* ಲಂಡನ್‌ ಮೂಲದ ಕ್ವಾಕೆರಲಿ ಸೈಮಂಡ್ಸ್‌ (ಕ್ಯೂಎಸ್‌) ಬಿಡುಗಡೆಗೊಳಿಸಿದ 2026ರ ರ‍್ಯಾಂಕಿಂಗ್‌ ಪಟ್ಟಿಯಲ್ಲಿ ದೆಹಲಿಯ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್‌ ಟೆಕ್ನಾಲಜಿ (ಐಐಟಿ)ಯು ಭಾರತದ ಅತ್ಯುತ್ತಮ ಶಿಕ್ಷಣ ಸಂಸ್ಥೆಯಾಗಿ ಹೊರಹೊಮ್ಮಿದೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ, ಐಐಟಿ ದೆಹಲಿಯು 70 ಸ್ಥಾನಗಳಷ್ಟು ಮೇಲಕ್ಕೇರಿದೆ.
* ನೂರಕ್ಕೂ ಹೆಚ್ಚು ದೇಶಗಳಿಂದ 1,500ಕ್ಕೂ ಹೆಚ್ಚು ಶಿಕ್ಷಣ ಸಂಸ್ಥೆಗಳು ಈ ಪಟ್ಟಿಯಲ್ಲಿದ್ದು, ಅಮೆರಿಕದ ಮಸಾಚುಸೆಟ್ಸ್ ಇನ್ಸ್​​ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ತನ್ನ ಅಗ್ರಸ್ಥಾನ ಉಳಿಸಿಕೊಂಡಿದೆ. ಭಾರತದಲ್ಲಿ ಐಐಟಿ ದೆಹಲಿ (IIT Delhi) ಅಗ್ರಸ್ಥಾನಕ್ಕೇರಿದೆ. ಈ ಪಟ್ಟಿಯಲ್ಲಿ ಅನೇಕ ಭಾರತೀಯ ಯೂನಿರ್ಸಿಟಿಗಳು ಮೊದಲ ಬಾರಿಗೆ ಸ್ಥಾನ ಪಡೆದಿವೆ. ಈ ಕ್ಯುಎಸ್ ರ‍್ಯಾಂಕಿಂಗ್‌ ಪಟ್ಟಿಯಲ್ಲಿ ಬರೋಬ್ಬರಿ 54 ಭಾರತೀಯ ಶಿಕ್ಷಣ ಸಂಸ್ಥೆಗಳಿವೆ.
* ಐಐಟಿ ದೆಹಲಿ ಎರಡು ವರ್ಷಗಳ ಹಿಂದೆ ಹತ್ತಿರ ಹತ್ತಿರ 200ನೇ ಸ್ಥಾನದ ಸಮೀಪದಲ್ಲಿತ್ತು. ಎರಡು ವರ್ಷದಲ್ಲಿ 70ಕ್ಕೂ ಹೆಚ್ಚು ಸ್ಥಾನ ಮೇಲೇರಿದೆ. 2024-25ರ ಪಟ್ಟಿಯಲ್ಲಿ ಐಐಟಿ ದೆಹಲಿ 150ನೇ ಸ್ಥಾನದಲ್ಲಿತ್ತು. ಈಗ 2025-26ರ ಪಟ್ಟಿಯಲ್ಲಿ 123ನೇ ಸ್ಥಾನಕ್ಕೇರಿದೆ.
* ಭಾರತೀಯ ಯೂನಿವರ್ಸಿಟಿಗಳ ಪೈಕಿ ಐಐಟಿ ದೆಹಲಿ ನಂತರದ ಸ್ಥಾನ ಐಐಟಿ ಬಾಂಬೆ ಮತ್ತು ಐಐಟಿ ಮದ್ರಾಸ್​ನದ್ದಾಗಿದೆ. ಅವು ಕ್ರಮವಾಗಿ 129 ಮತ್ತು 180ನೇ ರ್ಯಾಂಕಿಂಗ್ ಹೊಂದಿವೆ. ಕಳೆದ ಬಾರಿಯ ಪಟ್ಟಿಯಲ್ಲಿ ಐಐಟಿ ಬಾಂಬೆ ಭಾರತೀಯ ಯೂನಿವರ್ಸಿಟಿಗಳಲ್ಲಿ ನಂಬರ್ ಒನ್ ಎನಿಸಿತ್ತು.
* ಕ್ಯೂಎಸ್‌ ವಿಶ್ವದ ಅತ್ಯಂತ ಪ್ರತಿಷ್ಠಿತ ವಿಶ್ಯವಿದ್ಯಾಲಯಗಳ 2026ನೇ ಸಾಲಿನ ಶ್ರೇಯಾಂಕ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಪಟ್ಟಿಯಲ್ಲಿ ಭಾರತದ 8 ಸಂಸ್ಥೆಗಳು ಹೊಸದಾಗಿ ಸೇರ್ಪಡೆಯಾಗಿವೆ. 
* ಭಾರತದ 54 ಯೂನಿವರ್ಸಿಟಿಗಳು ಈ 2026ರ ಕ್ಯುಎಸ್ ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಇವೆ. ಅತಿಹೆಚ್ಚು ಯೂನಿವರ್ಸಿಟಿಗಳನ್ನು ಪಟ್ಟಿಯಲ್ಲಿ ಹೊಂದಿರುವ ದೇಶಗಳಲ್ಲಿ ಅಮೆರಿಕ ಮೊದಲು ಬರುತ್ತದೆ. ಅಲ್ಲಿಯ 192 ಶಿಕ್ಷಣ ಸಂಸ್ಥೆಗಳು ಇದರಲ್ಲಿವೆ. ಬ್ರಿಟನ್​​ನ 90, ಚೀನಾದ 72 ಯೂನಿವರ್ಸಿಟಿಗಳಿವೆ. ನಾಲ್ಕನೇ ಸ್ಥಾನ ಭಾರತದ್ದಾಗಿದೆ. ಪಾಕಿಸ್ತಾನದ 13 ಯೂನಿವರ್ಸಿಟಿಗಳು ಈ ಪಟ್ಟಿಯಲ್ಲಿ ಇರಬಹುದು.
* ವಿಶ್ವದ ಟಾಪ್-10 ಶಿಕ್ಷಣ ಸಂಸ್ಥೆಗಳು :
1. ಎಂಐಟಿ, ಅಮೆರಿಕ
2. ಲಂಡನ್ ಇಂಪೀರಿಯಲ್ ಕಾಲೇಜ್, ಬ್ರಿಟನ್
3. ಸ್ಟಾನ್​​ಫೋರ್ಡ್ ಯೂನಿವರ್ಸಿಟಿ, ಅಮೆರಿಕ
4. ಆಕ್ಸ್​​ಫರ್ಡ್ ಯೂನಿವರ್ಸಿಟಿ, ಇಂಗ್ಲೆಂಡ್
5. ಹಾರ್ವರ್ಡ್ ಯೂನಿವರ್ಸಿಟಿ, ಅಮೆರಿಕ
6. ಕೇಂಬ್ರಿಡ್ಜ್ ಯೂನಿವರ್ಸಿಟಿ, ಇಂಗ್ಲೆಂಡ್
7. ಇಟಿಎಚ್ ಜುರಿಚ್, ಸ್ವಿಟ್ಜರ್​​ಲ್ಯಾಂಡ್
8. ನ್ಯಾಷನಲ್ ಯೂನಿವರ್ಸಿಟಿ ಆಫ್ ಸಿಂಗಾಪುರ್
9. ಯುನಿವರ್ಸಿಟಿ ಕಾಲೇಜ್ ಲಂಡನ್, ಇಂಗ್ಲೆಂಡ್
10. ಕ್ಯಾಲಿಫೋರ್ನಿಯಾ ಇನ್ಸ್​​ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಅಮೆರಿಕ
* ಭಾರತದ ಟಾಪ್-10 ಶಿಕ್ಷಣ ಸಂಸ್ಥೆಗಳು : 
1. ಐಐಟಿ ಡೆಲ್ಲಿ (123ನೇ ಸ್ಥಾನ)
2. ಐಐಟಿ ಬಾಂಬೆ (129ನೇ ಸ್ಥಾನ)
3. ಐಐಟಿ ಮದ್ರಾಸ್ (180ನೇ ಸ್ಥಾನ)
4. ಐಐಟಿ ಖರಗ್​ಪುರ್ (215ನೇ ಸ್ಥಾನ)
5. ಐಐಎಸ್​​ಸಿ ಬೆಂಗಳೂರು (219ನೇ ಸ್ಥಾನ)
6. ಐಐಟಿ ಕಾನಪುರ್ (222ನೇ ಸ್ಥಾನ)
7. ಡೆಲ್ಲಿ ಯೂನಿವರ್ಸಿಟಿ (328ನೇ ಸ್ಥಾನ)
8. ಐಐಟಿ ಗುವಾಹತಿ (334ನೇ ಸ್ಥಾನ)
9. ಐಐಟಿ ರೂರ್ಕೀ (339ನೇ ಸ್ಥಾನ)
10. ಅಣ್ಣಾ ಯೂನಿವರ್ಸಿಟಿ (465ನೇ ಸ್ಥಾನ)