* ಗೋವಾದ ಪಣಜಿಯಲ್ಲಿ 9 ದಿನಗಳ ಕಾಲ ನಡೆದ 55ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ ಗುರುವಾರ( ನವೆಂಬರ್ 28) ಸಂಜೆ ಅದ್ಧುರಿಯಾಗಿ ಮುಕ್ತಾಯಗೊಂಡಿತು.
* ಸಮಾರೋಪ ಸಮಾರಂಭದಲ್ಲಿ ಪ್ರಶಸ್ತಿ ಪ್ರಧಾನ ಮಾಡಿದ ಗೋವಾ ಮುಖ್ಯಮತ್ರಿ ಪ್ರಮೋದ ಸಾವಂತ್ ಅವರು ಈ ಚಲನಚಿತ್ರ ಆಯೋಜನೆಯಿಂದ ಗೋವಾ ರಾಜ್ಯ ಜಗತ್ತಿನ ಪ್ರವಾಸಿಗರನ್ನು ಇನ್ನಷ್ಟು ಆಕರ್ಷಿಸುತ್ತದೆ ಎಂದು ಹೇಳಿದರು.
* ಗೋವಾದಲ್ಲಿ ವಿದೇಶಿಯ ಚಲನಚಿತ್ರಗಳು ಚಿತ್ರೀಕರಣಗೊಳ್ಳುತ್ತಿದೆ. ಈ ವರ್ಷ ಚಲನಚಿತ್ರೋತ್ಸವದಲ್ಲಿ ಗೋವಾದ ಸಂಸ್ಕೃತಿಯನ್ನು ಪ್ರದರ್ಶಿಸಲಾಗಿದೆ.
* 75 ದೇಶಗಳ 200 ಕ್ಕೂ ಹೆಚ್ಚು ಚಲನಚಿತ್ರಗಳು, ಉದ್ಯಮದ ದಿಗ್ಗಜರ ಮಾಸ್ಟರ್‌ಕ್ಲಾಸ್‌ಗಳು ಮತ್ತು ಸ್ಪೂರ್ತಿದಾಯಕ ಪ್ಯಾನಲ್ ಚರ್ಚೆಗಳನ್ನು ಒಳಗೊಂಡಿರುವ ಈ ವರ್ಷದ IFFI ಸಿನಿಮಾದ ಏಕೀಕರಣದ ಶಕ್ತಿಯನ್ನು ಪ್ರದರ್ಶಿಸಿದೆ.
* 1952ರಲ್ಲಿ ಸ್ಥಾಪಿತವಾದ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (IFFI) ಏಷ್ಯಾದ ಪ್ರಮುಖ ಚಲನಚಿತ್ರೋತ್ಸವಗಳಲ್ಲಿ ಒಂದಾಗಿದೆ ಮತ್ತು ಪ್ರತಿ ವರ್ಷ ಗೋವದಲ್ಲಿ ನಡೆಯುತ್ತದೆ. * ಇದು ಜಾಗತಿಕ ಚಲನಚಿತ್ರ ನಿರ್ಮಾತೃಗಳಿಗೆ ತಮ್ಮ ಶ್ರೇಷ್ಠತೆಯನ್ನು ಪ್ರದರ್ಶಿಸಲು, ಸಾಂಸ್ಕೃತಿಕ ಅರ್ಥವತ್ತತೆಯನ್ನು ಉತ್ತೇಜಿಸಲು ಮತ್ತು ಅಂತರರಾಷ್ಟ್ರೀಯ ಸಹಕಾರವನ್ನು ಬೆಳೆಸಲು ವೇದಿಕೆಯನ್ನು ಒದಗಿಸುತ್ತದೆ.
* ಮೊದಲ ಆವೃತ್ತಿಯು ಮುಂಬೈನಲ್ಲಿ ನಡೆಯಿತು ಮತ್ತು ನಂತರ ಕೋಲ್ಕತ್ತಾ, ದಿಲ್ಲಿ, ಚೆನ್ನೈ ಮತ್ತು ತಿರುವನಂತಪುರಂ ನಗರಗಳಿಗೆ ಸ್ಥಳಾಂತರಿಸಲಾಯಿತು.
* IFFI ಅಂತರರಾಷ್ಟ್ರೀಯ ಚಲನಚಿತ್ರ ನಿರ್ಮಾಪಕರ ಸಂಘಗಳ ಫೆಡರೇಶನ್ (FIAPF) ಮೂಲಕ ಪ್ರತಿಸ್ಪರ್ಧಾತ್ಮಕ ವೈಶಿಷ್ಟ್ಯ ಚಲನಚಿತ್ರೋತ್ಸವವಾಗಿ ಮಾನ್ಯತೆ ಪಡೆದಿರುವ ದಕ್ಷಿಣ ಏಷ್ಯಾದ ಏಕೈಕ ಚಲನಚಿತ್ರೋತ್ಸವವಾಗಿದೆ.