ಭಾರತೀಯ ನೌಕಾಪಡೆಯ ಮಹಿಳಾ ಅಧಿಕಾರಿಗಳ ಸವಾಲಿನ ನೌಕಾಯಾನ ಯಾತ್ರೆಗೆ ಸಿದ್ಧತೆ

* ಭಾರತೀಯ ನೌಕಾಪಡೆಯ ಅಧಿಕಾರಿಗಳಾದ ಲೆಫ್ಟಿನೆಂಟ್ ಕಮಾಂಡರ್ ರೂಪಾ ಮತ್ತು ದಿಲ್ಲಾ ಕೆ. ಇವರ ಸಾರಥ್ಯದ ಮಹಿಳಾ ತಂಡವು ಇದೀಗ ಸಾಗರ ಪರಿಕ್ರಮ-2ಗೆ ಸಿದ್ದವಾಗಿದೆ.
* ಇವರಿಬ್ಬರು ಭಾರತೀಯ ನೌಕಾ ನೌಕಾಯಾನ ನೌಕೆ (ಐಎನ್‌ಎಸ್‌ವಿ) ತಾರಿಣಿಯಲ್ಲಿ ಜಗತ್ತನ್ನು ಸುತ್ತುವ ಸಾಹಸವನ್ನು ಕೈಗೊಳ್ಳಲಿದ್ದಾರೆ ಎಂದು ನೌಕಾಪಡೆಯ ವಕ್ತಾರ ಕಮಾಂಡರ್ ವಿವೇಕ್ ಮಧ್ವಲ್ ತಿಳಿಸಿದ್ದಾರೆ.
* ಐಎನ್‌ಎಸ್‌ವಿ ತಾರಿಣಿ ಹಡಗಿನಲ್ಲಿ ಐತಿಹಾಸಿಕ ಸಾಗರ ಪರಿಕ್ರಮಕ್ಕೆ ಈ ತಂಡ ಸಿದ್ಧವಾಗಿದೆ. ಕಮಾಂಡರ್ ಅಭಿಲಾಷ್ ಟೋಮಿ ಅವರ ಮಾರ್ಗದರ್ಶನದಲ್ಲಿ ಕಳೆದ ಮೂರು ವರ್ಷಗಳಿಂದ ಈ ಸಾಗರ ಪರಿಕ್ರಮಕ್ಕೆ ಕಠಿಣ ತಾಲೀಮುಗಳನ್ನು ಪೂರೈಸಿರುವ ಈ ತಂಡವು ಸಾವಿರಾರು ನಾಟಿಕಲ್ ಮೈಲುಗಳನ್ನು ಕ್ರಮಿಸುವ ಗುರಿ ಹೊಂದಿದೆ.
* ಈ ಹಿಂದಿನ ಅಂದರೆ ಮೊದಲನೇ ಸಾಗರ ಪರಿಕ್ರಮದಲ್ಲಿ ಈ ತಂಡವು ಗೋವಾದಿಂದ ರಿಯೋ ಡಿ ಜನೈರೋ, ಅಲ್ಲಿಂದ ಹಿಂತಿರುಗಿ ಮತ್ತೆ ಗೋವಾದಿಂದ ಪೋರ್ಟ್‌ಪ್ಲೇರ್ ಮತ್ತು ಮಾರಿಷಸ್‌ಗೆ ಜಲಯಾತ್ರೆ ನಡೆಸಲಾಗಿತ್ತು.
* ಮೊದಲ ಸಾಗರ ಪರಿಕ್ರಮವು 2017ರ ಸೆ.10ರಿಂದ 2018ರ ಮೇ 21ರ ತನಕ ನಡೆದಿದ್ದು, ಆರು ಮಹಿಳೆಯರ ತಂಡವು 40,000 ಕಿ.ಮೀ. ದೂರ ಪ್ರಯಾಣಿಸಿತ್ತು.
* "ಭಾರತೀಯ ನೌಕಾಪಡೆಯು ನೌಕಾಯಾನ ಸಂಪ್ರದಾಯವನ್ನು ಪುನರುಜ್ಜೀವನಗೊಳಿಸಲು ಗಮನಾರ್ಹ ಪ್ರಯತ್ನಗಳನ್ನು ಮಾಡಿದೆ, ಕಡಲ ಪರಂಪರೆಯನ್ನು ಸಂರಕ್ಷಿಸಲು ಮತ್ತು ಸಮುದ್ರಯಾನ ಕೌಶಲ್ಯಗಳನ್ನು ಉತ್ತೇಜಿಸಲು ಅದರ ಬದ್ಧತೆಯನ್ನು ಒತ್ತಿಹೇಳುತ್ತದೆ" ಎಂದು ನೌಕಾಪಡೆಯ ವಕ್ತಾರರು ಹೇಳಿದರು.