➤ ನವದೆಹಲಿಯ ಭಾರತ್ ಮಂಟಪಂನಲ್ಲಿ ನಡೆದ ಇಂಡಿಯಾ AI ಇಂಪ್ಯಾಕ್ಟ್ ಶೃಂಗಸಭೆ 2026 (India AI Impact Summit 2026) ರಲ್ಲಿ 8 ವರ್ಷದ ಬಾಲಕ ರಣವೀರ್ ಸಚ್‌ದೇವ ಎಲ್ಲರ ಗಮನ ಸೆಳೆದಿದ್ದಾನೆ. ಜಾಗತಿಕ ತಂತ್ರಜ್ಞಾನ ನಾಯಕರು ಮತ್ತು ನೀತಿ ನಿರೂಪಕರ ಸಮ್ಮುಖದಲ್ಲಿ ಮಾತನಾಡಿದ ರಣವೀರ್, ಈ ಶೃಂಗಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅತ್ಯಂತ ಕಿರಿಯ 'ಕೀನೋಟ್ ಸ್ಪೀಕರ್' ಎಂಬ ಹೆಗ್ಗಳಿಕೆಗೆ ಪಾತ್ರನಾಗಿದ್ದಾನೆ. ತನ್ನನ್ನು ತಾನು 'ಟೆಕ್ನಾಲಜಿಸ್ಟ್' (Technologist) ಎಂದು ಕರೆದುಕೊಂಡ ರಣವೀರ್, ಭಾರತೀಯ ದರ್ಶನಶಾಸ್ತ್ರಗಳನ್ನು ಆಧುನಿಕ AI ತಂತ್ರಜ್ಞಾನದೊಂದಿಗೆ ಹೇಗೆ ಸಂಯೋಜಿಸಬಹುದು ಎಂಬ ಕುರಿತು ಅದ್ಭುತವಾಗಿ ವಿವರಿಸಿದನು.
➤ ಈ ಶೃಂಗಸಭೆಯ ಸಂದರ್ಭದಲ್ಲಿ ರಣವೀರ್ ಜಗತ್ತಿನ ಪ್ರಮುಖ ಟೆಕ್ ದಿಗ್ಗಜರನ್ನು ಭೇಟಿ ಮಾಡಿದನು:  ಸುಂದರ್ ಪಿಚೈ: ಗೂಗಲ್ (Google) ಸಿಇಒ, ಸ್ಯಾಮ್ ಆಲ್ಟ್‌ಮನ್: ಓಪನ್ ಎಐ (OpenAI) ಸಿಇಒ, ಈ ಹಿಂದೆ ಆಪಲ್ ಸಿಇಒ ಟಿಮ್ ಕುಕ್, ಸೇಲ್ಸ್‌ಫೋರ್ಸ್ ಸಿಇಒ ಮಾರ್ಕ್ ಬೆನಿಯೋಫ್ ಮತ್ತು ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಆಂಟೋನಿಯೊ ಗುಟೆರೆಸ್ ಅವರನ್ನೂ ಭೇಟಿ ಮಾಡಿ ಮೆಚ್ಚುಗೆ ಗಳಿಸಿದ್ದಾನೆ.
➤ ರಣವೀರ್ ಸಚ್‌ದೇವ ಅವರ ಪ್ರಮುಖ ಸಾಧನೆಗಳು:
- ಕೋಡಿಂಗ್ ಆರಂಭ: ಕೇವಲ 3ನೇ ವಯಸ್ಸಿನಲ್ಲಿ ಕೋಡಿಂಗ್ ಕಲಿಯಲು ಆರಂಭಿಸಿದನು.
- TEDx ಸ್ಪೀಕರ್: 6ನೇ ವಯಸ್ಸಿನಲ್ಲಿ ವಿಶ್ವದ ಅತ್ಯಂತ ಕಿರಿಯ TEDx ವಾಗ್ಮಿಯಾಗಿ ದಾಖಲೆ ನಿರ್ಮಿಸಿದನು.
- ಮಾರ್ಸ್ ಮಿಷನ್: 4ನೇ ವಯಸ್ಸಿನಲ್ಲಿ ಮಂಗಳ ಗ್ರಹದ ಪರಿಶೋಧನೆಗಾಗಿ ರಾಕೆಟ್ ಪ್ರೋಟೋಟೈಪ್ ಸಿದ್ಧಪಡಿಸಿ ನಾಸಾದ (NASA) JPL ನಿಂದ ಮನ್ನಣೆ ಪಡೆದಿದ್ದಾನೆ.
- ಪುಸ್ತಕ ರಚನೆ: ಇವನು ಬರೆದ "Are You Born With AI?" ಎಂಬ ಪುಸ್ತಕವು ಜಾಗತಿಕವಾಗಿ ಮನ್ನಣೆ ಪಡೆದಿದೆ.
- AI ಸಾಕ್ಷರತೆ: ಭಾರತದ ಜಿಡಿಪಿ (GDP) ಹೆಚ್ಚಿಸಲು ಮತ್ತು ಜನರಲ್ಲಿ AI ಸಾಕ್ಷರತೆ ಮೂಡಿಸಲು ಭಾರತೀಯ AI ಮಾದರಿಗಳನ್ನು ಬಳಸುವ ಕುರಿತು ಕೆಲಸ ಮಾಡುತ್ತಿದ್ದಾನೆ.
➤ ಪರೀಕ್ಷಾ ದೃಷ್ಟಿಕೋನದಿಂದ ಪ್ರಮುಖ ಅಂಶಗಳು:
- ITU (International Telecommunication Union): ಇದು ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನಕ್ಕಾಗಿ ಇರುವ ವಿಶ್ವಸಂಸ್ಥೆಯ ವಿಶೇಷ ಸಂಸ್ಥೆಯಾಗಿದೆ. ರಣವೀರ್ ಇದರ ರಾಯಭಾರಿಯಾಗಿಯೂ ಕಾರ್ಯನಿರ್ವಹಿಸುತ್ತಿದ್ದಾನೆ.
- AI ಮಾದರಿ: ಭಾರತವು ತನ್ನದೇ ಆದ ಸ್ವದೇಶಿ AI ಮಾದರಿಗಳನ್ನು (ಉದಾಹರಣೆಗೆ: Bhashini) ಅಭಿವೃದ್ಧಿಪಡಿಸುವ ಮೂಲಕ ತಾಂತ್ರಿಕ ಸಾರ್ವಭೌಮತ್ವದತ್ತ ಹೆಜ್ಜೆ ಹಾಕುತ್ತಿದೆ.
- "ನಾವು ಕೇವಲ ತಂತ್ರಜ್ಞಾನದ ಗ್ರಾಹಕರಾಗದೆ (Consumers), ಅದರ ನಿರ್ಮಪಕರಾಗಬೇಕು (Builders)." - ರಣವೀರ್ ಸಚ್‌ದೇವ.