Job Description: ➤ ಭಾರತದ ಮೀನುಗಾರಿಕೆ ಕ್ಷೇತ್ರವನ್ನು ಆಧುನೀಕರಿಸಲು ಮತ್ತು ಮೀನುಗಾರರ ಜೀವನಮಟ್ಟವನ್ನು ಸುಧಾರಿಸಲು ಕೇಂದ್ರ ಸರ್ಕಾರವು ಪ್ರಧಾನಮಂತ್ರಿ ಮತ್ಸ್ಯ ಸಂಪದ ಯೋಜನೆ (PMMSY) ಅಡಿಯಲ್ಲಿ ಮಹತ್ವದ ಹೆಜ್ಜೆಯನ್ನಿಟ್ಟಿದೆ. 2026-27ರ ಆಯವ್ಯಯದಲ್ಲಿ ಈ ಕ್ಷೇತ್ರಕ್ಕಾಗಿ 2,500 ಕೋಟಿ ರೂ. ಅನುದಾನವನ್ನು ಮೀಸಲಿಡುವ ಮೂಲಕ 'ನೀಲಿ ಕ್ರಾಂತಿ'ಯ (Blue Revolution) ಗುರಿಯನ್ನು ಮತ್ತಷ್ಟು ಬಲಪಡಿಸಲಾಗಿದೆ. ➤ ಪಿಎಂ ಮತ್ಸ್ಯ ಸಂಪದ ಯೋಜನೆಯನ್ನು ಸೆಪ್ಟೆಂಬರ್ 10, 2020 ರಂದು ಪ್ರಾರಂಭಿಸಲಾಯಿತು. ಈ ಯೋಜನೆಯು ಕೇಂದ್ರದ ಮೀನುಗಾರಿಕೆ, ಪಶುಸಂಗೋಪನೆ ಮತ್ತು ಹಾಲು ಉತ್ಪಾದನೆ ಸಚಿವಾಲಯದ ಉಸ್ತುವಾರಿಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.➤ ಈ ಯೋಜನೆಯ ಮುಖ್ಯ ಉದ್ದೇಶವು ಆಧುನಿಕ ತಂತ್ರಜ್ಞಾನಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಮೀನು ಉತ್ಪಾದನೆ ಮತ್ತು ಉತ್ಪಾದಕತೆಯನ್ನು ಗಣನೀಯವಾಗಿ ಹೆಚ್ಚಿಸುವುದರ ಜೊತೆಗೆ, ಶೈತ್ಯಾಗಾರ ಹಾಗೂ ಸುಸಜ್ಜಿತ ಮಾರುಕಟ್ಟೆಯಂತಹ ಮೂಲಸೌಕರ್ಯಗಳನ್ನು ಬಲಪಡಿಸಿ ಮೀನುಗಾರರು ಮತ್ತು ಮೀನು ಸಾಕಾಣಿಕೆದಾರರ ಒಟ್ಟಾರೆ ಆದಾಯವನ್ನು ದ್ವಿಗುಣಗೊಳಿಸುವುದಾಗಿದೆ.➤ ರಾಷ್ಟ್ರೀಯ ಮೀನುಗಾರಿಕೆ ಡಿಜಿಟಲ್ ವೇದಿಕೆ (NFDP): ಯೋಜನೆಯ ಲಾಭಗಳು ಪಾರದರ್ಶಕವಾಗಿ ತಲುಪಲು ರಾಷ್ಟ್ರೀಯ ಮೀನುಗಾರಿಕೆ ಡಿಜಿಟಲ್ ವೇದಿಕೆ (National Fisheries Digital Platform) ಯನ್ನು ಅಭಿವೃದ್ಧಿಪಡಿಸಲಾಗಿದೆ. ಇದು ಮೀನುಗಾರರಿಗೆ ಡಿಜಿಟಲ್ ಗುರುತನ್ನು ನೀಡುತ್ತದೆ. ಸಹಾಯಧನ, ಸಾಲ ಸೌಲಭ್ಯ ಮತ್ತು ತರಬೇತಿ ಕಾರ್ಯಕ್ರಮಗಳಿಗೆ ನೋಂದಾಯಿಸಿಕೊಳ್ಳಲು ಇದು ಏಕಗವಾಕ್ಷಿ ವೇದಿಕೆಯಾಗಿದೆ. ಪ್ರಸ್ತುತ ಲಕ್ಷಾಂತರ ಮೀನುಗಾರರು ಈಗಾಗಲೇ ಈ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಂಡು ಪ್ರಯೋಜನ ಪಡೆಯುತ್ತಿದ್ದಾರೆ.➤ ಕೇಂದ್ರ ಪರಿಸರ ಸಚಿವಾಲಯವು ಕರಾವಳಿ ನಿಯಂತ್ರಣ ವಲಯ (CRZ) ಅಧಿಸೂಚನೆಯಡಿ ವಿಶೇಷ ವಿನಾಯಿತಿಗಳನ್ನು ನೀಡುವ ಮೂಲಕ, ಕರಾವಳಿ ಪರಿಸರ ಸಂರಕ್ಷಣೆಯ ಜೊತೆಗೆ ಮೀನುಗಾರರಿಗೆ 'ಅಭಿವೃದ್ಧಿ ರಹಿತ ವಲಯ'ದಲ್ಲೂ ಮೀನುಗಾರಿಕೆ ಸಂಬಂಧಿತ ಮೂಲಸೌಕರ್ಯಗಳ ನಿರ್ಮಾಣ ಹಾಗೂ ವಸತಿ ದುರಸ್ತಿ ಅಥವಾ ಪುನರ್ನಿರ್ಮಾಣದಂತಹ ಸಾಂಪ್ರದಾಯಿಕ ಹಕ್ಕುಗಳನ್ನು ರಕ್ಷಿಸಿ ಅವರ ಸುಸ್ಥಿರ ಜೀವನೋಪಾಯವನ್ನು ಖಚಿತಪಡಿಸಿದೆ.➤ ಪ್ರಮುಖ ಸಾಧನೆಗಳು ಮತ್ತು ಅಂಕಿಅಂಶಗಳು: ವಿಶ್ವದಲ್ಲಿ ಎರಡನೇ ಸ್ಥಾನ: ಭಾರತವು ಪ್ರಸ್ತುತ ವಿಶ್ವದ ಎರಡನೇ ಅತಿ ದೊಡ್ಡ ಮೀನು ಉತ್ಪಾದಕ ದೇಶವಾಗಿದ್ದು, ಜಾಗತಿಕ ಉತ್ಪಾದನೆಯಲ್ಲಿ ಶೇ. 8ರಷ್ಟು ಪಾಲನ್ನು ಹೊಂದಿದೆ.ರಫ್ತು ವೃದ್ಧಿ: 2024-25ರ ಅಂಕಿಅಂಶಗಳ ಪ್ರಕಾರ, ಭಾರತದ ಮೀನು ರಫ್ತು ಸುಮಾರು 62,408 ಕೋಟಿ ರೂ. ತಲುಪಿದೆ.ಕರಾವಳಿ ಸಮುದಾಯಗಳಲ್ಲಿ ಸುಮಾರು 55 ಲಕ್ಷಕ್ಕೂ ಹೆಚ್ಚು ಜನರಿಗೆ ಪ್ರತ್ಯಕ್ಷ ಮತ್ತು ಪರೋಕ್ಷ ಉದ್ಯೋಗಾವಕಾಶಗಳನ್ನು ಕಲ್ಪಿಸುವ ಗುರಿ ಹೊಂದಲಾಗಿದೆ.➤ ರೈತರು ಮತ್ತು ಮೀನುಗಾರರಿಗೆ ಸಿಗುವ ಇತರ ಸೌಲಭ್ಯಗಳು:ವಿಮೆ ಸೌಲಭ್ಯ: ಅಪಘಾತ ವಿಮೆ ಮತ್ತು ಮೀನು ಸಾಕಾಣಿಕೆ ವಿಮೆ.ಬ್ಯಾನ್ ಅವಧಿಯಲ್ಲಿ ಸಹಾಯ: ಮೀನುಗಾರಿಕೆ ನಿಷೇಧಿತ ಅವಧಿಯಲ್ಲಿ ಆರ್ಥಿಕ ನೆರವು.ಹೊಸ ತಳಿಗಳ ಪರಿಚಯ: ಸಮುದ್ರ ಕಳೆ (Seaweed) ಕೃಷಿ, ಮುತ್ತು ಕೃಷಿ ಮತ್ತು ಅಲಂಕಾರಿಕ ಮೀನು ಸಾಕಾಣಿಕೆಗೆ ಉತ್ತೇಜನ.
