➤ ಮುಂಬರುವ 2027ರ ರಾಷ್ಟ್ರೀಯ ಜನಗಣತಿಯಲ್ಲಿ (National Census 2027) ಇತರ ಹಿಂದುಳಿದ ವರ್ಗಗಳ (OBC) ಪಟ್ಟಿಯನ್ನು ನೇರವಾಗಿ ಬಳಸದಿರಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಪರಿಶಿಷ್ಟ ಜಾತಿ (SC) ಮತ್ತು ಪರಿಶಿಷ್ಟ ಪಂಗಡಗಳನ್ನು (ST) ಹೊರತುಪಡಿಸಿ, ಇನ್ನುಳಿದ ಸಮುದಾಯಗಳ ಜಾತಿಯನ್ನು ಸಾರ್ವಜನಿಕರೇ ಸ್ವಯಂ ನಮೂದಿಸಲು ಜನಗಣತಿ ಫಾರ್ಮ್‌ನಲ್ಲಿ 'ಓಪನ್ ಕಾಲಂ' (Open Column Method) ನೀಡಲು ಕೇಂದ್ರ ತೀರ್ಮಾನಿಸಿದೆ.
➤ ಕೇಂದ್ರ ಸರ್ಕಾರದ ಈ ನಿರ್ಧಾರಕ್ಕೆ ಕಾರಣ: ಕೇಂದ್ರ ಸರ್ಕಾರದ ಗೃಹ ಸಚಿವಾಲಯ ಹಾಗೂ ಭಾರತೀಯ ಮಹಾರಜಿಸ್ಟ್ರಾರ್ ಮತ್ತು ಜನಗಣತಿ ಆಯುಕ್ತರ ಕಚೇರಿ (ORGI) ಪ್ರಕಾರ, ಹಾಲಿ ಇರುವ ಒಬಿಸಿ ಪಟ್ಟಿಗಳನ್ನು ಬಳಸದಿರಲು ಪ್ರಮುಖ ಮೂರು ಕಾರಣಗಳಿವೆ:  
1. 'ಜಾತಿ' (Caste) ಮತ್ತು 'ಸಾಮಾಜಿಕ ವರ್ಗ' (Class) ನಡುವಿನ ವ್ಯತ್ಯಾಸ: 
- ಪ್ರಸ್ತುತ ಇರುವ ಕೇಂದ್ರ ಮತ್ತು ರಾಜ್ಯಗಳ ಒಬಿಸಿ ಪಟ್ಟಿಗಳು ಕೇವಲ ಜಾತಿ ಆಧಾರಿತವಲ್ಲ, ಅವು ಸಾಮಾಜಿಕ ಹಾಗೂ ಶೈಕ್ಷಣಿಕವಾಗಿ ಹಿಂದುಳಿದ 'ವರ್ಗಗಳ' ಪಟ್ಟಿಯಾಗಿದೆ.  
- ಉದಾಹರಣೆಗೆ: ಅಸ್ಸಾಂನ ‘ಚಹಾ ತೋಟದ ಕಾರ್ಮಿಕರು’ (Tea Garden Workers), ಅಂಡಮಾನ್‌ನ ‘ಸ್ಥಳೀಯವಾಗಿ ಹುಟ್ಟಿದವರು’ (Local Borns) ಹಾಗೂ ‘ಭಿಕ್ಷಾಟನೆಯಲ್ಲಿ ತೊಡಗಿರುವ ವರ್ಗಗಳು’ ಒಬಿಸಿ ಪಟ್ಟಿಯಲ್ಲಿವೆ. ಇವು ತಾಂತ್ರಿಕವಾಗಿ ಮತ್ತು ಮಾನವಶಾಸ್ತ್ರದ ಪ್ರಕಾರ ನಿರ್ದಿಷ್ಟ ‘ಜಾತಿ’ ಎಂಬ ವ್ಯಾಖ್ಯಾನಕ್ಕೆ ಒಳಪಡುವುದಿಲ್ಲ.  
2. ರಾಜ್ಯಗಳ ನಡುವಿನ ವರ್ಗೀಕರಣ ಗೊಂದಲ: 
- ಒಂದು ರಾಜ್ಯದಲ್ಲಿ ಒಬಿಸಿ (OBC): ಪಟ್ಟಿಯಲ್ಲಿರುವ ಸಮುದಾಯವು ಮತ್ತೊಂದು ರಾಜ್ಯದಲ್ಲಿ ಪರಿಶಿಷ್ಟ ಜಾತಿ (SC) ಅಥವಾ ಪರಿಶಿಷ್ಟ ಪಂಗಡದ (ST) ಪಟ್ಟಿಯಲ್ಲಿ ಸೇರ್ಪಡೆಯಾಗಿರುತ್ತದೆ.  
- ರಾಷ್ಟ್ರಮಟ್ಟದಲ್ಲಿ ಏಕರೂಪದ ‘ಡ್ರಾಪ್-ಡೌನ್’ ಪಟ್ಟಿ ಅಥವಾ ಮೆನು ಸಿದ್ಧಪಡಿಸುವುದು ತಾಂತ್ರಿಕವಾಗಿ ಕಷ್ಟಸಾಧ್ಯ.  
3. ರಾಜ್ಯ ಸಮೀಕ್ಷೆಗಳ ಅನುಭವ:  
- ಬಿಹಾರ ಮತ್ತು ತೆಲಂಗಾಣದಲ್ಲಿ ನಡೆಸಲಾದ ಜಾತಿ ಸಮೀಕ್ಷೆಗಳ ಮಾದರಿಯನ್ನು ಪರಿಶೀಲಿಸಿದಾಗಲೂ ಇಂತಹ ತಾಂತ್ರಿಕ ತೊಡಕುಗಳು ಎದುರಾಗಿದ್ದವು.  
➤ ಓಪನ್ ಕಾಲಂ' ವಿಧಾನ ಹೇಗೆ ಕೆಲಸ ಮಾಡುತ್ತದೆ?  
- SC / ST ಸಮುದಾಯಗಳು: ರಾಷ್ಟ್ರಪತಿಗಳ ಅಧಿಕೃತ ಪರಿಶಿಷ್ಟ ಪಟ್ಟಿಯ (Presidential Lists) ಆಧಾರದ ಮೇಲೆಯೇ ಗಣತಿ ನಡೆಯುತ್ತದೆ.
- ಇತರ ಎಲ್ಲಾ ಸಮುದಾಯಗಳು (OBC/General): ಫಾರ್ಮ್‌ನಲ್ಲಿ ಖಾಲಿ ಜಾಗ ('Open Column') ಇರುತ್ತದೆ. ಸಾರ್ವಜನಿಕರು ತಮ್ಮ ಜಾತಿಯ ಹೆಸರನ್ನು ಸ್ವಯಂ ನಮೂದಿಸಬಹುದು.