➤ ಕೇಂದ್ರ ಹಣಕಾಸು ಮತ್ತು ಕಾರ್ಪೊರೇಟ್ ವ್ಯವಹಾರಗಳ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಏಷ್ಯನ್ ಇನ್‌ಫ್ರಾಸ್ಟ್ರಕ್ಚರ್ ಇನ್‌ವೆಸ್ಟ್‌ಮೆಂಟ್ ಬ್ಯಾಂಕ್‌ನ (AIIB) 11ನೇ ವಾರ್ಷಿಕ ಸಭೆಯಲ್ಲಿ ಪಾಲ್ಗೊಳ್ಳಲು ಕತಾರ್‌ನ ರಾಜಧಾನಿ ದೋಹಾಗೆ ಭೇಟಿ ನೀಡಿದ್ದಾರೆ. ಈ ಎರಡು ದಿನಗಳ ಭೇಟಿಯಲ್ಲಿ ಅವರು AIIB ಆಡಳಿತ ಮಂಡಳಿಯ ಸಭೆ ಹಾಗೂ ಜಾಗತಿಕ ಹೂಡಿಕೆದಾರರ ಪ್ರಮುಖ ಸಂವಾದಗಳಲ್ಲಿ ಭಾಗವಹಿಸಲಿದ್ದಾರೆ.
- ಭಾರತದ ಪಾತ್ರ: ಭಾರತವು AIIB ಬ್ಯಾಂಕ್‌ನ 2ನೇ ಅತಿ ದೊಡ್ಡ ಷೇರುದಾರ (Shareholder) ರಾಷ್ಟ್ರವಾಗಿದೆ.
- ದ್ವಿಪಕ್ಷೀಯ ಸಭೆಗಳು: ನಿರ್ಮಲಾ ಸೀತಾರಾಮನ್ ಅವರು ಜೋರ್ಡಾನ್, ಸ್ವಿಜರ್‌ಲ್ಯಾಂಡ್, ಆಸ್ಟ್ರಿಯಾ, ಸೌದಿ ಅರೇಬಿಯಾ ಮತ್ತು ನೇಪಾಳ ದೇಶಗಳ ಹಣಕಾಸು ಸಚಿವರೊಂದಿಗೆ ಪ್ರತ್ಯೇಕ ದ್ವಿಪಕ್ಷೀಯ ಚರ್ಚೆಗಳನ್ನು ನಡೆಸಲಿದ್ದಾರೆ.
➤ ಏಷ್ಯನ್ ಇನ್‌ಫ್ರಾಸ್ಟ್ರಕ್ಚರ್ ಇನ್‌ವೆಸ್ಟ್‌ಮೆಂಟ್ ಬ್ಯಾಂಕ್ (AIIB):
- ಸ್ಥಾಪನೆ: 2016 (ಜನವರಿಯಲ್ಲಿ ಕಾರ್ಯಾರಂಭ)
- ಪ್ರಧಾನ ಕಛೇರಿ: ಬೀಜಿಂಗ್, ಚೀನಾ
- ಉದ್ದೇಶ: ಏಷ್ಯಾ ಮತ್ತು ಜಾಗತಿಕ ಮಟ್ಟದಲ್ಲಿ ಮೂಲಸೌಕರ್ಯ, ಹಸಿರು ಇಂಧನ (Green Energy), ರಸ್ತೆ ಸಾರಿಗೆ, ಡಿಜಿಟಲ್ ಮೂಲಸೌಕರ್ಯ ಮತ್ತು ನೀರು ಸರಬರಾಜು ಯೋಜನೆಗಳಿಗೆ ಹಣಕಾಸು ಒದಗಿಸುವುದು.
- ಷೇರುಪಾಲುದಾರಿಕೆ:
1. ಚೀನಾ – ಅತಿ ದೊಡ್ಡ ಷೇರುದಾರ ರಾಷ್ಟ್ರ.
2. ಭಾರತ – 2ನೇ ಅತಿ ದೊಡ್ಡ ಷೇರುದಾರ ರಾಷ್ಟ್ರ ಹಾಗೂ ಬ್ಯಾಂಕ್‌ನಿಂದ ಗರಿಷ್ಠ ಸಾಲ ಸೌಲಭ್ಯ ಪಡೆದ ದೇಶಗಳಲ್ಲಿ ಒಂದಾಗಿದೆ.
➤ ಭಾರತಕ್ಕೆ ಈ ಭೇಟಿಯ ಮಹತ್ವ:
- ಜಾಗತಿಕ ಹೂಡಿಕೆ ಆಕರ್ಷಣೆ: ಕತಾರ್‌ನ ಪ್ರಮುಖ ಉದ್ಯಮಿಗಳು ಹಾಗೂ ಮೂಲಸೌಕರ್ಯ ಹೂಡಿಕೆದಾರರೊಂದಿಗೆ ಭಾರತದಲ್ಲಿ ಹೂಡಿಕೆ ಮಾಡುವ ಕುರಿತು ಚರ್ಚೆ ನಡೆಯಲಿದೆ.
- ದ್ವಿಪಕ್ಷೀಯ ಬಾಂಧವ್ಯ ವೃದ್ಧಿ: ಸೌದಿ ಅರೇಬಿಯಾ, ಸ್ವಿಜರ್‌ಲ್ಯಾಂಡ್ ಸೇರಿದಂತೆ ಪ್ರಮುಖ ದೇಶಗಳ ಹಣಕಾಸು ಸಚಿವರ ಜೊತೆಗಿನ ಚರ್ಚೆಯು ಆರ್ಥಿಕ ಹಾಗೂ ವ್ಯಾಪಾರ ಸಂಬಂಧಗಳನ್ನು ಬಲಪಡಿಸಲಿದೆ.
- ಹಸಿರು ಮೂಲಸೌಕರ್ಯ (Green Infrastructure): ಭಾರತದ ಸುಸ್ಥಿರ ಅಭಿವೃದ್ಧಿ ಹಾಗೂ ಹಸಿರು ಇಂಧನ ಯೋಜನೆಗಳಿಗೆ AIIB ನಿಂದ ಹೆಚ್ಚಿನ ಧನಸಹಾಯ ಪಡೆಯಲು ಇದು ಸಹಕಾರಿಯಾಗಲಿದೆ.