➤ ಟೋಕಿಯೊ: ಎರಡು ಬಾರಿಯ ಒಲಿಂಪಿಕ್ಸ್ ಪದಕ ವಿಜೇತೆ, ಭಾರತದ ತಾರಾ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿ.ವಿ. ಸಿಂಧು ಅವರು ಜಪಾನ್ ಓಪನ್ ಸೂಪರ್ 750 ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ಈ ಮೂಲಕ ಸುದೀರ್ಘಾವಧಿಯ ಪ್ರಶಸ್ತಿ ಬರವನ್ನು ನೀಗಿಸಿಕೊಂಡಿದ್ದಲ್ಲದೆ, ಜಪಾನ್ ಓಪನ್ ಕಿರೀಟ ಗೆದ್ದ ಭಾರತದ ಮೊದಲ ಆಟಗಾರ್ತಿ ಎಂಬ ಐತಿಹಾಸಿಕ ಸಾಧನೆಗೆ ಪಾತ್ರರಾಗಿದ್ದಾರೆ.
➤ ಫೈನಲ್ ಪಂದ್ಯದ ರೋಚಕ ವಿವರ: ಭಾನುವಾರ (19-07-2026) ನಡೆದ ರೋಚಕ ಫೈನಲ್ ಹಣಾಹಣಿಯಲ್ಲಿ ಸಿಂಧು, ಸ್ಥಳೀಯ ನೆಚ್ಚಿನ ಆಟಗಾರ್ತಿ ಹಾಗೂ ವಿಶ್ವದ ಮಾಜಿ ಚಾಂಪಿಯನ್ ಜಪಾನ್‌ನ ಅಕಾನೆ ಯಮಾಗುಚಿ ವಿರುದ್ಧ ನೆರ ನೇರ ಗೇಮ್‌ಗಳಿಂದ ಜಯ ಸಾಧಿಸಿದರು. ಫೈನಲ್ ಸ್ಕೋರ್: 21-17, 21-17 (ಭಾರತದ ಸಿಂಧುಗೆ ಜಯ) ಪಂದ್ಯದ ಅವಧಿ: 50 ನಿಮಿಷಗಳು ಪಂದ್ಯದುದ್ದಕ್ಕೂ ಅದ್ಭುತ ಆಕ್ರಮಣಕಾರಿ ಆಟ ಹಾಗೂ ಕೌಶಲ್ಯಪೂರ್ಣ ನೆಟ್ ಪ್ಲೇ ಪ್ರದರ್ಶಿಸಿದ ಸಿಂಧು, ಪ್ರಬಲ ಎದುರಾಳಿ ಯಮಾಗುಚಿ ಅವರಿಗೆ ಯಾವುದೇ ಹಂತದಲ್ಲೂ ಚೇತರಿಸಿಕೊಳ್ಳಲು ಅವಕಾಶ ನೀಡಲಿಲ್ಲ.
➤ ಪ್ರಮುಖ ಸಾಧನೆಗಳು ಮತ್ತು ವಿಶೇಷತೆ: ಮೊದಲ ಜಪಾನ್ ಓಪನ್ ಪ್ರಶಸ್ತಿ: ಜಪಾನ್ ಓಪನ್ ಇತಿಹಾಸದಲ್ಲಿ ಕಿರೀಟ ಮುಡಿಗೇರಿಸಿಕೊಂಡ ಮೊದಲ ಭಾರತೀಯ ಆಟಗಾರ್ತಿ. ಪ್ರಥಮ ಸೂಪರ್ 750 ಕಿರೀಟ: ಬಿಡಬ್ಲ್ಯೂಎಫ್ (BWF) ಸೂಪರ್ 750 ಸರಣಿಯಲ್ಲಿ ಸಿಂಧು ಗೆದ್ದ ಮೊದಲ ಪ್ರಶಸ್ತಿ ಇದಾಗಿದೆ. 4 ವರ್ಷಗಳ ನಂತರ ಯಮಾಗುಚಿ ವಿರುದ್ಧ ಜಯ: ಕಳೆದ ನಾಲ್ಕು ವರ್ಷಗಳಲ್ಲಿ ಪೂರ್ಣಗೊಂಡ ಪಂದ್ಯದಲ್ಲಿ ಅಕಾನೆ ಯಮಾಗುಚಿ ವಿರುದ್ಧ ಸಿಂಧು ಸಾಧಿಸಿದ ಮೊದಲ ಗೆಲುವು ಇದಾಗಿದೆ. ಸುದೀರ್ಘ ಕಾಯುವಿಕೆಗೆ ಅಂತ್ಯ: 2019ರ ವಿಶ್ವ ಚಾಂಪಿಯನ್‌ಷಿಪ್ ಬಳಿಕ ಸಿಂಧು ಗಳಿಸಿದ ಅತ್ಯಂತ ಪ್ರಮುಖ ಹಾಗೂ ದೊಡ್ಡ ವಿಶ್ವ ಟೂರ್ ಪ್ರಶಸ್ತಿ ಇದಾಗಿದೆ
KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ