➤ ಭಾರತವು ರಕ್ಷಣಾ ಕ್ಷೇತ್ರದಲ್ಲಿ ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಲು ಸಜ್ಜಾಗಿದೆ. ಶತ್ರು ರಾಷ್ಟ್ರಗಳ ನಿದ್ದೆಗೆಡಿಸುವ ಸಾಮರ್ಥ್ಯವಿರುವ ಭಾರತದ ಮೂರನೇ ಸ್ವದೇಶಿ ಪರಮಾಣು ಚಾಲಿತ ಬ್ಯಾಲಿಸ್ಟಿಕ್ ಕ್ಷಿಪಣಿ ಜಲಾಂತರ್ಗಾಮಿ 'ಐಎನ್‌ಎಸ್ ಅರಿದಮನ' (INS Aridhaman - S4) ಮುಂದಿನ ಎರಡು ತಿಂಗಳಲ್ಲಿ (ಏಪ್ರಿಲ್ ಅಥವಾ ಮೇ 2026) ಅಧಿಕೃತವಾಗಿ ಭಾರತೀಯ ನೌಕಾಪಡೆಗೆ ಸೇರ್ಪಡೆಗೊಳ್ಳಲಿದೆ.
➤ ಅರಿದಮನ: ವಿಶಾಖಪಟ್ಟಣದ ಶಿಪ್ ಬಿಲ್ಡಿಂಗ್ ಸೆಂಟರ್‌ನಲ್ಲಿ (SBC) 'ಅಡ್ವಾನ್ಸ್ ಟೆಕ್ನಾಲಜಿ ವೆಸೆಲ್' (ATV) ಯೋಜನೆಯಡಿ ಈ ಜಲಾಂತರ್ಗಾಮಿಯನ್ನು ನಿರ್ಮಿಸಲಾಗಿದೆ. ಇದು ಅರಿಹಂತ್ ಶ್ರೇಣಿಯ ಮೂರನೇ ನೌಕೆಯಾಗಿದ್ದು, ತನ್ನ ಪೂರ್ವಾಧಿಕಾರಿಗಳಾದ ಐಎನ್‌ಎಸ್ ಅರಿಹಂತ್ ಮತ್ತು ಐಎನ್‌ಎಸ್ ಅರಿಘಾತ್‌ಗಿಂತ ಹೆಚ್ಚು ಶಕ್ತಿಶಾಲಿಯಾಗಿದೆ.
➤ ಸಾಮಾನ್ಯ ಡೀಸೆಲ್-ಎಲೆಕ್ಟ್ರಿಕ್ ಸಬ್‌ಮರೀನ್‌ಗಳು ಬ್ಯಾಟರಿ ಚಾರ್ಜ್ ಮಾಡಲು ಪದೇಪದೆ ಸಮುದ್ರದ ಮೇಲ್ಮೈಗೆ ಬರಬೇಕಾಗುತ್ತದೆ. ಆದರೆ, ಅರಿದಮನ 83 ಮೆಗಾವಾಟ್ ಸಾಮರ್ಥ್ಯದ ಪರಮಾಣು ರಿಯಾಕ್ಟರ್ ಹೊಂದಿದೆ. ಇದು ವರ್ಷಗಟ್ಟಲೆ ಇಂಧನದ ಅವಶ್ಯಕತೆ ಇಲ್ಲದೆ ಸಮುದ್ರದ ಆಳದಲ್ಲೇ ಅಡಗಿರಬಲ್ಲದು.
➤ ಶತ್ರುಗಳಿಗೆ ಕಣ್ಣಿಗೆ ಕಾಣದ 'ಅದೃಶ್ಯ' ನೌಕೆ: ಇದರ ಹೊರಮೈಗೆ ವಿಶೇಷವಾದ 'ಆ್ಯನೆಕಾಯಿಕ್ ಟೈಲ್ಸ್' (Anechoic Tiles) ಅಳವಡಿಸಲಾಗಿದೆ. ಇವು ಶತ್ರುಗಳ ಸೋನಾರ್ ತರಂಗಗಳನ್ನು ಹೀರಿಕೊಳ್ಳುತ್ತವೆ, ಇದರಿಂದಾಗಿ ಶತ್ರು ಹಡಗುಗಳಿಗೆ ಅರಿದಮನ ಎಲ್ಲಿದೆ ಎಂದು ಪತ್ತೆಹಚ್ಚುವುದು ಅಸಾಧ್ಯ. ಇದರಲ್ಲಿ ಸ್ವದೇಶಿ ನಿರ್ಮಿತ 'ಉಷಸ್' (USHUS) ಮತ್ತು 'ಪಂಚೇಂದ್ರಿಯ' ಸೋನಾರ್ ವ್ಯವಸ್ಥೆಗಳಿವೆ.
➤ ಅರಿದಮನ ಹಳೆಯ ನೌಕೆಗಳಿಗಿಂತ ದುಪ್ಪಟ್ಟು ಅಸ್ತ್ರಗಳನ್ನು ಹೊತ್ತೊಯ್ಯಬಲ್ಲದು:
- K-15 ಸಾಗರಿಕಾ ಕ್ಷಿಪಣಿ: 750 ಕಿ.ಮೀ ವ್ಯಾಪ್ತಿಯ 24 ಕ್ಷಿಪಣಿಗಳು.
- K-4 ಬ್ಯಾಲಿಸ್ಟಿಕ್ ಕ್ಷಿಪಣಿ: 3,500 ಕಿ.ಮೀ ವ್ಯಾಪ್ತಿಯ 8 ಕ್ಷಿಪಣಿಗಳು.
- ಹಿಂದೂ ಮಹಾಸಾಗರದ ಸುರಕ್ಷಿತ ವಲಯದಲ್ಲಿ ಕುಳಿತೇ ಏಷ್ಯಾದ ಯಾವುದೇ ಗುರಿಯನ್ನು ಇದು ಧ್ವಂಸ ಮಾಡಬಲ್ಲದು.
➤ ಭಾರತದ 'ಪರಮಾಣು ತ್ರಯ' (Nuclear Triad): ಭೂಮಿ, ಆಕಾಶ್ ಮತ್ತು ಸಮುದ್ರ - ಈ ಮೂರೂ ಮಾರ್ಗಗಳಿಂದ ಪರಮಾಣು ದಾಳಿ ನಡೆಸುವ ಸಾಮರ್ಥ್ಯವನ್ನು ಭಾರತ ಈಗಾಗಲೇ ಹೊಂದಿದೆ. ಅರಿದಮನ ಸೇರ್ಪಡೆಯಿಂದ ಭಾರತವು 'Continuous At-Sea Deterrence' ಸ್ಥಿತಿಯನ್ನು ತಲುಪಲಿದೆ. ಅಂದರೆ, ವರ್ಷದ 365 ದಿನವೂ ಭಾರತದ ಒಂದು ಪರಮಾಣು ಜಲಾಂತರ್ಗಾಮಿ ಸಮುದ್ರದಲ್ಲಿ ಗಸ್ತಿನಲ್ಲಿರುತ್ತದೆ. 
➤ ಜಲಾಂತರ್ಗಾಮಿಗಳು:
ಅರಿಹಂತ್: ಕಾರ್ಯಾಚರಣೆಯಲ್ಲಿದೆ (2016)- ಸಾಮರ್ಥ್ಯ:750 ಕಿ.ಮೀ ವ್ಯಾಪ್ತಿಐಎನ್‌ಎಸ್
ಅರಿಘಾತ್: ಕಾರ್ಯಾಚರಣೆಯಲ್ಲಿದೆ (2024)- ಸುಧಾರಿತ ಆವೃತ್ತಿ ಐಎನ್‌ಎಸ್ 
ಅರಿದಮನ : (2026ರಲ್ಲಿ ಸೇರ್ಪಡೆ)- 3,500 ಕಿ.ಮೀ ವ್ಯಾಪ್ತಿS-4 
(ಹೆಸರಿಡದ 4ನೇ ನೌಕೆ)- ನಿರ್ಮಾಣ ಹಂತದಲ್ಲಿದೆ (2027ಕ್ಕೆ ಲಭ್ಯ)ಅತ್ಯಾಧುನಿಕ
➤ ಪಾಕಿಸ್ತಾನವು ಚೀನಾದಿಂದ 8 'ಹ್ಯಾಂಗೋರ್' ಶ್ರೇಣಿಯ ಸಬ್‌ಮರೀನ್‌ಗಳನ್ನು ಖರೀದಿಸುತ್ತಿರುವ ಬೆನ್ನಲ್ಲೇ ಭಾರತ ಈ ಸಾಧನೆ ಮಾಡಿದೆ. ಅಲ್ಲದೆ, ರಷ್ಯಾದಿಂದ 'ಚಕ್ರ-III' (Akula-class) ಪರಮಾಣು ದಾಳಿ ಜಲಾಂತರ್ಗಾಮಿಯನ್ನು ಬಾಡಿಗೆಗೆ ಪಡೆಯುವ ಪ್ರಕ್ರಿಯೆಯೂ ನಡೆಯುತ್ತಿದೆ.