ಎಲ್ಲ ಮತಗಟ್ಟೆಗಳಲ್ಲಿ ವೆಬ್​ಕಾಸ್ಟಿಂಗ್​ ವ್ಯವಸ್ಥೆ ಜಾರಿ

* ಭಾರತೀಯ ಚುನಾವಣಾ ಆಯೋಗವು ಮತದಾನ ಪ್ರಕ್ರಿಯೆಯ ಮೇಲ್ವಿಚಾರಣೆಗೆ ಎಲ್ಲಾ ಮತಗಟ್ಟೆಗಳಲ್ಲಿ ವೆಬ್‌ಕಾಸ್ಟಿಂಗ್ ಜಾರಿಗೊಳಿಸಲು ಹೊಸ ಮಾರ್ಗಸೂಚಿಗಳನ್ನು ಹೊರಡಿಸಿದೆ.
* ಈ ಹಿಂದೆ ಶೇಕಡಾ 50ರಷ್ಟು ಮತಗಟ್ಟೆಗಳಲ್ಲಿ ಮಾತ್ರ ಈ ವ್ಯವಸ್ಥೆ ಇತ್ತು.
* ಇಂಟರ್ನೆಟ್ ಇರುವ ಮತಗಟ್ಟೆಗಳಲ್ಲಿ ವೆಬ್‌ಕಾಸ್ಟಿಂಗ್ ನಡೆಯಬೇಕು. ಸಂಪರ್ಕ ಇಲ್ಲದ ಸ್ಥಳಗಳಲ್ಲಿ ವಿಡಿಯೋಗ್ರಫಿ ಮತ್ತು ಛಾಯಾಗ್ರಹಣ ಬಳಸಬೇಕು.
* ಜೂನ್ 19ರಂದು ನಡೆಯುವ ಉಪಚುನಾವಣೆಗಳಿಗೆ ಈ ನಿಯಮ ಜಾರಿಗೆ ಬರದಿರಬಹುದು. ಬಿಹಾರ ವಿಧಾನಸಭಾ ಚುನಾವಣೆಯಿಂದ ಇದು ಅನ್ವಯವಾಗಲಿದೆ.
* ರಾಜ್ಯ, ಜಿಲ್ಲಾ ಮತ್ತು ವಿಧಾನಸಭಾ ಮಟ್ಟದಲ್ಲಿ ವೆಬ್‌ಕಾಸ್ಟಿಂಗ್ ಮೇಲ್ವಿಚಾರಣಾ ಕೊಠಡಿಗಳನ್ನು ಸ್ಥಾಪಿಸಲಾಗುವುದು. ನೋಡಲ್ ಅಧಿಕಾರಿಗಳು ಈ ಪ್ರಕ್ರಿಯೆ ಮೇಲ್ವಿಚಾರಣೆ ಮಾಡುತ್ತಾರೆ.
* ಮತದಾನದ ಗುಪ್ತತೆಯನ್ನು ಕಾಪಾಡಲು ಬ್ಯಾಲೆಟ್ ಯೂನಿಟ್‌ ಮತ್ತು ವಿವಿಪ್ಯಾಟ್ ಮುಂಭಾಗದ ದೃಶ್ಯ ವೆಬ್‌ಕಾಸ್ಟ್ ಮಾಡಬಾರದು. ಮತದಾನದ ಸ್ಥಳದಲ್ಲಿ ಕೆಲವರಿಗೆ ಮಾತ್ರ ಮೊಬೈಲ್ ಬಳಕೆಯ ಅವಕಾಶ ಇದೆ.
* ಸಿಇಒ ಅಥವಾ ಇಆರ್‌ಒ ಕಚೇರಿಗಳಿಂದ ಮತದಾನದ ಮೇಲ್ವಿಚಾರಣೆ ಮಾಡಬಹುದು. ವಿವಾದಗಳ ನಿರ್ವಹಣೆಗೆ ವೆಬ್‌ಕಾಸ್ಟಿಂಗ್ ಉಪಯುಕ್ತವಾಗಲಿದೆ.