಿ ಮತ್ತು MSME ಸಾಲ ವಿಭಾಗಗಳಲ್ಲಿ ವ್ಯಾಪಕ ಅನುಭವ ಹೊಂದಿದ್ದಾರೆ.
➤ ಪ್ರಮುಖ ಮಂಡಳಿಗಳ ಜವಾಬ್ದಾರಿಗಳು: ಮಹೇಶ್ ಪೈ ಅವರು ಬ್ಯಾಂಕಿಂಗ್ ಮತ್ತು ಹಣಕಾಸು ವಲಯದ ವಿವಿಧ ಪ್ರಮುಖ ಸಂಸ್ಥೆಗಳ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ:
  1. ಕೆನರಾ ಬ್ಯಾಂಕ್ ಟಾಂಜಾನಿಯಾ ಲಿಮಿಟೆಡ್‌ನ ನಿರ್ದೇಶಕರು.
  2. ಕರ್ನಾಟಕ ರಾಜ್ಯ ಹಣಕಾಸು ಸಂಸ್ಥೆ (KSFC) ನಿರ್ದೇಶಕರು.
  3. ಕೆನರಾ ಬ್ಯಾಂಕ್ ಸೆಕ್ಯುರಿಟೀಸ್ ಲಿಮಿಟೆಡ್ ನಿರ್ದೇಶಕರು.
  4. FIMMDA ಮತ್ತು SWIFT ಇಂಡಿಯಾ ಡೊಮೆಸ್ಟಿಕ್ ಸರ್ವಿಸಸ್‌ನಲ್ಲಿ ಪ್ರತಿನಿಧಿ.
KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ