Job Description: ➤ 2026-27ನೇ ಹಣಕಾಸು ವರ್ಷದ ಮೊದಲ ಎರಡು ತಿಂಗಳುಗಳಾದ ಏಪ್ರಿಲ್ ಮತ್ತು ಮೇ ಅವಧಿಯಲ್ಲಿ ಭಾರತದ ಹಣಕಾಸು ಕೊರತೆ (Fiscal Deficit) ₹1.62 ಲಕ್ಷ ಕೋಟಿ ತಲುಪಿದ್ದು, ಇದು ವಾರ್ಷಿಕ ಗುರಿಯ 9.6% ಆಗಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಹಣಕಾಸು ಕೊರತೆ ಸುಮಾರು 12 ಪಟ್ಟು ಹೆಚ್ಚಾಗಿದೆ. ಈ ಅಂಕಿಅಂಶಗಳನ್ನು ಕೇಂದ್ರ ಸರ್ಕಾರದ Controller General of Accounts (CGA) ಬಿಡುಗಡೆ ಮಾಡಿದೆ.➤ ಹಣಕಾಸು ಕೊರತೆ: ಸರ್ಕಾರದ ಒಟ್ಟು ವೆಚ್ಚವು ಅದರ ಒಟ್ಟು ಆದಾಯವನ್ನು (ಸಾಲಗಳನ್ನು ಹೊರತುಪಡಿಸಿ) ಮೀರಿದಾಗ ಉಂಟಾಗುವ ವ್ಯತ್ಯಾಸವನ್ನು ಹಣಕಾಸು ಕೊರತೆ (Fiscal Deficit) ಎಂದು ಕರೆಯಲಾಗುತ್ತದೆ. ಈ ಕೊರತೆಯನ್ನು ಸರಿಪಡಿಸಲು ಸರ್ಕಾರ ಸಾಲ ಪಡೆಯಬೇಕಾಗುತ್ತದೆ.➤ ಪ್ರಮುಖ ಅಂಕಿಅಂಶಗಳು: ಹಣಕಾಸು ಕೊರತೆ: ₹1.62 ಲಕ್ಷ ಕೋಟಿ ವಾರ್ಷಿಕ ಗುರಿಯಲ್ಲಿ ಪಾಲು: 9.6% 2026-27ರ ವಾರ್ಷಿಕ ಹಣಕಾಸು ಕೊರತೆ ಗುರಿ: ₹16.96 ಲಕ್ಷ ಕೋಟಿ (GDPಯ 4.3%) ಒಟ್ಟು ಸರ್ಕಾರಿ ವೆಚ್ಚ: ₹8.8 ಲಕ್ಷ ಕೋಟಿ ಬಂಡವಾಳ ವೆಚ್ಚ (Capital Expenditure): ₹2.5 ಲಕ್ಷ ಕೋಟಿ ನಿವ್ವಳ ತೆರಿಗೆ ಆದಾಯ: ₹3.5 ಲಕ್ಷ ಕೋಟಿ ತೆರಿಗೆೇತರ ಆದಾಯ: ಸುಮಾರು ₹3.5 ಲಕ್ಷ ಕೋಟಿ ➤ RBI ಲಾಭಾಂಶದ ಪರಿಣಾಮ: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಸರ್ಕಾರಕ್ಕೆ ದಾಖಲೆಯ ₹2.87 ಲಕ್ಷ ಕೋಟಿ ಲಾಭಾಂಶ ನೀಡಿದ ಪರಿಣಾಮ, ಮೇ ತಿಂಗಳ ಅಂತ್ಯದ ವೇಳೆಗೆ ಹಣಕಾಸು ಕೊರತೆ ಏಪ್ರಿಲ್‌ನಲ್ಲಿದ್ದ ಮಟ್ಟಕ್ಕಿಂತ ಕಡಿಮೆಯಾಯಿತು. ಆದಾಗ್ಯೂ, ಕಳೆದ ವರ್ಷದ ಇದೇ ಅವಧಿಯೊಂದಿಗೆ ಹೋಲಿಸಿದರೆ ಕೊರತೆ ಇನ್ನೂ ಗಮನಾರ್ಹವಾಗಿ ಹೆಚ್ಚಾಗಿದೆ. ತಜ್ಞರ ಅಭಿಪ್ರಾಯದಂತೆ, ಹಣಕಾಸು ವರ್ಷದ ಆರಂಭದಲ್ಲಿ ವೆಚ್ಚ ಹೆಚ್ಚಿರುವುದು ಹಾಗೂ ತೆರಿಗೆ ಸಂಗ್ರಹಣೆ ಕ್ರಮೇಣ ಹೆಚ್ಚಾಗುವುದರಿಂದ ಮೊದಲ ಎರಡು ತಿಂಗಳ ಅಂಕಿಅಂಶಗಳನ್ನು ಮಾತ್ರ ಆಧರಿಸಿ ಅಂತಿಮ ನಿರ್ಧಾರಕ್ಕೆ ಬರಬಾರದು.ಜೂನ್ ತಿಂಗಳ ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ
