ಕೆನಡಾಕ್ಕೆ ಬಿಹಾರದ ‘ಮಿಥಿಲಾ ಮಖಾನಾ’ ರಫ್ತು

➤  ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ‘ಅಪೆಡಾ’ (APEDA), ಬಿಹಾರದ ದರ್ಭಾಂಗದಿಂದ ಕೆನಡಾ ದೇಶಕ್ಕೆ 7 ಮೆಟ್ರಿಕ್ ಟನ್‌ ಮೌಲ್ಯವರ್ಧಿತ ಫ್ಲೇವರ್ಡ್ ಮಖಾನಾ (Makhana / Fox Nuts) ಸಮುದ್ರ ಮಾರ್ಗದ ಪ್ರಥಮ ರಫ್ತು ಸರಕನ್ನು ಯಶಸ್ವಿಯಾಗಿ ಕಳುಹಿಸಿಕೊಟ್ಟಿದೆ. ಭಾರತೀಯ ಕೃಷಿ ಉತ್ಪನ್ನಗಳಿಗೆ ಜಾಗತಿಕ ಮಾರುಕಟ್ಟೆ ಒದಗಿಸುವ ಮತ್ತು ರೈತರ ಆದಾಯವನ್ನು ದ್ವಿಗುಣಗೊಳಿಸುವ ನಿಟ್ಟಿನಲ್ಲಿ ಇದು ಒಂದು ಪ್ರಮುಖ ಮೈಲಿಗಲ್ಲಾಗಿದೆ.

• ರಫ್ತು ಪ್ರಮಾಣ: 2 ಕಂಟೇನರ್‌ಗಳಲ್ಲಿ ಒಟ್ಟು 7 ಮೆಟ್ರಿಕ್ ಟನ್ ಮೌಲ್ಯವರ್ಧಿತ (Flavoured) ಮಖಾನಾ.
• ಆರಂಭಿಕ ಸ್ಥಳ: ದರ್ಭಾಂಗ (ಬಿಹಾರ)
• ನಿರ್ಗಮನ ಬಂದರು: ಗುಜರಾತಿನ ಮುಂಡ್ರಾ ಬಂದರು (Mundra Port).
• ತಲುಪುವ ಸ್ಥಳ: ಕೆನಡಾದ ZKV ಫುಡ್ಸ್.
• ಸಂಸ್ಕರಣಾ ಸಂಸ್ಥೆ: ನುಟ್ರಿವಿನ್ ಆಗ್ರೋ ಪ್ರೈವೇಟ್ ಲಿಮಿಟೆಡ್ (Nutrivin Agro Pvt Ltd).
• ಸಂಯೋಜನೆ: ಕೃಷಿ ಮತ್ತು ಸಂಸ್ಕರಿಸಿದ ಆಹಾರ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರ (APEDA).

➤ ಮಖಾನಾ ಮತ್ತು ಬಿಹಾರದ ಪ್ರಾಮುಖ್ಯತೆ: ‘ಫಾಕ್ಸ್ ನಟ್ಸ್’ (Lotus Seeds / Fox Nuts) ಎಂದೂ ಕರೆಯಲ್ಪಡುವ ಮಖಾನಾ, ಭಾರತದ ಪ್ರಮುಖ ಕೃಷಿ ಸೂಪರ್‌ಫುಡ್ ಆಗಿದೆ.

1. ಸ್ಥಳೀಯ ಉತ್ಪಾದನೆ: ಭಾರತದಲ್ಲಿ ಉತ್ಪಾದನೆಯಾಗುವ ಒಟ್ಟು ಮಖಾನಾದ ಶೇ. 85 ರಿಂದ 90 ರಷ್ಟು ಭಾಗ ಬಿಹಾರದಲ್ಲೇ ಬೆಳೆಯಲಾಗುತ್ತದೆ. ದರ್ಭಾಂಗ, ಮಧುಬನಿ, ಪೂರ್ಣಿಯಾ, ಕಟಿಹಾರ್ ಮತ್ತು ಸಹರ್ಸಾ ಜಿಲ್ಲೆಗಳು ಇದರ ಪ್ರಮುಖ ಉತ್ಪಾದನಾ ಕೇಂದ್ರಗಳಾಗಿವೆ.
2. ಆದಾಯ ಹೆಚ್ಚಳ: ಕಚ್ಚಾ ಮಖಾನಾ ಬದಲಿಗೆ ಸಂಸ್ಕರಿಸಿದ ಹಾಗೂ ವಿವಿಧ ರುಚಿ (Flavoured) ಹೊಂದಿದ ಮಖಾನಾ ರಫ್ತು ಮಾಡುವುದರಿಂದ ರೈತರಿಗೆ ಶೇ. 50 ಕ್ಕಿಂತ ಹೆಚ್ಚು ಆದಾಯ ದೊರೆಯುತ್ತದೆ.
3. ಆರೋಗ್ಯಕರ ಪೌಷ್ಟಿಕಾಂಶ: ಮಖಾನಾದಲ್ಲಿ ಪ್ರೋಟೀನ್, ಫೈಬರ್, ಕ್ಯಾಲ್ಸಿಯಂ ಮತ್ತು ಆಂಟಿಆಕ್ಸಿಡೆಂಟ್‌ಗಳು ಹೇರಳವಾಗಿದ್ದು, ಗ್ಲುಟನ್-ಮುಕ್ತ (Gluten-free) ಆಹಾರವಾಗಿದೆ.