* ‘ಇನ್‌ವೆಸ್ಟ್‌ ಕರ್ನಾಟಕ–2025’ ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶ ಇಂದು (ಫೆಬ್ರುವರಿ.11) ಆರಂಭವಾಗುತ್ತಿದೆ. ಕರ್ನಾಟಕವನ್ನು ಬಂಡವಾಳ ಹೂಡಿಕೆಯ ಶಕ್ತಿ ಕೇಂದ್ರವನ್ನಾಗಿ ಅಭಿವೃದ್ಧಿಪಡಿಸುವ ಉದ್ದೇಶದಿಂದ, ಕೈಗಾರಿಕಾ ಪ್ರಗತಿ ಮತ್ತು ಜಾಗತಿಕ ಪಾಲುದಾರಿಕೆಗೆ ರಾಜ್ಯದ ಸೌಲಭ್ಯಗಳನ್ನು ವಿಶ್ವಕ್ಕೆ ಪರಿಚಯಿಸುವುದು ಇದರ ಉದ್ದೇಶವಾಗಿದೆ.
* 19 ದೇಶಗಳ ಖ್ಯಾತ ಉದ್ಯಮಿಗಳು ಹಾಗೂ ಪ್ರತಿನಿಧಿಗಳ ಭಾಗವಹಿಸುವಿಕೆಯಿಂದ ₹10 ಲಕ್ಷ ಕೋಟಿ ಬಂಡವಾಳ ಹೂಡಿಕೆ ಸಾಧ್ಯತೆಯ ನಿರೀಕ್ಷೆಯಿದೆ.
* ಉದ್ದಿಮೆ, ನೀತಿ ಮತ್ತು ನಾವೀನ್ಯತೆ ಕ್ಷೇತ್ರದ ದಿಗ್ಗಜರು ಸಮಾವೇಶದಲ್ಲಿ ಸೇರಿ, ಕರ್ನಾಟಕದ ಬಂಡವಾಳ ಹೂಡಿಕೆ ಮತ್ತು ಕೈಗಾರಿಕಾ ಪ್ರಗತಿಯ ಭವಿಷ್ಯ ಕುರಿತು ಚರ್ಚಿಸಲಿದ್ದಾರೆ.
* ಸಮಾವೇಶದಿಂದ ರಾಜ್ಯದಲ್ಲಿ ಉದ್ಯಮದ ಸಂಶೋಧನೆ, ಸಹಯೋಗ ಮತ್ತು ತಯಾರಿಕಾ ಚಟುವಟಿಕೆಗಳು ವಿಸ್ತಾರಗೊಳ್ಳಲಿವೆ. ಇದರ ಮುಖ್ಯ ಧ್ಯೇಯ ‘ಪ್ರಗತಿಯ ಮರುಪರಿಕಲ್ಪನೆ’ವಾಗಿದೆ.
* ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ ಅವರ ಪ್ರಕಾರ, ತಂತ್ರಜ್ಞಾನ ಆಧಾರಿತ, ಪರಿಸರಸ್ನೇಹಿ ಮತ್ತು ಸುಸ್ಥಿರ ಬೆಳವಣಿಗೆಯನ್ನು ಉತ್ತೇಜಿಸುವ ರಾಜ್ಯ ಸರ್ಕಾರದ ಬದ್ಧತೆ ಈ ಸಮಾವೇಶದಲ್ಲಿ ಪ್ರತಿಬಿಂಬಿಸಲಿದ್ದು, ಸಮಾವೇಶದ ಬಳಿಕ ಕರ್ನಾಟಕದ ಭವಿಷ್ಯ ಹೊಸ ದಿಕ್ಕಿನತ್ತ ಸಾಗಲಿದೆ.
* 2025-30ನೇ ಸಾಲಿನ ನೂತನ ಕೈಗಾರಿಕಾ ನೀತಿ ಬಿಡುಗಡೆಗೊಂಡಿದ್ದು, ತ್ವರಿತ ಅನುಮೋದನೆಗಾಗಿ ಏಕಗವಾಕ್ಷಿ ಪೋರ್ಟಲ್‌ ಆರಂಭಿಸಲಾಯಿತು ಹಾಗೂ 60ಕ್ಕೂ ಹೆಚ್ಚು ಕಂಪನಿಗಳು ಅತ್ಯಾಧುನಿಕ ತಂತ್ರಜ್ಞಾನ ಪ್ರದರ್ಶಿಸಿದವು.
* ಪರಿಸರಸ್ನೇಹಿ ವಿದ್ಯುತ್ ವಾಹನಗಳು, ಜೈವಿಕ ತಂತ್ರಜ್ಞಾನ, ಮತ್ತು ನಿಖರ ಬಿಡಿಭಾಗ ತಯಾರಿಕೆಯಲ್ಲಿ ಬೆಳವಣಿಗೆ ವೇಗ ಪಡೆಯಲಿದೆ. ರಾಜ್ಯದ ಎಂಎಸ್‌ಇ ಮತ್ತು ನವೋದ್ಯಮಗಳಿಗೆ ಉತ್ತೇಜನ ಸಿಗಲಿದೆ. 2000ಕ್ಕೂ ಹೆಚ್ಚು ಎಸ್‌ಎಂಇಗಳಿಗೆ ಡಿಜಿಟಲೀಕರಣ ತರಬೇತಿ, 100 ಸಂಸ್ಥೆಗಳಿಗೆ ನೆರವು ಒದಗಿಸಲಾಗುತ್ತಿದೆ.