Job Description: ➤ ಪ್ರತಿ ವರ್ಷ ಆಗಸ್ಟ್ 12 ರಂದು ಜಗತ್ತಿನಾದ್ಯಂತ ಅಂತರರಾಷ್ಟ್ರೀಯ ಯುವ ದಿನಾಚರಣೆ (International Youth Day) ಯನ್ನು ಆಚರಿಸಲಾಗುತ್ತದೆ. ಯುವಜನರು ಎದುರಿಸುತ್ತಿರುವ ಸಾಮಾಜಿಕ, ಆರ್ಥಿಕ ಹಾಗೂ ತಾಂತ್ರಿಕ ಸವಾಲುಗಳ ಕುರಿತು ಜಾಗೃತಿ ಮೂಡಿಸಲು ಮತ್ತು ಜಾಗತಿಕ ಅಭಿವೃದ್ಧಿಯಲ್ಲಿ ಅವರ ಸಕ್ರಿಯ ಪಾತ್ರವನ್ನು ಗುರುತಿಸಲು ವಿಶ್ವಸಂಸ್ಥೆಯು ಈ ದಿನವನ್ನು ಮೀಸಲಿಟ್ಟಿದೆ.2026ರ ಧೇಯವಾಕ್ಯ (Theme): "Different Contexts, Common Aspirations" (ವಿಭಿನ್ನ ಹಿನ್ನೆಲೆಗಳು, ಒಂದೇ ಆಕಾಂಕ್ಷೆಗಳು)➤ ಮೂರು ಉಪ-ಧೇಯಗಳು (Sub-themes): ಜಾಗತಿಕ ಒಗ್ಗಟ್ಟು (Global Solidarity): ಸಮಾನ ಅವಕಾಶ ಮತ್ತು ಸಂಪನ್ಮೂಲಗಳ ಹಂಚಿಕೆ. ಹಂಚಿಕೆಯ ಸವಾಲುಗಳು (Shared Challenges): ಹವಾಮಾನ ಬದಲಾವಣೆ, ನಿರುದ್ಯೋಗ ಮತ್ತು ಡಿಜಿಟಲ್ ಅಸಮಾನತೆ ಮೆಟ್ಟಿ ನಿಲ್ಲುವುದು. ಯುವ ಆವಿಷ್ಕಾರ (Youth Innovation): ಕೃತಕ ಬುದ್ಧಿಮತ್ತೆ (AI) ಮತ್ತು ಡಿಜಿಟಲ್ ತಂತ್ರಜ್ಞಾನಗಳ ಮೂಲಕ ಸ್ಥಳೀಯ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವುದು. ➤ ಆಸ್ಟ್ರಿಯಾದ ವಿಯೆನ್ನಾದಲ್ಲಿ 1991ರಲ್ಲಿ ಪ್ರಸ್ತಾಪಗೊಂಡು, 1998ರ ಲಿಸ್ಬನ್ ಸಮ್ಮೇಳನದ ಶಿಫಾರಸಿನಂತೆ 1999ರಲ್ಲಿ ವಿಶ್ವಸಂಸ್ಥೆಯ ಮಹಾಸಭೆಯು Resolution 54/120 ಮೂಲಕ ಅಂಗೀಕರಿಸಿದ ನಂತರ, ಮೊದಲ ಅಂತರರಾಷ್ಟ್ರೀಯ ಯುವ ದಿನವನ್ನು ಆಗಸ್ಟ್ 12, 2000 ರಂದು ವಿಶ್ವದಾದ್ಯಂತ ಆಚರಿಸಲಾಯಿತು.➤ ಕೇಂದ್ರ ಸರ್ಕಾರದ ಯೋಜನೆಗಳು: ಪ್ರಧಾನಮಂತ್ರಿ ಕೌಶಲ್ಯ ವಿಕಾಸ ಯೋಜನೆ (PMKVY): ಯುವಜನರಲ್ಲಿ ವೃತ್ತಿಪರ ಕೌಶಲ್ಯಗಳನ್ನು ಹೆಚ್ಚಿಸಿ ಉದ್ಯೋಗಾವಕಾಶ ಕಲ್ಪಿಸುವುದು. ಮೈ ಭಾರತ್ (MY Bharat - Mera Yuva Bharat): ಯುವ ಶಕ್ತಿಯನ್ನು ದೇಶ ನಿರ್ಮಾಣ ಕಾರ್ಯಗಳಲ್ಲಿ ಸಕ್ರಿಯವಾಗಿ ತೊಡಗಿಸಲು ಆರಂಭಿಸಲಾದ ಸ್ವಾಯತ್ತ ವೇದಿಕೆ. ಜನರೇಶನ್ ಅನ್‌ಲಿಮಿಟೆಡ್ / ಯುವಾ (YuWaah): ಯೂನಿಸೆಫ್ (UNICEF) ಮತ್ತು ಭಾರತ ಸರ್ಕಾರದ ಜಂಟಿ ಉಪಕ್ರಮ. ➤ ಕರ್ನಾಟಕ ಸರ್ಕಾರದ ಯೋಜನೆಗಳು: ಸ್ವಾಮಿ ವಿವೇಕಾನಂದ ಯುವ ಶಕ್ತಿ ಯೋಜನೆ: ಗ್ರಾಮೀಣ ಯುವಕರಲ್ಲಿ ಸ್ವಯಂ ಉದ್ಯೋಗ ಮತ್ತು ಉದ್ಯಮಶೀಲತೆಯನ್ನು ಉತ್ತೇಜಿಸುವುದು. ಯುವನಿಧಿ ಯೋಜನೆ: ಪದವಿ ಮತ್ತು ಡಿಪ್ಲೊಮಾ ಪೂರ್ಣಗೊಳಿಸಿ ನಿರುದ್ಯೋಗಿಗಳಾಗಿರುವ ಯುವಕರಿಗೆ ಮಾಸಿಕ ಭತ್ಯೆ ನೀಡುವ ಗ್ಯಾರಂಟಿ ಯೋಜನೆ. ಕರ್ನಾಟಕ ಕೌಶಲ್ಯ ಅಭಿವೃದ್ಧಿ ನಿಗಮ (KSDC): ಕೌಶಲ್ಯ ತರಬೇತಿ ನೀಡುವ ಮೂಲಕ ಉದ್ಯೋಗಾರ್ಹತೆ ಹೆಚ್ಚಿಸುವುದು.
