ಭಾರತದಲ್ಲಿ ಮೊದಲ ಬಾರಿಗೆ ಬಿಮ್‌ಸ್ಟೆಕ್ (BIMSTEC) ಸಮುದ್ರ ಸುರಕ್ಷತಾ ಸಮರಾಭ್ಯಾಸ ಆರಂಭ

➤ ಭಾರತವು ಮೊದಲ ಬಾರಿಗೆ BIMSTEC (Bay of Bengal Initiative for Multi-Sectoral Technical and Economic Cooperation) ಸಮುದ್ರ ಭದ್ರತಾ ಅಭ್ಯಾಸಕ್ಕೆ ಆತಿಥ್ಯ ವಹಿಸಿದೆ. ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳ ಶ್ರೀ ವಿಜಯಪುರಂನಲ್ಲಿ ಅಕ್ಟೋಬರ್ 30ರಂದು ಅಧಿಕೃತವಾಗಿ ಆರಂಭಗೊಂಡಿರುವ ಈ ಸಮರಾಭ್ಯಾಸವು ನವೆಂಬರ್ 3ರವರೆಗೆ ನಡೆಯಲಿದೆ. ಬಂಗಾಳಕೊಲ್ಲಿಯ (Bay of Bengal) ವ್ಯಾಪ್ತಿಯಲ್ಲಿ ಪ್ರಾದೇಶಿಕ ಸಮುದ್ರ ಸಹಕಾರವನ್ನು ಬಲಪಡಿಸಲು, ಕಾರ್ಯಾಚರಣೆಯ ಸಮನ್ವಯತೆಯನ್ನು (Operational Coordination) ಹೆಚ್ಚಿಸಲು ಮತ್ತು ಸದಸ್ಯ ರಾಷ್ಟ್ರಗಳ ನಡುವೆ ಪರಸ್ಪರ ವಿಶ್ವಾಸವನ್ನು ವೃದ್ಧಿಸಲು ಈ ಕವಾಯತು ಮಹತ್ವದ ವೇದಿಕೆಯಾಗಿದೆ.
➤  ಕಾರ್ಯಕ್ರಮದ ಹಂತಗಳು:
- ಮೊದಲ 3 ದಿನಗಳು: ಟೇಬಲ್‌ಟಾಪ್ ಅಭ್ಯಾಸಗಳು (Tabletop Exercises).   
- ಮುಂದಿನ 2 ದಿನಗಳು: ಹಾರ್ಬರ್ ಹಂತ (Harbour Phase) ಹಾಗೂ BIMSTEC ಸದಸ್ಯ ರಾಷ್ಟ್ರಗಳ ನೌಕಾಪಡೆಯ ಹಡಗುಗಳ ನೇರ ಭಾಗಿತ್ವ. 
➤ BIMSTEC ಸಂಘಟನೆಯ ಕುರಿತು ಸಂಕ್ಷಿಪ್ತ ಮಾಹಿತಿ:
- ಪೂರ್ಣ ರೂಪ: Bay of Bengal Initiative for Multi-Sectoral Technical and Economic Cooperation (ಬಂಗಾಳಕೊಲ್ಲಿ ರಾಷ್ಟ್ರಗಳ ಬಹುಕ್ಷೇತ್ರ ತಾಂತ್ರಿಕ ಮತ್ತು ಆರ್ಥಿಕ ಸಹಕಾರ ಒಕ್ಕೂಟ).
- ಸ್ಥಾಪನೆ: ಜೂನ್ 6, 1997.
- ಸದಸ್ಯ ರಾಷ್ಟ್ರಗಳು (ಒಟ್ಟು 7):
  1. ಭಾರತ (India)
  2. ಬಂಗ್ಲಾದೇಶ (Bangladesh)
  3. ಮ್ಯಾನ್ಮಾರ್ (Myanmar)
  4. ಶ್ರೀಲಂಕಾ (Sri Lanka)
  5. ಥೈಲ್ಯಾಂಡ್ (Thailand)
  6. ಭೂತಾನ್ (Bhutan)
  7. ನೇಪಾಳ (Nepal)
- ಉದ್ದೇಶ: ದಕ್ಷಿಣ ಏಷ್ಯಾ ಮತ್ತು ಆಗ್ನೇಯ ಏಷ್ಯಾ ದೇಶಗಳ ನಡುವೆ ಆರ್ಥಿಕ, ತಾಂತ್ರಿಕ ಮತ್ತು ಭದ್ರತಾ ಕ್ಷೇತ್ರಗಳಲ್ಲಿ ಪರಸ್ಪರ ಸಹಕಾರವನ್ನು ಉತ್ತೇಜಿಸುವುದು.