* ಪಾಕಿಸ್ತಾನದ ಅತ್ಯಂತ ಜನಪ್ರಿಯ ಇಂಗ್ಲಿಷ್ ಭಾಷೆಯ ಕಾದಂಬರಿಕಾರರಲ್ಲಿ ಒಬ್ಬರಾದ ಬಾಪ್ಸಿ ಸಿಧ್ವಾ ಅವರು ಬುಧವಾರ( ಡಿ.25) ಅಮೆರಿಕದ ಟೆಕ್ಸಾಸ್‌ನ ಹೂಸ್ಟನ್‌ನಲ್ಲಿ ನಿಧನರಾದರು.
* ಅವರಿಗೆ 86 ವರ್ಷ ವಯಸ್ಸಾಗಿತ್ತು. ಸಿಧ್ವಾ ಅವರ ಸ್ಮರಣಾರ್ಥ 3 ದಿನ ಕಾರ್ಯಕ್ರಮಗಳನ್ನು ನಡೆಸಿ ನಂತರ ಅಂತ್ಯಸಂಸ್ಕಾರ ನಡೆಸಲಾಗುದು.
* ಪಾಕಿಸ್ತಾನದ ಜನಪ್ರಿಯ ಲೇಖಕಿ ಸಿಧ್ವಾ ಅವರು 1938 ರಲ್ಲಿ ಕರಾಚಿಯ ಗುಜರಾತಿ ಪಾರ್ಸಿ ಕುಟುಂಬದಲ್ಲಿ ಜನಿಸಿದರು. ನಂತರ ಲಾಹೋರ್‌ನಲ್ಲಿ ಬೆಳೆದ ಅವರು, ಅಲ್ಲಿ 1947 ರ ವಿಭಜನೆಯ ಪರಿಣಾಮವನ್ನು ಪ್ರತ್ಯಕ್ಷವಾಗಿ ನೋಡಿದವರಾಗಿದ್ದಾರೆ. ಈ ಘಟನೆ ಅವರನ್ನು ಅವರ ಬರವಣಿಗೆಯನ್ನು ರೂಪಿಸಿತು.
* 1957 ರಲ್ಲಿ ಲಾಹೋರ್‌ನಲ್ಲಿರುವ ಕಿನ್ನೈರ್ಡ್ ಕಾಲೇಜ್ ಫಾರ್ ವುಮೆನ್‌ನಿಂದ ಬಿಎ ಪಡೆದ ಅವರು 1983 ರಲ್ಲಿ ಅಮೆರಿಕಾಕ್ಕೆ ವಲಸೆ ಹೋದರು.
* ಸಿಧ್ವಾ ಅವರು ಪಾಕಿಸ್ತಾನದ ಅತ್ಯುತ್ತಮ ಕಾದಂಬರಿಕಾರರಲ್ಲಿ ಒಬ್ಬರಾಗಿ ವ್ಯಾಪಕವಾಗಿ ಹೆಸರುವಾಸಿಯಾಗಿದ್ದಾರೆ. ಅವರ ಕೃತಿಗಳಲ್ಲಿ ದಿ ಕ್ರೋ ಈಟರ್ಸ್, ಆನ್ ಅಮೇರಿಕನ್ ಬ್ರಾಟ್, ದಿ ಪಾಕಿಸ್ತಾನಿ ಬ್ರೈಡ್ ಮತ್ತು ಸಿಟಿ ಆಫ್ ಸಿನ್ ಅಂಡ್ ಸ್ಪ್ಲೆಂಡರ್: ರೈಟಿಂಗ್ಸ್ ಆನ್ ಲಾಹೋರ್ ಸೇರಿವೆ.
* ಸಿಧ್ವಾ ಅವರು ಕೊಲಂಬಿಯಾ ವಿಶ್ವವಿದ್ಯಾಲಯ ಮತ್ತು ಹೂಸ್ಟನ್ ವಿಶ್ವವಿದ್ಯಾಲಯ ಸೇರಿದಂತೆ ಹಲವಾರು ಸಂಸ್ಥೆಗಳಲ್ಲಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದಾರೆ.
* ಸಿಧ್ವಾ ಅವರು 1991 ರಲ್ಲಿ ಸಿತಾರಾ-ಇ-ಇಮ್ತಿಯಾಜ್ ಗೌರವಕ್ಕೆ ಪಾತ್ರರಾಗಿದ್ದಾರೆ. ಪಾಕಿಸ್ತಾನ ಸರ್ಕಾರ ಕಲೆಗಾಗಿ ನೀಡುವ ಅತ್ಯುನ್ನತ ರಾಷ್ಟ್ರೀಯ ಗೌರವ ಇದಾಗಿದೆ. ಅವರನ್ನು ಜೊರಾಸ್ಟ್ರಿಯನ್ ಹಾಲ್ ಆಫ್ ಫೇಮ್‌ಗೆ ಸೇರಿಸಲಾಯಿತು.