➤ ಬ್ಯಾಂಕಾಕ್: ಜಾಗತಿಕ ಮಟ್ಟದಲ್ಲಿ ಆರ್ಥಿಕ ಹಿಂಜರಿತ ಹಾಗೂ ವಿವಿಧ ಸವಾಲುಗಳಿದ್ದರೂ, ಭಾರತದ ಆರ್ಥಿಕತೆಯು ಅತ್ಯಂತ ವೇಗವಾಗಿ ಬೆಳವಣಿಗೆ ಕಾಣುತ್ತಿದ್ದು, ಶೀಘ್ರದಲ್ಲೇ ಪ್ರಮುಖ ಮೈಲಿಗಲ್ಲೊಂದನ್ನು ಸಾಧಿಸಲಿದೆ. 2027ರ ವೇಳೆಗೆ ಭಾರತವು ಜಪಾನ್ ದೇಶವನ್ನು ಹಿಂದಿಕ್ಕಿ ವಿಶ್ವದ 4ನೇ ಅತಿದೊಡ್ಡ ಆರ್ಥಿಕತೆಯಾಗಿ (4th Largest Economy) ಹೊರಹೊಮ್ಮಲಿದೆ ಎಂದು ಅಂತರರಾಷ್ಟ್ರೀಯ ಹಣಕಾಸು ನಿಧಿ (IMF - International Monetary Fund) ತನ್ನ ಇತ್ತೀಚಿನ ಅಂದಾಜಿನಲ್ಲಿ ತಿಳಿಸಿದೆ.
➤ ಐಎಂಎಫ್‌ನ ‘ವರ್ಲ್ಡ್ ಎಕನಾಮಿಕ್ ಔಟ್‌ಲುಕ್’ ವರದಿಯ ಪ್ರಕಾರ, ಪ್ರಸ್ತುತ ವಿಶ್ವದ 4ನೇ ಸ್ಥಾನದಲ್ಲಿರುವ ಜಪಾನ್ ಆರ್ಥಿಕತೆಯು 2027ರಲ್ಲಿ 6ನೇ ಸ್ಥಾನಕ್ಕೆ ಕುಸಿಯುವ ಸಾಧ್ಯತೆಯಿದೆ.
➤ ಜಿಡಿಪಿ ಮೌಲ್ಯ (GDP Projection):   
- 2027ರ ಹೊತ್ತಿಗೆ ಭಾರತದ ನಾಮಮಾತ್ರ ಜಿಡಿಪಿ (Nominal GDP) ಅಂದಾಜು 4.52 ಟ್ರಿಲಿಯನ್ ಅಮೆರಿಕನ್ ಡಾಲರ್ ($4.52 Trillion) ಮುಟ್ಟಲಿದೆ ಎಂದು ಐಎಂಎಫ್ ಪ್ರಕಟಿಸಿದೆ.
- ಇದೇ ಅವಧಿಯಲ್ಲಿ ಬ್ರಿಟನ್ (UK) 5ನೇ ಸ್ಥಾನಕ್ಕೆ ಹಾಗೂ ಜಪಾನ್ (4.47 ಟ್ರಿಲಿಯನ್ ಡಾಲರ್‌ನೊಂದಿಗೆ) 6ನೇ ಸ್ಥಾನಕ್ಕೆ ಜಾರಲಿವೆ.
➤ ಬೆಳವಣಿಗೆ ದರ ಪರಿಷ್ಕರಣೆ (GDP Growth Rate): ಐಎಂಎಫ್ ಭಾರತದ ಆರ್ಥಿಕ ಬೆಳವಣಿಗೆ ದರದ ಅಂದಾಜನ್ನು ಪರಿಷ್ಕರಿಸಿದ್ದು, 2026-27ರ ಅವಧಿಗೆ ಭಾರತದ ಜಿಡಿಪಿ ದರವು ಶೇ. 7 (7%) ರಷ್ಟಾಗಲಿದೆ ಎಂದು ಅಂದಾಜಿಸಿದೆ.   
➤ ಜಪಾನ್ ಕುಸಿತಕ್ಕೆ ಪ್ರಮುಖ ಕಾರಣಗಳು:   
- ಜಪಾನ್‌ನಲ್ಲಿ ಹೆಚ್ಚುತ್ತಿರುವ ಹಿರಿಯ ನಾಗರಿಕರ ಸಂಖ್ಯೆ (Aging Population).
- ಜಪಾನೀಸ್ ಯೆನ್ (Yen) ಮೌಲ್ಯದಲ್ಲಿ ಕುಸಿತ ಮತ್ತು ಹಣದುಬ್ಬರದ ಒತ್ತಡ.
➤ ಹೊಸ ಜಿಡಿಪಿ ಲೆಕ್ಕಾಚಾರ ಪದ್ಧತಿ: ಭಾರತ ಸರ್ಕಾರವು ಜಿಡಿಪಿ ಲೆಕ್ಕಾಚಾರದ ಆಧಾರ ವರ್ಷವನ್ನು (Base Year) ಮಾರ್ಚ್ 2023ಕ್ಕೆ ಬದಲಾಯಿಸಿ ಜಾರಿಗೆ ತಂದ ಹೊಸ ವಿಧಾನವನ್ನು ಐಎಂಎಫ್ ಬೆಂಬಲಿಸಿದೆ.