ಮೊದಲ ಬಾರಿ SCO ಶೃಂಗಸಭೆಯ ಆತಿಥ್ಯವಹಿಸಲಿರುವ ಭಾರತ

ಇದೆ ಮೊದಲ ಬಾರಿಗೆ ಭಾರತವು ಶಾಂಘೈ ಸಹಕಾರಿ ಸಂಸ್ಥೆ(SCO) ಶೃಂಗಸಭೆಯ ನೇತೃತ್ವವನ್ನು ವಹಿಸಿಕೊಂಡಿದ್ದು, SCOನ ಸದಸ್ಯ ರಾಷ್ಟ್ರಗಳಾದ ರಷ್ಯಾ, ಚೀನಾ, ಖಜಕಿಸ್ತಾನ್, ಕಿರ್ಜಿಸ್ತಾನ್, ತಜಕಿಸ್ತಾನ್, ಉಜಬೆಕಿಸ್ತಾನ್ ಪ್ರಧಾನಮಂತ್ರಿಗಳು SCO ಸಭೆಗೆ ಹಾಜರಾಗಲಿದ್ದಾರೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಸ್ಪಷ್ಟಪಡಿಸಿದೆ. ಈ ಬಾರಿ ನಡೆಯುವ SCO ಶೃಂಗಸಭೆಯಲ್ಲಿ ಆರ್ಥಿಕ ಬಿಕ್ಕಟ್ಟು ನಿವಾರಣೆ ಹಾಗೂ ಜಾಗತಿಕ ಮಟ್ಟದಲ್ಲಿ ಕಾಡುತ್ತಿರುವ ಕೊವಿಡ್-19 ಸಾಂಕ್ರಾಮಿಕ ರೋಗದಿಂದ ಉಂಟಾದ ಆರ್ಥಿಕತೆ ಸವಾಲು ಎದುರಿಸುವುದು ಹೇಗೆ ಎನ್ನುವುದರ ಕುರಿತು ಪ್ರಮುಖವಾಗಿ ಚರ್ಚಿಸಲಿವೆ. * ಕಳೆದ ವರ್ಷದ SCO ಶೃಂಗಸಭೆಯ ಆತಿಥ್ಯವನ್ನು ಉಜಬೆಕಿಸ್ತಾನ್ ವಹಿಸಿಕೊಂಡಿತ್ತು. ಈ ಸಭೆಯ ಪ್ರತಿನಿಧಿಯಾಗಿ ಭಾರತದಿಂದ ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಭಾಗವಹಿಸಿದ್ದರು. * ಭಾರತವು ಕಳೆದ 2017ರಲ್ಲಿ ಪೂರ್ಣ ಪ್ರಮಾಣದ SCO ಸದಸ್ಯತ್ವವನ್ನು ಪಡೆದುಕೊಂಡಿತ್ತು.