* 1989 ರಿಂದ NHPC ಯೊಂದಿಗೆ ಇರುವ ರಾಜ್ ಕುಮಾರ್ ಚೌಧರಿ ಅವರು ಎನ್‌ಎಚ್‌ಪಿಸಿ ಲಿಮಿಟೆಡ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾಗಿ(ಸಿಎಂಡಿ) ಆಗಸ್ಟ್ 7ರಂದು ಅಧಿಕಾರ ವಹಿಸಿಕೊಂಡಿದ್ದಾರೆ.
* 59 ವರ್ಷದ ಶ್ರೀ ರಾಜ್ ಕುಮಾರ್ ಚೌಧರಿ ಅವರು ಬಿಐಟಿ(ಸಿಂದ್ರಿ)ಯಿಂದ ಸಿವಿಲ್ ಇಂಜಿನಿಯರಿಂಗ್ ಪದವೀಧರರಾಗಿದ್ದಾರೆ ಮತ್ತು ಮ್ಯಾನೇಜ್‌ಮೆಂಟ್‌ನಲ್ಲಿ ಅಡ್ವಾನ್ಸ್‌ಡ್ ಡಿಪ್ಲೊಮಾವನ್ನು ಸಹ ಪೂರ್ಣಗೊಳಿಸಿದ್ದಾರೆ.
* ಅವರು 1989 ರಲ್ಲಿ ಜಾರ್ಖಂಡ್‌ನ ಕೋಯೆಲ್ ಕರೋ HEP ಯಲ್ಲಿ ಪ್ರೊಬೇಷನರಿ ಎಕ್ಸಿಕ್ಯೂಟಿವ್ (ಸಿವಿಲ್) ಆಗಿ NHPC ಗೆ ಸೇರಿದರು. ಶ್ರೀ ಚೌಧರಿ ಅವರು ತಮ್ಮ ವೃತ್ತಿಜೀವನದಲ್ಲಿ NHPCಯಲ್ಲಿ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರ ಹುದ್ದೆಗೆ ನೇಮಕವಾಗಿದ್ದಾರೆ. ಈ ಹಿಂದೆ ಅವರು ಎನ್‌ಎಚ್‌ಪಿಸಿಯ ನಿರ್ದೇಶಕ(ತಾಂತ್ರಿಕ) ಸಹ ಆಗಿದ್ದರು.
* ಶ್ರೀ ಚೌಧರಿ ಅವರು ವೆಚ್ಚ ಎಂಜಿನಿಯರಿಂಗ್ ವಿಭಾಗ, ವಿನ್ಯಾಸ ಮತ್ತು ಇಂಜಿನಿಯರಿಂಗ್ ವಿಭಾಗ ಮತ್ತು NHPCಯ ನಾಲ್ಕು ನಿರ್ಮಾಣ ಯೋಜನೆಗಳಲ್ಲಿ ವಿವಿಧ ಹುದ್ದೆಗಳಲ್ಲಿ ಕೆಲಸ ಮಾಡಿದ್ದಾರೆ. ಸಂಸ್ಥೆಯಾದ್ಯಂತ ಪ್ರಮುಖ ಸ್ಥಾನಗಳನ್ನು ಹೊಂದಿದ್ದಾರೆ ಮತ್ತು ಜಲವಿದ್ಯುತ್ ಕ್ಷೇತ್ರದಲ್ಲಿ ಅಸಾಧಾರಣ ನಾಯಕತ್ವ ಮತ್ತು ಪರಿಣತಿಯನ್ನು ಪ್ರದರ್ಶಿಸಿದ್ದಾರೆ.