➤ ಇತ್ತೀಚಿಗೆ ಜಾಗತಿಕ ಹಸಿವು ಸೂಚ್ಯಂಕ 2026 (Global Hunger Index - GHI 2026) ವರದಿಯನ್ನು ಬಿಡುಗಡೆ ಮಾಡಲಾಗಿದೆ. ಈ ಇತ್ತೀಚಿನ ವರದಿಯ ಪ್ರಕಾರ, ಒಟ್ಟು 122 ದೇಶಗಳನ್ನು ಒಳಗೊಂಡ ಪಟ್ಟಿಯಲ್ಲಿ ಭಾರತವು 100ನೇ ಸ್ಥಾನದಲ್ಲಿದೆ.
➤ ಜಾಗತಿಕ ಹಸಿವು ಸೂಚ್ಯಂಕ 2026:
- ವರದಿಯ ಶೀರ್ಷಿಕೆ (Theme): 2026ರ ಜಾಗತಿಕ ಹಸಿವು ಸೂಚ್ಯಂಕವನ್ನು “ಆಹಾರ ಭದ್ರತೆಯಿಲ್ಲದೆ ಯಾವುದೇ ಭದ್ರತೆಯಿಲ್ಲ” (No Security Without Food Security) ಎಂಬ ಪ್ರಮುಖ ಥೀಮ್ ಅಡಿಯಲ್ಲಿ ಬಿಡುಗಡೆ ಮಾಡಲಾಗಿದೆ.
- ಭಾರತದ ಸ್ಥಾನ ಮತ್ತು ಸ್ಕೋರ್: ಭಾರತವು 24.1 ಅಂಕಗಳೊಂದಿಗೆ 122 ದೇಶಗಳ ಪೈಕಿ 100ನೇ ಸ್ಥಾನ ಪಡೆದುಕೊಂಡಿದೆ. ಭಾರತದಲ್ಲಿ ಹಸಿವಿನ ಪರಿಸ್ಥಿತಿಯು ‘ಗಂಭೀರ’ (Serious) ವರ್ಗದ ಅಡಿಯಲ್ಲಿದೆ.
- ಜಾಗತಿಕ ಸರಾಸರಿ ಸ್ಕೋರ್: ಈ ಬಾರಿಯ ಜಾಗತಿಕ ಹಸಿವಿನ ಸರಾಸರಿ ಸ್ಕೋರ್ 18.1 ಆಗಿದೆ. ಹವಾಮಾನ ವೈಪರೀತ್ಯ, ಜಾಗತಿಕ ಸಂಘರ್ಷಗಳು ಮತ್ತು ಹೆಚ್ಚುತ್ತಿರುವ ಆಹಾರ ಬೆಲೆಗಳಿಂದಾಗಿ 2030ರೊಳಗೆ ‘ಹಸಿವು ಮುಕ್ತ’ (Zero Hunger) ಗುರಿಯನ್ನು ಸಾಧಿಸುವುದರಲ್ಲಿ ಮಂದಗತಿ ಉಂಟಾಗಿದೆ ಎಂದು ವರದಿ ಎಚ್ಚರಿಸಿದೆ.
- ನೆರೆ ದೇಶಗಳ ಸ್ಥಿತಿ: ಪಾಕಿಸ್ತಾನವು 25.5 ಸ್ಕೋರ್‌ ಪಡೆದು 106ನೇ ಸ್ಥಾನದಲ್ಲಿದೆ (ಪಾಕಿಸ್ತಾನದಲ್ಲೂ ಕೂಡ ಹಸಿವಿನ ಪರಿಸ್ಥಿತಿ ಗಂಭೀರವಾಗಿದೆ).
➤ ಭಾರತದ ಸೂಚ್ಯಂಕದ ಪ್ರಮುಖ 4 ಮಾನದಂಡಗಳು (Indicators):
ಜಾಗತಿಕ ಹಸಿವು ಸೂಚ್ಯಂಕವನ್ನು ಮುಖ್ಯವಾಗಿ ನಾಲ್ಕು ಪ್ರಮುಖ ಆರೋಗ್ಯ ಮತ್ತು ಪೌಷ್ಟಿಕಾಂಶದ ಮಾನದಂಡಗಳ ಆಧಾರದ ಮೇಲೆ ಲೆಕ್ಕಹಾಕಲಾಗುತ್ತದೆ. ಭಾರತದ ಪ್ರಸ್ತುತ ಅಂಕಿ-ಅಂಶಗಳು ಹೀಗಿವೆ:
1. ಮಕ್ಕಳ ಕುಂಠಿತ ಬೆಳೆವಣಿಗೆ (Child Stunting - ವಯಸ್ಸಿಗೆ ತಕ್ಕ ಎತ್ತರ ಇಲ್ಲದಿರುವುದು): 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಲ್ಲಿ 29.3% ರಷ್ಟು ಮಕ್ಕಳು ಕುಂಠಿತ ಬೆಳೆವಣಿಗೆಯಿಂದ ಬಳಲುತ್ತಿದ್ದಾರೆ (ದೀರ್ಘಕಾಲಿಕ ಅಪೌಷ್ಟಿಕತೆ). ಆದಾಗ್ಯೂ, 2000ನೇ ಇಸವಿಯಲ್ಲಿ ಇದು ಶೇ. 50ರಷ್ಟಿತ್ತು ಎಂಬುದು ಗಮನಾರ್ಹವಾಗಿದ್ದು, ದೀರ್ಘಕಾಲಿಕವಾಗಿ ಈ ಸೂಚಕದಲ್ಲಿ ಸುಧಾರಣೆ ಕಂಡುಬಂದಿದೆ.
2. ಮಕ್ಕಳ ಕೃಶತೆ (Child Wasting - ಎತ್ತರಕ್ಕೆ ತಕ್ಕ ತೂಕವಿಲ್ಲದಿರುವುದು): 5 ವರ್ಷದೊಳಗಿನ ಮಕ್ಕಳಲ್ಲಿ ಸುಮಾರು 19.0% ರಷ್ಟು ಮಕ್ಕಳು ಕೃಶತೆಯಿಂದ ಬಳಲುತ್ತಿದ್ದಾರೆ. ಇದು ಜಾಗತಿಕವಾಗಿ ಅತ್ಯಂತ ಗರಿಷ್ಠ ಪ್ರಮಾಣವಾಗಿದೆ (ತೀವ್ರ ಅಪೌಷ್ಟಿಕತೆ).
3. ಅಪೌಷ್ಟಿಕತೆ (Undernourishment): ಜನಸಂಖ್ಯೆಯಲ್ಲಿ ತಮ್ಮ ದೈನಂದಿನ ಅಗತ್ಯ ಕ್ಯಾಲೋರಿ/ಆಹಾರ ಪಡೆಯಲು ವಿಫಲರಾಗುತ್ತಿರುವ ಜನರ ಪ್ರಮಾಣವು 9.8% ರಷ್ಟಿದೆ.
4. ಮಕ್ಕಳ ಮರಣ ಪ್ರಮಾಣ (Child Mortality): 5 ವರ್ಷ ತುಂಬುವ ಮುನ್ನವೇ ಮೃತಪಡುವ ಮಕ್ಕಳ ಪ್ರಮಾಣವು ಶೇ. 2.7 ರಿಂದ 2.9% ರಷ್ಟಿದೆ.
➤ ಜಾಗತಿಕ ಹಸಿವು ಸೂಚ್ಯಂಕವನ್ನು ಹೇಗೆ ಲೆಕ್ಕಹಾಕಲಾಗುತ್ತದೆ? ಈ ಸೂಚ್ಯಂಕದ ಅಂಕಗಳು 0 ರಿಂದ 100 ರ ವರೆಗೆ ಇರುತ್ತವೆ:
- 0: ಅತ್ಯುತ್ತಮ ಅಂಕ (ಹಸಿವೇ ಇಲ್ಲದ ಸ್ಥಿತಿ).
- 100: ಅತ್ಯಂತ ಕಳಪೆ ಅಂಕ (ಅತಿ ಹೆಚ್ಚು ಹಸಿವು ಇರುವ ಸ್ಥಿತಿ).
- ಅಂಕಗಳು ಹೆಚ್ಚಿರುವಷ್ಟೂ ಆ ದೇಶದಲ್ಲಿ ಹಸಿವಿನ ಗಂಭೀರತೆ ಹೆಚ್ಚಿರುತ್ತದೆ ಎಂದು ಅರ್ಥ.