➤ ದಕ್ಷಿಣ ಅಮೆರಿಕ ಖಂಡದ ಪ್ರಮುಖ ದೇಶವಾದ ಕೊಲಂಬಿಯಾದ ನೂತನ 36ನೇ ಅಧ್ಯಕ್ಷರಾಗಿ ಅಬೆಲಾರ್ಡೊ ಡಿ ಲಾ ಎಸ್ಪಿಯೆಲ್ಲ (Abelardo de la Espriella) ಅವರು ಪ್ರಮಾಣವಚನ ಸ್ವೀಕರಿಸಿದ್ದಾರೆ. ರಾಜಧಾನಿ ಬೊಗೋಟಾದಲ್ಲಿ ನಡೆಯುತ್ತಿದ್ದ ಸಾಂಪ್ರದಾಯಿಕ ಶೈಲಿಯನ್ನು ಬದಿಗೊತ್ತಿ, ಕ್ಯಾಲಿ ನಗರದಲ್ಲಿರುವ ಸಾಂಟಿಯಾಗೊ ಡಿ ಕ್ಯಾಲಿ ವಿಶ್ವವಿದ್ಯಾಲಯದ (USC Arena) ಆವರಣದಲ್ಲಿ ಆಯೋಜಿಸಲಾಗಿದ್ದ ವಿಶೇಷ ಸಮಾರಂಭದಲ್ಲಿ ಅವರು ಅಧಿಕಾರ ವಹಿಸಿಕೊಂಡರು. ಸೆನೆಟ್ ಅಧ್ಯಕ್ಷ ಹಾಗೂ ಸ್ಪೀಕರ್ ಹೊನೊರಿಯೊ ಹೆನ್ರಿಕ್ವೆಸ್ ಅವರು ನೂತನ ಅಧ್ಯಕ್ಷರಿಗೆ ಪ್ರಮಾಣವಚನ ಬೋಧಿಸಿದರು.

➤ 2026ರ ಜೂನ್ 21ರಂದು ನಡೆದ ಅಧ್ಯಕ್ಷೀಯ ಚುನಾವಣೆಯ ಎರಡನೇ ಹಂತದ (Runoff) ಮತದಾನದಲ್ಲಿ, ಬಲಪಂಥೀಯ ಅಭ್ಯರ್ಥಿಯಾದ ಎಸ್ಪಿಯೆಲ್ಲ ಅವರು ಶೇಕಡಾ 49.66 ರಷ್ಟು (ಸುಮಾರು 1.29 ಕೋಟಿ) ಮತಗಳನ್ನು ಗಳಿಸಿ ಜಯಗಳಿಸಿದರು. ಇವರು ತಮ್ಮ ಹತ್ತಿರದ ಎಡಪಂಥೀಯ ಎದುರಾಳಿ ಇವಾನ್ ಸೆಪೆಡಾ (Iván Cepeda) ಅವರನ್ನು ಸೋಲಿಸಿದರು. ಪ್ರಸಿದ್ಧ ವಕೀಲರೂ ಆಗಿರುವ 48 ವರ್ಷದ ಎಸ್ಪಿಯೆಲ್ಲ ಅವರನ್ನು ಬೆಂಬಲಿಗರು "ದಿ ಟೈಗರ್" (The Tiger) ಎಂದು ಕರೆಯುತ್ತಾರೆ.