➤ DRDOದ Aerial Delivery Research and Development Establishment (ADRDE)ತಂಡವು ವಿಶ್ವದ ಅತ್ಯಂತ ಎತ್ತರದ ಡ್ರಾಪ್ ಝೋನ್‌ಗಳಲ್ಲಿ ಒಂದಾದ ಲಡಾಖ್‌ನ ನ್ಯೋಮಾ-ಮುಧ್‌ನಲ್ಲಿ -15°C ತಾಪಮಾನದ ತೀವ್ರ ಚಳಿಯ ವಾತಾವರಣದಲ್ಲಿ, ಸಮುದ್ರ ಮಟ್ಟದಿಂದ 22,000 ಅಡಿ ಎತ್ತರದಿಂದ ಹಾರಿ 20,000 ಅಡಿಯಲ್ಲಿ ಪ್ಯಾರಾಚೂಟ್ ಬಿಡುಗಡೆ ಮಾಡಿ 13,700 ಅಡಿ ಎತ್ತರದ ನಿಗದಿತ ಸ್ಥಳದಲ್ಲಿ ಸುರಕ್ಷಿತವಾಗಿ ಲ್ಯಾಂಡ್ ಆಗುವ ಮೂಲಕ MCPS ಪರೀಕ್ಷೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿತು.

➤ ಪ್ರಮುಖ ಪರೀಕ್ಷಕರ ತಂಡ: DRDOದ ಪ್ರಮುಖ ಸಂಸ್ಥೆಯಾದ ಆಗ್ರಾದ ADRDE (Aerial Delivery Research and Development Establishment) ತಂಡದ ಸದಸ್ಯರು ಈ ಜಂಪ್ ನಡೆಸಿದರು:

1. ವಿಂಗ್ ಕಮಾಂಡರ್ ರಾಹುಲ್ ಝಾ (ಮುಖ್ಯ ಟೆಸ್ಟ್ ಜಂಪರ್)
2. ಮಾಸ್ಟರ್ ವಾರಂಟ್ ಆಫೀಸರ್ R.J. ಸಿಂಗ್
3. ಮಾಸ್ಟರ್ ವಾರಂಟ್ ಆಫೀಸರ್ ವಿವೇಕ್ ತಿವಾರಿ 

➤ ಮಿಲಿಟರಿ ಕಾಂಬ್ಯಾಟ್ ಪ್ಯಾರಾಚೂಟ್ ಸಿಸ್ಟಮ್ (MCPS) ವಿಶೇಷತೆಗಳು:

• ಬೆಂಗಳೂರು ಹಾಗೂ ಆಗ್ರಾ ಸಂಸ್ಥೆಗಳ ಜಂಟಿ ಕೊಡುಗೆ: ಈ ವ್ಯವಸ್ಥೆಯನ್ನು DRDOದ ಆಗ್ರಾದ ADRDE ಮತ್ತು ಬೆಂಗಳೂರಿನ DEBEL (Defence Bioengineering and Electromedical Laboratory) ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ.
• NavIC ತಂತ್ರಜ್ಞಾನದ ಬೆಂಬಲ: ಭಾರತದ ಸ್ವದೇಶಿ ಸ್ಯಾಟಲೈಟ್ ನ್ಯಾವಿಗೇಷನ್ ವ್ಯವಸ್ಥೆಯಾದ NavIC (Navigation with Indian Constellation) ನೊಂದಿಗೆ ಇದು ಕಾರ್ಯನಿರ್ವಹಿಸುತ್ತದೆ. ಇದರಿಂದ ವಿದೇಶಿ GPS ಮೇಲಿನ ಅವಲಂಬನೆ ಕಡಿಮೆಯಾಗಲಿದ್ದು, ಯುದ್ಧದ ಸಮಯದಲ್ಲಿ ಶತ್ರುಗಳ ನ್ಯಾವಿಗೇಷನ್ ಅಡಚಣೆಯನ್ನು (Interference) ತಡೆಯಬಹುದು.
• ಸುಧಾರಿತ ಸಾಧನಗಳು: ಸೈನಿಕರ ಸುರಕ್ಷತೆಗಾಗಿ ಸ್ವದೇಶಿ ಪ್ಯಾರಾ ಕಂಪ್ಯೂಟರ್, ವಿಶೇಷ ಆಮ್ಲಜನಕ ಪೂರೈಕೆ ವ್ಯವಸ್ಥೆ (Oxygen System) ಮತ್ತು ತೀವ್ರ ಚಳಿಯನ್ನು ತಡೆಯುವ 'ಸ್ಪೆಷಲ್ ಜಂಪ್‌ಸೂಟ್'ಗಳನ್ನು ಅಳವಡಿಸಲಾಗಿದೆ