ನಾಸಾದ ಐಕಾನ್ ಸುನಿತಾ ವಿಲಿಯಮ್ಸ್ ಅಧಿಕೃತ ನಿವೃತ್ತಿ ಘೋಷಣೆ

➤ ಭಾರತೀಯ ಮೂಲದ ಖ್ಯಾತ ಗಗನಯಾತ್ರಿ ಸುನಿತಾ ವಿಲಿಯಮ್ಸ್ ಅವರು ತಮ್ಮ 27 ವರ್ಷಗಳ ಸುದೀರ್ಘ ಮತ್ತು ಸ್ಫೂರ್ತಿದಾಯಕ ವೃತ್ತಿಜೀವನದ ನಂತರ ಡಿಸೆಂಬರ್ 27, 2025 ರಂದು ನಾಸಾದಿಂದ ಅಧಿಕೃತವಾಗಿ ನಿವೃತ್ತರಾಗಿದ್ದಾರೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ISS) ಮೂರು ಪ್ರಮುಖ ಕಾರ್ಯಾಚರಣೆಗಳನ್ನು ಪೂರೈಸಿದ ಅವರು, ಮಾನವ ಬಾಹ್ಯಾಕಾಶ ಯಾನದ ಇತಿಹಾಸದಲ್ಲಿ ಅಳಿಸಲಾಗದ ಮುದ್ರೆ ಒತ್ತಿದ್ದಾರೆ.
➤ ಪ್ರಮುಖ ಸಾಧನೆಗಳು ಮತ್ತು ದಾಖಲೆಗಳು:-
=> ಬಾಹ್ಯಾಕಾಶದಲ್ಲಿ ಕಳೆದ ಸಮಯ: ಅವರು ಒಟ್ಟು 608 ದಿನಗಳನ್ನು ಬಾಹ್ಯಾಕಾಶದಲ್ಲಿ ಕಳೆದಿದ್ದಾರೆ. ಇದು ನಾಸಾ ಗಗನಯಾತ್ರಿಗಳ ಪೈಕಿ ಎರಡನೇ ಅತಿ ಹೆಚ್ಚು ಅವಧಿಯಾಗಿದೆ.
=> ಸ್ಪೇಸ್‌ವಾಕ್ (Spacewalk) ದಾಖಲೆ: ಸುನಿತಾ ಅವರು ಒಟ್ಟು 9 ಬಾರಿ ಸ್ಪೇಸ್‌ವಾಕ್ ಮಾಡಿದ್ದು, ಒಟ್ಟು 62 ಗಂಟೆ 6 ನಿಮಿಷಗಳ ಕಾಲ ನೌಕೆಯ ಹೊರಗೆ ಕೆಲಸ ಮಾಡಿದ್ದಾರೆ. ಇದು ಮಹಿಳಾ ಗಗನಯಾತ್ರಿಯೊಬ್ಬರು ಮಾಡಿದ ಅತಿ ಹೆಚ್ಚು ಸಮಯದ ಸ್ಪೇಸ್‌ವಾಕ್ ದಾಖಲೆಯಾಗಿದೆ.
=> ಬಾಹ್ಯಾಕಾಶದಲ್ಲಿ ಮ್ಯಾರಥಾನ್: ಬಾಹ್ಯಾಕಾಶ ನಿಲ್ದಾಣದಲ್ಲೇ ಟ್ರೆಡ್‌ಮಿಲ್ ಮೇಲೆ ಓಡುವ ಮೂಲಕ 'ಬಾಹ್ಯಾಕಾಶದಲ್ಲಿ ಮ್ಯಾರಥಾನ್' ಪೂರ್ಣಗೊಳಿಸಿದ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಇವರು ಪಾತ್ರರಾಗಿದ್ದಾರೆ.
➤ ವೃತ್ತಿಜೀವನದ ಪ್ರಮುಖ ಘಟ್ಟಗಳು:-
=> ಆರಂಭಿಕ ಜೀವನ: ಇವರು ಅಮೆರಿಕದ ನೌಕಾಪಡೆಯಲ್ಲಿ ಪೈಲಟ್ ಆಗಿ ವೃತ್ತಿ ಆರಂಭಿಸಿದರು. 1998ರಲ್ಲಿ ನಾಸಾ ಇವರನ್ನು ಗಗನಯಾತ್ರಿಯಾಗಿ ಆಯ್ಕೆ ಮಾಡಿತು.
=> ಮೊದಲ ಯಾನ (2006): ಡಿಸ್ಕವರಿ ನೌಕೆಯ ಮೂಲಕ ಮೊದಲ ಬಾರಿಗೆ ಬಾಹ್ಯಾಕಾಶಕ್ಕೆ ತೆರಳಿದರು.
=> ಎರಡನೇ ಯಾನ (2012): ಎಕ್ಸ್‌ಪೆಡಿಶನ್ 32/33 ರ ಭಾಗವಾಗಿ ತೆರಳಿ, ಬಾಹ್ಯಾಕಾಶ ನಿಲ್ದಾಣದ ಕಮಾಂಡರ್ ಆಗಿ ಜವಾಬ್ದಾರಿ ನಿರ್ವಹಿಸಿದರು.
=> ಕೊನೆಯ ಯಾನ (2024-25): ಜೂನ್ 2024 ರಲ್ಲಿ ಬೋಯಿಂಗ್ ಸ್ಟಾರ್‌ಲೈನರ್ ಮೂಲಕ ತೆರಳಿದ್ದ ಅವರು, ತಾಂತ್ರಿಕ ಕಾರಣಗಳಿಂದಾಗಿ ಅಲ್ಲಿಯೇ ಹೆಚ್ಚು ದಿನ ಉಳಿಯಬೇಕಾಯಿತು. ಅಂತಿಮವಾಗಿ ಮಾರ್ಚ್ 2025 ರಲ್ಲಿ ಸ್ಪೇಸ್‌ಎಕ್ಸ್ ಕ್ರೂ-9 ಮೂಲಕ ಭೂಮಿಗೆ ಮರಳಿದರು. 
➤ ಸುನಿತಾ ಅವರ ತಂದೆ ದೀಪಕ್ ಪಾಂಡ್ಯ ಅವರು ಗುಜರಾತ್ ಮೂಲದವರು (ಅವರು 2020 ರಲ್ಲಿ ನಿಧನರಾದರು). ತಾಯಿ ಬೋನಿ ಪಾಂಡ್ಯ ಸ್ಲೋವೇನಿಯಾ ಮೂಲದವರು.
➤ ಇತ್ತೀಚೆಗೆ ದೆಹಲಿಗೆ ಭೇಟಿ ನೀಡಿದ್ದ ಸುನಿತಾ ಅವರು, ಭಾರತೀಯ ಮೂಲದ ಮೊದಲ ಮಹಿಳಾ ಗಗನಯಾತ್ರಿ ದಿವಂಗತ ಕಲ್ಪನಾ ಚಾವ್ಲಾ ಅವರ ಕುಟುಂಬವನ್ನು ಭೇಟಿ ಮಾಡಿದ್ದರು.