➤ ಬೆಲ್ಜಿಯಂನ ವಾವ್ರೆ (Wavre) ಯಲ್ಲಿ ನಡೆದ FIH ಹಾಕಿ ವಿಶ್ವಕಪ್ 2026 (FIH Hockey World Cup 2026) ಪಂದ್ಯಾವಳಿಯ ಶ್ರೇಯಾಂಕ ಪಂದ್ಯದಲ್ಲಿ ಭಾರತೀಯ ಪುರುಷರ ಹಾಕಿ ತಂಡವು ಆತಿಥೇಯ ಬೆಲ್ಜಿಯಂ ವಿರುದ್ಧ ಶೂಟೌಟ್‌ನಲ್ಲಿ ರೋಮಾಂಚಕ ಸೋಲು ಕಂಡು, ಪಂದ್ಯಾವಳಿಯಲ್ಲಿ 8ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ.
ನಿಯಮಿತ ಸಮಯದ ಸ್ಕೋರ್:ಭಾರತ 3 - 3 ಬೆಲ್ಜಿಯಂ
ಪೆನಾಲ್ಟಿ ಶೂಟೌಟ್ ಫಲಿತಾಂಶ:ಬೆಲ್ಜಿಯಂ 4 - 3 ಅಂತರದಲ್ಲಿ ಜಯಗಳಿಸಿತು.
➤ ಭಾರತದ ಪ್ರದರ್ಶನ:
- ಪಂದ್ಯದ ಆರಂಭದ 6ನೇ ನಿಮಿಷದಲ್ಲೇ ಭಾರತದ ಅಭಿಷೇಕ್ (Abhishek) ಮೊದಲ ಗೋಲು ಬಾರಿಸಿ ತಂಡಕ್ಕೆ ಶುಭಾರಂಭ ನೀಡಿದರು.
- ಬೆಲ್ಜಿಯಂನ ರೋಮನ್ ಡುವೇಕೋಟ್ ಮತ್ತು ಹ್ಯೂಗೋ ಲ್ಯಾಬೌಚರ್ ಸತತ ಗೋಲುಗಳ ಮೂಲಕ ತಿರುಗೇಟು ನೀಡಿದರು.
- ಭಾರತದ ನಾಯಕ ಹರ್ಮನ್‌ಪ್ರೀತ್ ಸಿಂಗ್ (Harmanpreet Singh) 31ನೇ ನಿಮಿಷದಲ್ಲಿ ಅದ್ಭುತ ಗೋಲು ಬಾರಿಸಿ ಸ್ಕೋರ್ ಸಮಬಲಗೊಳಿಸಿದರು.
- ಪಂದ್ಯದ ಕೊನೆಯ ಹಂತದಲ್ಲಿ (4ನೇ ಕ್ವಾರ್ಟರ್) ಬೆಲ್ಜಿಯಂನ ನಿಕೋಲಸ್ ಡೆ ಕರ್ಪೆಲ್ ಗೋಲು ಬಾರಿಸಿ ಮುನ್ನಡೆ ಸಾಧಿಸಿದರೂ,  ಪಂದ್ಯ ಮುಕ್ತಾಯಕ್ಕೆ ಕೆಲವೇ ಕ್ಷಣಗಳಿರುವಾಗ ಹರ್ಮನ್‌ಪ್ರೀತ್ ಸಿಂಗ್ ಮತ್ತೊಂದು ಗೋಲು ಬಾರಿಸಿ ಸ್ಕೋರ್ ಅನ್ನು 3-3 ರೊಂದಿಗೆ ಸಮಗೊಳಿಸಿ ಪಂದ್ಯವನ್ನು ಶೂಟೌಟ್‌ಗೆ ಕೊಂಡೊಯ್ದರು.
➤ ಪೆನಾಲ್ಟಿ ಶೂಟೌಟ್ (Shootout):ಶೂಟೌಟ್‌ನಲ್ಲಿ ಭಾರತದ ಪರ ಶಿಲಾನಂದ್ ಲಾಕ್ರಾ, ದಿಲ್‌ಪ್ರೀತ್ ಸಿಂಗ್ ಮತ್ತು ಅಭಿಷೇಕ್ ಗೋಲು ಗಳಿಸಿದರಾದರೂ, ಬೆಲ್ಜಿಯಂ 4-3 ಅಂತರದಿಂದ ಗೆದ್ದು 7ನೇ ಸ್ಥಾನ ಪಡೆಯಿತು.