* ಅಮೆರಿಕದಲ್ಲಿ ಸುಂಕದ ಅವ್ಯವಸ್ಥೆ ನಡುವೆ, ಆರ್‌ಬಿಐ ರೆಪೊ ದರವನ್ನು 0.25% ಕಡಿತಗೊಳಿಸಿ ಶೇಕಡಾ 6ಕ್ಕೆ ಇಳಿಸಿದೆ.
* ಆರ್‌ಬಿಐ ಗವರ್ನರ್ ಸಂಜಯ್ ಮಲ್ಲೋತ್ರಾ ಅವರು ಬುಧವಾರ (ಏಪ್ರಿಲ್ 09) 2025-26ನೇ ಹಣಕಾಸು ವರ್ಷದ ವಿತ್ತೀಯ ನೀತಿಯನ್ನು ಘೋಷಿಸಿದ್ದು, ಈ ಸಾಲಿನ ದೇಶದ ಜಿಡಿಪಿ ವೃದ್ಧಿಯ ನಿರೀಕ್ಷೆಯನ್ನು ಶೇಕಡಾ 6.5ಕ್ಕೆ ಪರಿಷ್ಕರಿಸಿದ್ದಾರೆ.
* ಈ ಹಿನ್ನೆಲೆಯಲ್ಲಿ ಮಾಧ್ಯಮಗಳಿಗೆ ಮಾತನಾಡಿದ ಮಲ್ಲೋತ್ರಾ ಅವರು, "ಹಣಕಾಸು ನೀತಿ ಸಮಿತಿಯು ರೆಪೊ ದರ ಇಳಿಕೆಗೆ ಒಪ್ಪಿಗೆ ನೀಡಿದೆ," ಎಂದು ತಿಳಿಸಿದ್ದಾರೆ.
* ರೆಪೊ ದರ ಕಡಿಮೆಯಿಂದ ಬ್ಯಾಂಕುಗಳ ಸಾಲದ ವೆಚ್ಚ ಕಡಿಮೆಯಾಗಲಿದೆ ಹಾಗೂ ಗ್ರಾಹಕರಿಗೆ ಕಡಿಮೆ ಬಡ್ಡಿದರದಲ್ಲಿ ಸಾಲ ದೊರೆಯಲಿದೆ. ಇದರ ಪರಿಣಾಮವಾಗಿ ಇಎಂಐದ ಮೊತ್ತವೂ ಇಳಿಯಲಿದೆ ಎಂದು ಅವರು ತಿಳಿಸಿದರು.
* ತ್ರೈಮಾಸಿಕ ಆಧಾರದ ಮೇಲೆ ಜಿಡಿಪಿ ಬೆಳವಣಿಗೆಯ ಅಂದಾಜು ಹೀಗಿದೆ – ಮೊದಲ ತ್ರೈಮಾಸಿಕ: 6.5%, ಎರಡನೇ ತ್ರೈಮಾಸಿಕ: 6.7%, ಮೂರನೇ ತ್ರೈಮಾಸಿಕ: 6.6%, ಹಾಗೂ ನಾಲ್ಕನೇ ತ್ರೈಮಾಸಿಕ: 6.3%.
* ರೆಪೊ ದರವೆಂದರೆ ಆರ್‌ಬಿಐ ವಾಣಿಜ್ಯ ಬ್ಯಾಂಕುಗಳಿಗೆ ನೀಡುವ ಸಾಲದ ಬಡ್ಡಿದರ. ಇದನ್ನು ಇಳಿಸಿದಾಗ, ಬ್ಯಾಂಕುಗಳು ಈ ಲಾಭವನ್ನು ಗ್ರಾಹಕರಿಗೆ ನೀಡುವ ಸಾಧ್ಯತೆ ಹೆಚ್ಚಾಗುತ್ತದೆ.