➤ 2026ರ ಜುಲೈ 4 ರಿಂದ 12 ರವರೆಗೆ ಕೊಲಂಬಿಯಾದ ಬುಕರಮಂಗಾದಲ್ಲಿ ನಡೆದ 56ನೇ ಅಂತರರಾಷ್ಟ್ರೀಯ ಭೌತಶಾಸ್ತ್ರ ಒಲಿಂಪಿಯಾಡ್ (IPhO) ನಲ್ಲಿ ಭಾಗವಹಿಸಿದ್ದ ಎಲ್ಲಾ 5 ಭಾರತೀಯ ವಿದ್ಯಾರ್ಥಿಗಳು ಚಿನ್ನದ ಪದಕ ಗೆಲ್ಲುವ ಮೂಲಕ ಭಾರತವು ರಷ್ಯಾ, ಚೀನಾ ಸೇರಿದಂತೆ ಇತರ ದೇಶಗಳೊಂದಿಗೆ ಜಂಟಿಯಾಗಿ ಜಾಗತಿಕ ಮಟ್ಟದಲ್ಲಿ ಮೊದಲ ಸ್ಥಾನವನ್ನು ಪಡೆದು ಐತಿಹಾಸಿಕ ಸಾಧನೆ ಮಾಡಿದೆ.
➤ ಚಿನ್ನದ ಪದಕ ವಿಜೇತ ಭಾರತೀಯ ತಾರೆಗಳು: ಈ ಜಾಗತಿಕ ಸ್ಪರ್ಧೆಯಲ್ಲಿ ಒಟ್ಟು 87 ದೇಶಗಳ 381 ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಇವರ ನಡುವೆ ತೀವ್ರ ಪೈಪೋಟಿ ನಡೆಸಿ ದೇಶಕ್ಕೆ ಕೀರ್ತಿ ತಂದ ಐದು ವಿದ್ಯಾರ್ಥಿಗಳ ವಿವರ ಇಲ್ಲಿದೆ:
  1. ಕನ್ಸಿಶ್ಕ್ ಜೈನ್ (Kansisk Jain) – ಪುಣೆ
  2. ರಿದ್ದೇಶ್ ಅನಂತ್ ಬೆಂಡಾಲೆ (Riddhesh Anant Bendale) – ಇಂದೋರ್
  3. ರಿಷಿತ್ ಗರ್ಗ್ (Rishit Garg) – ದೆಹಲಿ
  4. ಶ್ರೇಷ್ಠ್ ಸುರೈಯಾ (Shresth Suraiya) – ಮುಂಬೈ
  5. ಸ್ವೈತ್ ಜೋಶಿ (Svait Joshi) – ಅಹಮದಾಬಾದ್
➤ ಮಾರ್ಗದರ್ಶಕರು ಮತ್ತು ತರಬೇತುದಾರರು: ವಿದ್ಯಾರ್ಥಿಗಳ ಈ ಐತಿಹಾಸಿಕ ಸಾಧನೆಯ ಹಿಂದೆ ಹೋಮಿ ಭಾಭಾ ವಿಜ್ಞಾನ ಶಿಕ್ಷಣ ಕೇಂದ್ರದ (HBCSE-TIFR) ಪ್ರೊ. ಅನ್ವೇಶ್ ಮುಜುಂದಾರ್, ಡಾ. ಲೀನಾ ಜೋಶಿ ಮತ್ತು ವೈಜ್ಞಾನಿಕ ವೀಕ್ಷಕರಾದ ಐಐಎಸ್ಇಆರ್ (IISER) ಕೋಲ್ಕತ್ತಾದ ಪ್ರೊ. ಆನಂದ ದಾಸ್ ಗುಪ್ತಾ ಹಾಗೂ ಕುಮಾರಿ ನಿಶಾ ಕೇಳಕರ್ ಅವರ ಕಠಿಣ ತರಬೇತಿ ಮತ್ತು ಮಾರ್ಗದರ್ಶನವಿದೆ.
➤ ಅಂತರರಾಷ್ಟ್ರೀಯ ಭೌತಶಾಸ್ತ್ರ ಒಲಿಂಪಿಯಾಡ್ (IPhO) ಪ್ರೌಢಶಾಲಾ ವಿದ್ಯಾರ್ಥಿಗಳಿಗಾಗಿ ವಾರ್ಷಿಕವಾಗಿ ನಡೆಸಲಾಗುವ ಅತ್ಯುನ್ನತ ಭೌತಶಾಸ್ತ್ರ ಸ್ಪರ್ಧೆಯಾಗಿದೆ. ಇದರಲ್ಲಿ ವಿದ್ಯಾರ್ಥಿಗಳ ಸೈದ್ಧಾಂತಿಕ (Theoretical) ಮತ್ತು ಪ್ರಾಯೋಗಿಕ (Experimental) ಜ್ಞಾನವನ್ನು ಪರೀಕ್ಷಿಸಲಾಗುತ್ತದೆ. ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಭಾರತದ ಜಾಗತಿಕ ಹೆಜ್ಜೆಯನ್ನು ಗುರುತಿಸಲು ಇಂತಹ ಪ್ರಶ್ನೆಗಳನ್ನು ಕೆ.ಪಿ.ಎಸ್.ಸಿ ಪರೀಕ್ಷೆಗಳಲ್ಲಿ ಕೇಳಲಾಗುತ್ತದೆ.
ಪ್ರತಿದಿನದ ಪ್ರಚಲಿತ ಘಟನೆಗಳ ಆಧಾರಿತ ಕ್ವಿಜ್‌ನಲ್ಲಿ ಭಾಗವಹಿಸಲು ಇಲ್ಲಿ ಕ್ಲಿಕ್ ಮಾಡಿ