ಅಂತರರಾಷ್ಟ್ರೀಯ ಸೌರ ಒಕ್ಕೂಟಕ್ಕೆ (ISA) ಸೇರುವ ಒಪ್ಪಂದಕ್ಕೆ ಸಹಿ ಹಾಕಿದ ಇಟಲಿ
Published by Basavaraj Halli
18 ಮಾರ್ಚ್ 2021
* ಇಟಲಿ ಅಂತರರಾಷ್ಟ್ರೀಯ ಸೌರ ಒಕ್ಕೂಟಕ್ಕೆ ಸೇರಲು ಮಾರ್ಚ್ 17, 2021ರಂದು ಭಾರತದೊಂದಿಗೆ ಚೌಕಟ್ಟಿನ ಒಪ್ಪಂದಕ್ಕೆ ಸಹಿ ಹಾಕಿದೆ ಎಂದು ಭಾರತದ ವಿದೇಶಾಂಗ ಸಚಿವಾಲಯ ಮಾಹಿತಿ ನೀಡಿದೆ.
* 2021ರ ಜನವರಿ 8 ರಿಂದ ಜಾರಿಗೆ ತರಲಾದ ISAನ ಚೌಕಟ್ಟಿನ ಒಪ್ಪಂದಕ್ಕೆ ತಿದ್ದುಪಡಿ ಮಾಡಿದ ಬಳಿಕ ಇಟಲಿಯ ರಾಯಭಾರಿ ವಿನ್ಸೆಂಜೊ ಡಿ ಲುಕಾ ಈ ಒಪ್ಪಂದಕ್ಕೆ ಸಹಿ ಹಾಕಿದರು.
* ವಿಶ್ವಸಂಸ್ಥೆಯ ಎಲ್ಲ ಸದಸ್ಯರಿಗೆ ಸೌರ ಒಕ್ಕೂಟದಲ್ಲಿ ಸದಸ್ಯತ್ವವನ್ನು ನೀಡಲಾಗಿದೆ.
* ಮಾರ್ಚ್ 17, 2021 ರಂದು ಭಾರತದ ವಿದೇಶಾಂಗ ಕಾರ್ಯದರ್ಶಿ ಹರ್ಷ್ ವರ್ಧನ್ ಶಿಂಗ್ಲಾರವರು ಇಟಲಿಯ ರಾಯಭಾರಿ ವಿನ್ಸೆಂಜೊ ಡಿ ಲುಕಾ ಅವರನ್ನು ಭೇಟಿ ಮಾಡಿದ್ದರು. ಪರಿಣಾಮ ಇಟಲಿಯನ್ನು ಅಂತರರಾಷ್ಟ್ರೀಯ ಸೌರ ಒಕ್ಕೂಟಕ್ಕೆ ಪ್ರವೇಶಿಸುವುದನ್ನು ಭಾರತೀಯ ಕಾರ್ಯದರ್ಶಿ ಸ್ವಾಗತಿಸಿದರು.
* ಅಂತರರಾಷ್ಟ್ರೀಯ ಸೌರ ಒಕ್ಕೂಟ(ISA) ಪ್ರಸ್ತುತ 121 ದೇಶಗಳನ್ನು ಒಳಗೊಂಡ ಒಪ್ಪಂದದ ಅಂತರ್ ಸರ್ಕಾರಿ ಮೈತ್ರಿಕೂಟವಾಗಿದೆ, ಹಾಗೂ ಮೈತ್ರಿಯ ಸ್ಥಾಪನೆಯನ್ನು ಭಾರತ ಪ್ರಾರಂಭಿಸಿತು.
* ಪಳೆಯುಳಿಕೆ ಇಂಧನಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಸೌರಶಕ್ತಿಯ ಸಮರ್ಥ ಬಳಕೆಗಾಗಿ ಕೆಲಸ ಮಾಡುವ ಉದ್ದೇಶದಿಂದ ISA ಕಾರ್ಯನಿರ್ವಹಿಸುತ್ತದೆ.