ಭಾರತದಲ್ಲಿ ಯಶಸ್ವಿಯಾದ ಯುಪಿಐ ಪಾವತಿ ವ್ಯವಸ್ಥೆ ಇತರ ದೇಶಗಳಿಗೂ ಮಾದರಿ

* ಭಾರತದಲ್ಲಿ ಯುಪಿಐ ಡಿಜಿಟಲ್ ಪಾವತಿ ವ್ಯವಸ್ಥೆ ಬಹಳ ಯಶಸ್ವಿಯಾಗಿದೆ ಎಂದು ವಿವಿಧ ತಜ್ಞರು ಸೇರಿ ರಚಿಸಿದ ಅಧ್ಯಯನ ವರದಿಯಲ್ಲಿ ತಿಳಿಸಲಾಗಿದೆ. 
* ಭಾರತದ ಯುಪಿಐ ಸಿಸ್ಟಂ ಅನ್ಯ ದೇಶಗಳಿಗೂ ಇದು ಮಾದರಿಯಾಗಬಲ್ಲುದು ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಭಾರತದಲ್ಲಿ ನಡೆಯುವ ರೀಟೇಲ್ ಡಿಜಿಟಲ್ ಪಾವತಿಯಲ್ಲಿ ಶೇ. 75ರಷ್ಟು ಪ್ರಮಾಣವು ಯುಪಿಐ ಮೂಲಕ ಆಗುತ್ತದೆ ಎನ್ನಲಾಗಿದೆ.
* 2016ರಲ್ಲಿ ಯುಪಿಐ ಪೇಮೆಂಟ್ ಸಿಸ್ಟಂ ಅನ್ನು ಜಾರಿಗೆ ತರಲಾಗಿದೆ. 30 ಕೋಟಿ ಜನರು ಇದನ್ನು ಬಳಸುತ್ತಿದ್ದಾರೆ. 5 ಕೋಟಿ ವರ್ತಕರಿಗೆ ಇದು ವರದಾನವಾಗಿದೆ. 2023ರ ಅಕ್ಟೋಬರ್ ತಿಂಗಳ ದತ್ತಾಂಶದ ಪ್ರಕಾರ ಶೇ. 75ರಷ್ಟು ರೀಟೇಲ್ ಡಿಜಿಟಲ್ ಪಾವತಿಯು ಯುಪಿಐ ಮೂಲಕ ಆಗಿದೆ.
* ಯುಪಿಐ ಬಳಕೆ ಹೆಚ್ಚಾಗಿರುವ ಪ್ರದೇಶಗಳಲ್ಲಿ ಹೊಸ ಸಾಲಗಾರರ ಸಂಖ್ಯೆ ಶೇ. 4ರಷ್ಟು ಹೆಚ್ಚಿದೆ. ಸಾಲ ಪಡೆಯಲು ಕಷ್ಟವಾಗಿರುವಂತಹ ಸಾಲಗಾರರ ಪ್ರಮಾಣ ಶೇ. 8ರಷ್ಟು ಹೆಚ್ಚಿದೆ. ಫಿನ್​ಟಕ್ ಸಂಸ್ಥೆಗಳು ನೀಡುವ ಸರಾಸರಿ ಸಾಲದ ಗಾತ್ರ 27,778 ರೂ ಇದೆ. ಇದು ಗ್ರಾಮೀಣ ಭಾಗದ ಮಾಸಿಕ ವೆಚ್ಚದ ಏಳು ಪಟ್ಟು ಹಣ. ಈ ಕುತೂಹಲಕಾರಿ ಅಂಶವನ್ನು ತಜ್ಞರ ಈ ವರದಿಯಲ್ಲಿ ಪ್ರಸ್ತಾಪಿಸಲಾಗಿದೆ.
* ಭಾರತದಾದ್ಯಂತ ಡಿಜಿಟಲ್ ಪಾವತಿಗಳು ಸಾಕಷ್ಟು ಹೆಚ್ಚಲು ಯುಪಿಐ ಪ್ರಮುಖ ಕಾರಣವಾಗಿದೆ. ಬೀದಿ ಬದಿಯ ವ್ಯಾಪಾರಿಗಳಿಂದ ಹಿಡಿದು ದೊಡ್ಡ ದೊಡ್ಡ ಶಾಪಿಂಗ್ ಮಾಲ್​ಗಳವರೆಗೆ ಎಲ್ಲಾ ಮಟ್ಟಗಳಲ್ಲೂ ಯುಪಿಐ ಪಾವತಿಯನ್ನು ಬಳಸಲಾಗುತ್ತಿದೆ,’ ಎಂದು ಈ ವರದಿಯಲ್ಲಿ ತಿಳಿಸಲಾಗಿದೆ.