ಪಿಯುಸಿ ವಿಜ್ಞಾನ ಓದಿದ ಬಳಿಕ ಹೆಚ್ಚಿನ ವಿದ್ಯಾರ್ಥಿಗಳು ಎಂಜಿನಿಯರಿಂಗ್‌ ಅಥವಾ ಎಂಬಿಬಿಎಸ್‌ ಓದುತ್ತಾರೆ. ಇತ್ತೀಚೆಗೆ ಈ ಎರಡು ವಿಭಾಗ ಹೊರತುಪಡಿಸಿದ ಉಳಿದ ಆಯ್ಕೆಗಳತ್ತ ಗಮನಹರಿಸುವ ವಿದ್ಯಾರ್ಥಿಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಇಂತಹ ಸಮಯದಲ್ಲಿ ವಿವಿಧ ಬಿಎಸ್ಸಿ ಕೋರ್ಸ್‌ಗಳು ವಿದ್ಯಾರ್ಥಿಗಳ ಗಮನ ಸೆಳೆಯುತ್ತಿವೆ. ಕೆಲವು ವಿದ್ಯಾರ್ಥಿಗಳಿಗೆ ಯಾವೆಲ್ಲ ವಿಷಯಗಳಲ್ಲಿ ಬಿಎಸ್ಸಿ ಕೋರ್ಸ್‌ಗಳು ಲಭ್ಯ ಇವೆ ಎಂಬ ಸಂಪೂರ್ಣ ಮಾಹಿತಿಯೂ ಇರಲಿಕ್ಕಿಲ್ಲ. ಬಿಎಸ್ಸಿಗೆ ಸಂಬಂಧಪಟ್ಟಂತೆ ಸಾಕಷ್ಟು ಕೋರ್ಸ್‌ಗಳು ಲಭ್ಯವಿರುವುದರಿಂದ ಯಾವುದನ್ನು ಆಯ್ಕೆ ಮಾಡಿಕೊಳ್ಳಬೇಕು ಎನ್ನುವ ಸಂದಿಗ್ಧತೆಯೂ ಹಲವರಲ್ಲಿ ಇರಬಹುದು. ಇಂತಹ ಸಮಯದಲ್ಲಿ ನಿಮ್ಮ ಆಸಕ್ತಿಯ ಕ್ಷೇತ್ರವನ್ನು ಗಮನದಲ್ಲಿಟ್ಟುಕೊಂಡು ಸೂಕ್ತ ಕೋರ್ಸ್‌ ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ.
ಅಗ್ರಿಕಲ್ಚರ್‌ : ಬಿಎಸ್ಸಿ ಅಗ್ರಿಕಲ್ಚರ್‌ ಎನ್ನುವುದು ಕೃಷಿ ವಿಜ್ಞಾನಕ್ಕೆ ಸಂಬಂಧಪಟ್ಟ ಪದವಿಯಾಗಿದೆ. ಕೌಶಲವಂತ ಕೃಷಿ ವೃತ್ತಿಪರರನ್ನು ರೂಪಿಸಲು ಈ ಕೋರ್ಸ್‌ ಸೂಕ್ತವಾಗಿದೆ. ಬಿಎಸ್ಸಿ ಅಗ್ರಿಕಲ್ಚರ್‌ನಲ್ಲಿ ವಿಜ್ಞಾನ, ಬಯೋಲಜಿ, ಟೆಕ್ನಾಲಜಿ, ಕೆಮಿಸ್ಟ್ರಿ ಮತ್ತು ಕೃಷಿ ವಿಜ್ಞಾನ ಒಳಗೊಂಡಿದೆ. ಈ ಕೋರ್ಸ್‌ ಪಡೆಯಲು ಪಿಯುಸಿಯಲ್ಲಿ ವಿಜ್ಞಾನ ಓದಿರಬೇಕಾಗಿರುವುದು ಕಡ್ಡಾಯ. . ತೋಟಗಾರಿಕೆ ಇಲಾಖೆ ಸೇರಿದಂತೆ ಇತರೆ ಇಲಾಖೆಗಳಲ್ಲಿಯೂ ಉದ್ಯೋಗ ಪಡೆಯಬಹುದು. ಕೃಷಿ ಕ್ಷೇತ್ರದಲ್ಲಿ ಸಾಧನೆ ಮಾಡಲು ಬಯಸುವವರೂ ಈ ಕೋರ್ಸ್‌ ಸೂಕ್ತವಾಗಿದೆ.
ತೋಟಗಾರಿಕೆ : ತೋಟಗಾರಿಕೆ ವಿಷಯದಲ್ಲಿ ಆಸಕ್ತಿ ಉಳ್ಳವರು ಬಿಎಸ್ಸಿ ಹಾರ್ಟಿಕಲ್ಚರ್‌ ಕೋರ್ಸ್‌ ಮಾಡಬಹುದಾಗಿದೆ. ತೋಟಗಾರಿಕೆಯ ಮೂಲಭೂತ ಅಂಶಗಳು, ಪ್ಲಾಂಟ್‌ ಜೆನೆಟಿಕ್ಸ್‌ ಬೇಸಿಕ್‌, ಆರ್ನಮೆಂಟಲ್‌ ಹಾರ್ಟಿಕಲ್ಚರ್‌, ಸಾಯಿಲ್‌ ಸೈನ್ಸ್‌ ಮತ್ತು ಎಂಜಿನಿಯರಿಂಗ್‌, ಪ್ಲಾಂಟ್‌ ಬಯೋಕೆಮಿಸ್ಟ್ರಿ, ಪ್ಲಾಂಟ್‌ ಬಯೋಟೆಕ್ನಾಲಜಿ, ಪ್ಲಾಂಟ್‌ ಸೈಕೊಲಜಿ, ಮೈಕ್ರೊಬಯೊಲಜಿ, ಬಾಟನಿ, ಪ್ಲಾಂಟೇಷನ್‌ ಮ್ಯಾನೇಜ್‌ಮೆಂಟ್‌, ನರ್ಸರಿ ಮ್ಯಾನೇಜ್‌ಮೆಂಟ್‌, ವಿವಿಧ ಬಗೆಯ ಹಣ್ಣುಗಳು ಮತ್ತು ತರಕಾರಿಗಳ ಅಧ್ಯಯನ, ಆಹಾರ ತಂತ್ರಜ್ಞಾನ, ಜಲಸಂಪನ್ಮೂಲ ನಿರ್ವಹಣೆ, ಪರಿಸರ ವಿಜ್ಞಾನ ಇತ್ಯಾದಿ ಹಲವು ವಿಷಯಗಳನ್ನು ತೋಟಗಾರಿಕೆ ಬಿಎಸ್ಸಿ ಕೋರ್ಸ್‌ನಲ್ಲಿ ಓದಬೇಕಾಗುತ್ತದೆ.
ಬಿವಿಎಸ್ಸಿ (ವೆಟರ್ನರಿ ವಿಜ್ಞಾನ) : ಪಶುವೈದ್ಯಕೀಯ ಕ್ಷೇತ್ರ ಪ್ರವೇಶಿಸಲು ಬಯಸುವವರಿಗೆ ಸೂಕ್ತವಾದ ಕೋರ್ಸ್‌. ಪ್ರಾಣಿಗಳಿಗೆ ತೊಂದರೆ ಉಂಟುಮಾಡುವ ಕಾಯಿಲೆಗಳನ್ನು ಪತ್ತೆಹಚ್ಚುವುದು, ಚಿಕಿತ್ಸೆ ನೀಡುವುದು ಸೇರಿದಂತೆ ಹಲವು ಕಾರ್ಯಗಳನ್ನು ವೆಟರ್ನರಿ ವೃತ್ತಿಪರರು ಮಾಡುತ್ತಾರೆ. ಬಿವಿಎಸ್ಸಿ ಕೋರ್ಸ್‌ ಅನ್ನು ಕರ್ನಾಟಕ ವೆಟರ್ನರಿ ಅನಿಮಲ್‌ ಆ್ಯಂಡ್‌ ಫಿಷರೀಸ್‌ ಸೈನ್ಸ್‌ ಯುನಿವರ್ಸಿಟಿ, ಬೀದರ್‌., ವೆಟರ್ನರಿ ಕಾಲೇಜು, ಬೆಂಗಳೂರು., ವೆಟರ್ನರಿ ಕಾಲೇಜು ಶಿವಮೊಗ್ಗ, ವೆಟರ್ನರಿ ಕಾಲೇಜು ವಿದ್ಯಾನಗರ, ಹಾಸನ ಮುಂತಾದೆಡೆ ಪಡೆಯಬಹುದು.
ಫಾರೆಸ್ಟ್ರಿಯಲ್ಲಿ ಬಿಎಸ್ಸಿ : ಅರಣ್ಯ ವಿಜ್ಞಾನ, ಪರಿಸರ ವಿಜ್ಞಾನ, ಬಯೋಲಾಜಿ, ಕೃಷಿ ಮತ್ತು ತಂತ್ರಜ್ಞಾನವನ್ನು ಬಿಎಸ್ಸಿ ಫಾರೆಸ್ಟ್ರಿ ಒಳಗೊಂಡಿದೆ. ಫಾರೆಸ್ಟ್ರಿ ಓದಿದವರಿಗೆ ಮುಖ್ಯವಾಗಿ ಅರಣ್ಯ ಇಲಾಖೆಯಲ್ಲಿ ಹೆಚ್ಚಿರುತ್ತದೆ. ಪ್ಲಾಂಟೇಷನ್‌, ರೆಸಾರ್ಟ್‌ ಮ್ಯಾನೇಜರ್‌, ಫಾರೆಸ್ಟ್‌ ಪ್ರಾಡಕ್ಟ್ ಮಾರ್ಕೆಟಿಂಗ್‌, ಫಾರೆಸ್ಟ್‌ ಪ್ರಾಡಕ್ಟ್ ಪರ್ಚೇಸಿಂಗ್‌ ಮ್ಯಾನೇಜರ್‌, ರಿಸರ್ಚ್‌ ಮತ್ತು ಡೆವಲಪ್‌ಮೆಂಟ್‌ ವಿಭಾಗದ ಹುದ್ದೆಗಳನ್ನು ಪಡೆಯಬಹುದಾಗಿದೆ. ಬಯೊಟೆಕ್ನಾಲಜಿ : ಬಿಎಸ್ಸಿ ಬಯೊಟೆಕ್ನಾಲಜಿಯು ಹೆಚ್ಚು ಜನಪ್ರಿಯ ಕೋರ್ಸ್‌. ಹೆಲ್ತ್‌ಕೇರ್‌, ಅಗ್ರಿಕಲ್ಚರ್‌, ಫುಡ್‌ ಪ್ರೊಡಕ್ಷನ್‌ ಮತ್ತು ನ್ಯೂಟಿಷಿಯನ್‌ ವಿಭಾಗದಲ್ಲಿ ಕೆಲಸ ಮಾಡಲು ಈ ಕೋರ್ಸ್‌ ನೆರವಾಗುತ್ತದೆ. ಇದೇ ವಿಷಯದಲ್ಲಿ ಮುಂದೆ ಎಂಎಸ್ಸಿ ಕೋರ್ಸ್‌ ಸಹ ಮಾಡಬಹುದು. ರಿಸರ್ಚ್‌ ಮತ್ತು ಡೆವಲಪ್‌ಮೆಂಟ್‌ ಕ್ಷೇತ್ರದಲ್ಲಿ ಕರಿಯರ್‌ ರೂಪಿಸಿಕೊಳ್ಳಲು ಸೂಕ್ತವಾದ ಕೋರ್ಸ್‌ ಇದಾಗಿದೆ.
ಬಿಎಸ್ಸಿ ಕೆಮಿಸ್ಟ್ರಿ : ರಾಸಾಯನಿಕಗಳ ಪ್ರಕ್ರಿಯೆಗಳು, ಪ್ರತಿಕ್ರಿಯೆಗಳು, ಉತ್ಪನ್ನಗಳ ಕುರಿತು ಪ್ರಮುಖವಾಗಿ ಕಲಿಯಲು ಬಿಎಸ್ಸಿ ಕೆಮಿಸ್ಟ್ರಿ ಸೂಕ್ತವಾಗಿದೆ. ಅನಾಲಿಟಿಕಲ್‌ ಕೆಮಿಸ್ಟ್‌, ಕೆಮಿಕಲ್‌ ಎಂಜಿನಿಯರ್‌, ಹೆಲ್ತ್‌ಕೇರ್‌ ಸೈಂಟಿಸ್ಟ್‌, ಕ್ಲಿನಿಕಲ್‌ ಬಯೊಕೆಮಿಸ್ಟ್ರಿ, ಫಾರೆನ್ಸಿಕ್‌ ಸೈಂಟಿಸ್ಟ್‌, ನ್ಯಾನೊಟೆಕ್ನೊಲಾಜಿಸ್ಟ್‌, ಫಾರ್ಮಾಕೊಲೊಜಿಸ್ಟ್‌, ರಿಸರ್ಚ್‌ ಸೈಂಟಿಸ್ಟ್‌ (ಫಿಸಿಕಲ್‌ ಸೈನ್ಸ್‌), ಟಾಕ್ಸಿಕೊಲಾಜಿಸ್ಟ್‌ ಇತ್ಯಾದಿ ಹುದ್ದೆಗಳನ್ನು ಪಡೆಯಬಹುದು. ಮ್ಯಾಥಮೆಟಿಕ್ಸ್‌ ಬಿಎಸ್ಸಿ : ಗಣಿತ ಪ್ರಿಯರು ಈ ಬಿಎಸ್ಸಿ ಪದವಿಗೆ ಸೇರಬಹುದು. ಗಣಿತಶಾಸ್ತ್ರಜ್ಞರು, ಚಾರ್ಟೆಡ್‌ ಅಕೌಂಟೆನ್ಸಿ, ಬ್ಯಾಂಕಿಂಗ್‌, ಅಕ್ಯುರಿಯಲ್‌ ಸೈನ್ಸ್‌, ಡೇಟಾ ಅನಾಲಿಸಿಸ್‌, ಆಪರೇಷನ್ಸ್‌ ಅನಾಲಿಸಿಸ್‌, ಪ್ರಾಜೆಕ್ಟ್ ಡೆವಲಪ್‌ಮೆಂಟ್‌, ಡೇಟಾ ಸೈನ್ಸ್‌ ಇತ್ಯಾದಿ ಹುದ್ದೆಗಳನ್ನು ಪಡೆಯಲು ಬಿಎಸ್ಸಿ ಗಣಿತ ರಹದಾರಿಯಾಗಬಲ್ಲದು. ಬಿಎಸ್ಸಿ ಫಿಸಿಕ್ಸ್‌ : ಭೌತಶಾಸ್ತ್ರದ ಕುರಿತು ಆಸಕ್ತಿ ಇರುವವರು ಬಿಎಸ್ಸಿ ಫಿಸಿಕ್ಸ್‌ ಪದವಿಗೆ ಸೇರಬಹುದು. ಪದವಿ ನಂತರ ಅಥವಾ ಪದವಿ ಮುಗಿಸಿ ಸ್ನಾತಕೋತ್ತರ ಪಡೆದ ನಂತರ ಭೌತಶಾಸ್ತ್ರಕ್ಕೆ ಸಂಬಂಧಪಟ್ಟ ಹುದ್ದೆಗಳನ್ನು ಪಡೆಯಬಹುದು. ಅಂದರೆ, ಲ್ಯಾಬ್‌ ಸೂಪರ್‌ವೈಸರ್‌, ರಿಸರ್ಚರ್‌, ಟೆಕ್ನಿಷಿಯನ್‌, ಟೀಚರ್‌, ಮ್ಯಾನೇಜರ್‌, ಸೈಂಟಿಸ್ಟ್‌, ಕನ್ಸಲ್ಟಿಂಗ್‌ ಫಿಸಿಸ್ಟ್‌, ರಿಸರ್ಚ್‌ ಅಸೋಸಿಯೇಟ್‌, ಸೀನಿಯರ್‌ ಫಿಸಿಸ್ಟ್‌, ಅಸಿಸ್ಟೆಂಟ್‌ ಸೈಂಟಿಸ್ಟ್‌, ರೇಡಿಯೇಷನ್‌ ಆಂಕೊಲಾಜಿಸ್ಟ್‌ ಇತ್ಯಾದಿ ಹಲವು ಹುದ್ದೆಗಳನ್ನು ಪಡೆಯಲು ಬಿಎಸ್ಸಿ ಫಿಸಿಕ್ಸ್‌ ನೆರವಾಗುತ್ತದೆ.
ಮಾಹಿತಿ ತಂತ್ರಜ್ಞಾನ : ಬಿಎಸ್ಸಿ ಐಟಿಯು ಇನ್‌ಫಾರ್ಮೆಷನ್‌ ಟೆಕ್ನಾಲಜಿಗೆ ಸಂಬಂಧಪಟ್ಟಿದೆ. ಐಟಿ ಸಿಸ್ಟಮ್ಸ್‌, ಡಿಬಿಎಂಎಸ್‌, ಆಪರೇಟಿಂಗ್‌ ಸಿಸ್ಟಮ್‌ ಹೀಗೆ ಹಲವು ವಿಭಾಗದಲ್ಲಿ ಇದು ಕಾರ್ಯನಿರ್ವಹಿಸುತ್ತದೆ. ನೀವು ಐಟಿ ವೃತ್ತಿಪರರಾಗಲು ಬಯಸಿದರೆ ಈ ಕೋರ್ಸ್‌ ಸೂಕ್ತವಾಗಿದೆ.
ಕಂಪ್ಯೂಟರ್‌ ವಿಜ್ಞಾನ : ಕಂಪ್ಯೂಟರ್‌ ಸೈನ್ಸ್‌ನಲ್ಲಿ ಬಿಎಸ್ಸಿ ಪಡೆದರೆ ಈಗಿನ ಕಂಪ್ಯೂಟರ್‌ ಯುಗದಲ್ಲಿ ಉತ್ತಮ ಅವಕಾಶಗಳನ್ನು ಪಡೆಯಬಹುದು. ಪ್ರೋಗ್ರಾಮಿಂಗ್‌ ಲ್ಯಾಂಗ್ವೇಜಸ್‌, ಕಂಪ್ಯೂಟರ್‌ ಹಾರ್ಡ್‌ವೇರ್‌, ಸಾಫ್ಟ್‌ವೇರ್‌, ಮ್ಯಾಥಮೆಟಿಕ್ಸ್‌ ಇತ್ಯಾದಿ ವಿಷಯಗಳನ್ನು ಕಂಪ್ಯೂಟರ್‌ ಸೈನ್ಸ್‌ನಲ್ಲಿ ಓದಬೇಕು. ಕಂಪ್ಯೂಟರ್‌ಗೆ ಸಂಬಂಧಪಟ್ಟ ಈಗಿನ ಕೌಶಲ ಕಲಿತವರಿಗೆ ಕೈತುಂಬಾ ವೇತನ ದೊರಕುತ್ತದೆ.
ಮೈಕ್ರೊಬಯೋಲಜಿ : ಸಂಶೋಧನಾ ಕ್ಷೇತ್ರದ ಕುರಿತು ಆಸಕ್ತಿ ಉಳ್ಳವರು ಮೈಕ್ರೊಬಯೋಲಜಿಗೆ ಸಂಬಂಧಪಟ್ಟ ಬಿಎಸ್ಸಿ ಕೋರ್ಸ್‌ ಮಾಡಬಹುದು. ಇದೇ ವಿಷಯದಲ್ಲಿ ಎಂಎಸ್ಸಿ ಮಾಡಿ ಸಂಶೋಧನಾ ಕ್ಷೇತ್ರಕ್ಕೆ ಪ್ರವೇಶಿಸಬಹುದು. ಇದೇ ವಿಷಯದಲ್ಲಿ ಬೋಧಕರಾಗಿಯೂ ಕಾರ್ಯನಿರ್ವಹಿಸಬಹುದು.
ಫುಡ್‌ ಕ್ವಾಲಿಟಿ ಅಸ್ಯೂರೆನ್ಸ್‌ : ಆಹಾರವು ಅತ್ಯಂತ ಪ್ರಮುಖ ಅವಶ್ಯಕತೆ. ತಂತ್ರಜ್ಞಾನ ಕ್ಷೇತ್ರದಲ್ಲಿ ಸಾಕಷ್ಟು ಪ್ರಗತಿಯಾಗಿರುವುದರಿಂದ ಆಹಾರ ತಯಾರಿಕೆ ಮತ್ತು ಸಂಸ್ಕರಣಾ ಕ್ಷೇತ್ರದಲ್ಲಿ ಕ್ರಾಂತಿಯೇ ನಡೆಯುತ್ತಿದೆ. ಆಹಾರ ಸಂಸ್ಕರಣೆ, ಸಂಗ್ರಹ ಮತ್ತು ಗುಣಮಟ್ಟ ಮೌಲ್ಯಮಾಪನವನ್ನು ಬಿಎಸ್ಸಿ ಇನ್‌ ಫುಡ್‌ ಕ್ವಾಲಿಟಿ ಅಸ್ಯೂರೆನ್ಸ್‌ ಕೋರ್ಸ್‌ ಮಾಡುತ್ತದೆ.
ಹೋಟೇಲ್‌ ಮ್ಯಾನೇಜ್‌ಮೆಂಟ್‌ : ಈ ವಿಷಯದಲ್ಲಿ ಬಿಎಸ್ಸಿ ಪಡೆದವರು ಎಚ್‌ಆರ್‌ ಮ್ಯಾನೇಜ್‌ಮೆಂಟ್‌, ಆಪರೇಷನ್ಸ್‌ ಮ್ಯಾನೇಜ್‌ಮೆಂಟ್‌, ಹೋಟೆಲ್‌ ಆ್ಯಂಡ್‌ ಹಾಸ್ಪಿಟಲಿಟಿ ಮ್ಯಾನೇಜ್‌ಮೆಂಟ್‌, ಫೈನಾನ್ಸ್‌ ಮ್ಯಾನೇಜ್‌ಮೆಂಟ್‌, ಮೆಟಿರಿಯಲ್‌ ಮ್ಯಾನೇಜ್‌ಮೆಂಟ್‌ ಇತ್ಯಾದಿ ಹಲವು ವಿಷಯಗಳನ್ನು ಓದಬಹುದು. ಏರ್‌ಲೈನ್‌ ಕೆಟರಿಂಗ್‌ ಮತ್ತು ಕ್ಯಾಬಿನ್‌ ಸವೀರ್‍ಸಸ್‌, ಕ್ಲಬ್‌ ಮ್ಯಾನೇಜ್‌ಮೆಂಟ್‌, ಕ್ರೂಷ್‌ ಶಿಪ್‌ ಹೋಟೆಲ್‌ ಮ್ಯಾನೇಜ್‌ಮೆಂಟ್‌, ಹಾಸ್ಪಿಟಲ್‌ ಅಡ್ಮಿನಿಸ್ಪ್ರೇಷನ್‌ ಮತ್ತು ಕೆಟರಿಂಗ್‌, ಹೋಟೆಲ್‌ ಮತ್ತು ಟೂರಿಸಂ ಅಸೋಸಿಯೇಷನ್ಸ್‌ ಸೇರಿದಂತೆ ವಿವಿಧೆಡೆ ಉದ್ಯೋಗ ಪಡೆಯಬಹುದು.
ಬಿಎಸ್ಸಿ ನಾಟಿಕಲ್‌ ಸೈನ್ಸ್‌ : ಮರ್ಚೆಂಟ್‌ ನೇವಿಯಲ್ಲಿ ಕರಿಯರ್‌ ಪಡೆಯಲು ಬಯಸುವವರು ಬಿಎಸ್ಸಿ ನಾಟಿಕಲ್‌ ಸೈನ್ಸ್‌ ಓದಬಹುದು. ಹಡಗಿನ ಕ್ಯಾಪ್ಟನ್‌, ಡೆಕ್‌ ಆಫೀಸರ್‌, ಮೆರಿನ್‌ ಎಂಜಿನಿಯರ್‌, ಒಸಿನೊಗ್ರಾಫರ್‌, ರೇಡಿಯೋ ಆಫೀಸರ್‌, ಸ್ಕೂಬಾ ಡ್ರೈವರ್‌ ಇತ್ಯಾದಿ ಕರಿಯರ್‌ ಆಯ್ಕೆ ಮಾಡಿಕೊಳ್ಳಲು ಬಿಎಸ್ಸಿ ನಾಟಿಕಲ್‌ ಸೈನ್ಸ್‌ ನೆರವಾಗುತ್ತದೆ.
ಎಲೆಕ್ಟ್ರಾನಿಕ್ಸ್‌ : ಎಲೆಕ್ಟ್ರಾನಿಕ್ಸ್‌ ವಿಭಾಗದಲ್ಲಿ ಕೆಲಸ ಮಾಡಲು ಬಯಸುವವರು ಬಿಎಸ್ಸಿ ಎಲೆಕ್ಟ್ರಾನಿಕ್ಸ್‌ ಪದವಿ ಪಡೆಯಬಹುದು. ಎಲೆಕ್ಟ್ರಾನಿಕ್‌ ಸಿಸ್ಟಮ್ಸ್‌, ಈಕ್ವಿಪ್‌ಮೆಂಟ್‌, ಸಕ್ರ್ಯೂಟ್‌ ಇತ್ಯಾದಿ ವಿಷಯಗಳನ್ನು ಈ ಕೋರ್ಸ್‌ನಲ್ಲಿ ಓದಬಹುದಾಗಿದೆ.
ಬಯೊಟೆಕ್ನಾಲಜಿ : ಬಿಎಸ್ಸಿ ಬಯೊಟೆಕ್ನಾಲಜಿಯು ಹೆಚ್ಚು ಜನಪ್ರಿಯ ಕೋರ್ಸ್‌. ಹೆಲ್ತ್‌ಕೇರ್‌, ಅಗ್ರಿಕಲ್ಚರ್‌, ಫುಡ್‌ ಪ್ರೊಡಕ್ಷನ್‌ ಮತ್ತು ನ್ಯೂಟ್ರಿಷಿಯನ್‌ ವಿಭಾಗದಲ್ಲಿ ಕೆಲಸ ಮಾಡಲು ಈ ಕೋರ್ಸ್‌ ನೆರವಾಗುತ್ತದೆ.
ಫಿಷರೀಸ್‌ ಸೈನ್ಸ್‌ : ಪ್ರತಿವರ್ಷ ಫಿಷರೀಸ್‌ (ಮತ್ಸ್ಯ) ಉದ್ಯಮವು ಹೆಚ್ಚಿನ ಪ್ರಗತಿ ದಾಖಲಿಸುತ್ತಿದೆ. ಮೀನು ಅಥವಾ ಮತ್ಸ್ಯೋತ್ಪನ್ನ ಅನುಭೋಗಿಗಳ ಸಂಖ್ಯೆ ಹೆಚ್ಚಾಗುತ್ತಿರುವುದು ಇದಕ್ಕೆ ಕಾರಣ. ವೈದ್ಯಕೀಯ ಕ್ಷೇತ್ರದಲ್ಲಿಯೂ ಈ ಉತ್ಪನ್ನಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಇದೇ ಸಮಯದಲ್ಲಿ ಪೂರೈಕೆ ಕಡಿಮೆಯಾಗುತ್ತಿದೆ ಮತ್ತು ಬೇಡಿಕೆ ಹೆಚ್ಚಾಗುತ್ತಿದೆ. ಮತ್ಸ್ಯವಲಯದಲ್ಲಿ ಉತ್ಪಾದಕತೆ ಹೆಚ್ಚಿಸಲು ವೈಜ್ಞಾನಿಕ ವಿಧಾನಗಳನ್ನು ಅನ್ವೇಷಿಸಲು ಬಿಎಫ್‌ಎಸ್ಸಿ(ಫಿಷರೀಸ್‌ ಸೈನ್ಸ್‌) ಕೋರ್ಸ್‌ ನೆರವಾಗುತ್ತದೆ.
ನರ್ಸಿಂಗ್‌ ಮತ್ತು ಇತರೆ ಬಿಎಸ್ಸಿ : ದೇಶದ ಬಹುತೇಕ ವಿದ್ಯಾರ್ಥಿಗಳು ನರ್ಸಿಂಗ್‌ ಕ್ಷೇತ್ರದತ್ತ ಆಸಕ್ತರಾಗುತ್ತಾರೆ. ಹೆಚ್ಚಾಗಿ ಇದು ವಿದ್ಯಾರ್ಥಿನಿಯರ ಅಚ್ಚುಮೆಚ್ಚಿನ ಆಯ್ಕೆ. ಯುವಕರೂ ಈ ಕೋರ್ಸ್‌ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸೇರುತ್ತಿರುವುದು ಇತ್ತೀಚಿನ ಬೆಳವಣಿಗೆ. ನರ್ಸಿಂಗ್‌ನಲ್ಲಿ ಬಿಎಸ್ಸಿ ಪಡೆದವರಿಗೆ ದೇಶದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲಿಯೂ ಉತ್ತಮ ಬೇಡಿಕೆ ಇದೆ. ಸರಕಾರಿ ಆಸ್ಪತ್ರೆಗಳಲ್ಲಿಯೂ ನರ್ಸಿಂಗ್‌ ಹುದ್ದೆಗಳು ಹೆಚ್ಚಿದ್ದು, ಪ್ರತಿವರ್ಷ ಸಾವಿರಾರೂ ಹುದ್ದೆಗಳಿಗೆ ನೇಮಕ ನಡೆಯುತ್ತಿದೆ. ಹೀಗಾಗಿ, ಬಿಎಸ್ಸಿ ನರ್ಸಿಂಗ್‌ ಜನಪ್ರಿಯ ಕೋರ್ಸ್‌ ಆಗಿದೆ. ನರ್ಸಿಂಗ್‌ ಮಾತ್ರವಲ್ಲದೆ ಆರೋಗ್ಯಕ್ಷೇತ್ರಕ್ಕೆ ಸಂಬಂಧಪಟ್ಟ ಹಲವು ಬಿಎಸ್ಸಿ ಕೋರ್ಸ್‌ಗಳಿವೆ. ಪ್ಯಾರಾ ಮೆಡಿಕಲ್‌ಗೆ ಸಂಬಂಧಪಟ್ಟ ಬಿಎಸ್ಸಿ ಕೋರ್ಸ್‌ಗಳನ್ನೂ ಆಯ್ಕೆ ಮಾಡಿಕೊಳ್ಳಬಹುದು. ಎಂಬಿಬಿಎಸ್‌, ಬಿಡಿಎಸ್‌, ಬಿ.ಫಾರ್ಮಾ, ಬಿಎಸ್ಸಿ ನರ್ಸಿಂಗ್‌, ಬಿಪಿಟಿ, ಬಿಒಟಿ, ಬಿಎಚ್‌ಎಂಎಸ್‌, ಬಿಯುಎಂಎಸ್‌, ಆಪ್ಟೊಮೆಟ್ರಿ, ಲ್ಯಾಬ್‌ ಟೆಕ್ನಾಲಜಿ, ಬಿಎಎಂಎಸ್‌, ಸಾನಿಟರಿ ಇನ್‌ಸ್ಪೆಕ್ಟರ್‌ ಮೆಡಿಕಲ್‌ ಕೋರ್ಸ್‌, ಜನರಲ್‌ ನರ್ಸಿಂಗ್‌, ಆರ್ಥೊಪೆಡಿಕ್‌, ಆಕ್ಯುಪೇಷನಲ್‌ಥೆರಪಿ, ರೇಡಿಯೊಲಾಜಿಕಲ್‌ ಅಸಿಸ್ಟೆಂಟ್‌, ನ್ಯೂಕ್ಲಿಯರ್‌ ಮೆಡಿಸಿನ್‌ ಟೆಕ್ನಾಲಜಿ ಸೇರಿದಂತೆ ಆರೋಗ್ಯ ಕ್ಷೇತ್ರಕ್ಕೆ ಸಂಬಂಧಪಟ್ಟ ಸಾಕಷ್ಟು ಡಿಪ್ಲೊಮಾ/ಪದವಿ/ಬಿಎಸ್ಸಿ ಕೋರ್ಸ್‌ಗಳು ಲಭ್ಯ ಇವೆ. ಇನ್ನಷ್ಟು ಕೋರ್ಸ್‌ಗಳು ಈ ಮೊದಲೇ ಹೇಳಿದಂತೆ ಬಿಎಸ್ಸಿ ಎನ್ನುವುದು ವಿಶಾಲ ಕ್ಷೇತ್ರ. ಬಾಟನಿ, ಸ್ಟ್ಯಟಿಸ್ಟಿಕ್ಸ್‌, ಝುವಾಲಜಿ, ಪಿಸಿಎಂ, ಹೋಂ ಸೈನ್ಸ್‌, ಅನಿಮೇಷನ್‌, ಏವಿಯೇಷನ್‌, ಅಕ್ವಾ ಕಲ್ಚರ್‌, ಬಯೋ ಇನ್‌ಫಾರ್ಮೆಟಿಕ್ಸ್‌, ಡಯಾಟಿಕ್ಸ್‌, ಫ್ಯಾಷನ್‌ ಟೆಕ್ನಾಲಜಿ, ಫಾರೆನ್ಸಿಕ್‌ ಸೈನ್ಸ್‌, ಮೆಡಿಕಲ್‌ ಟೆಕ್ನಾಲಜಿ, ಮಲ್ಟಿಮೀಡಿಯಾ, ಸೈಕೊಲಜಿ, ಇಂಟಿರಿಯರ್‌ ಡಿಸೈನ್‌... ಹೀಗೆ ನಾನಾ ವಿಷಯಗಳಲ್ಲಿ ಬಿಎಸ್ಸಿ ಕೋರ್ಸ್‌ಗಳನ್ನು ಮಾಡಬಹುದಾಗಿದೆ.
ಮಾಹಿತಿ: ಪ್ರವೀಣ್ ಚಂದ್ರ ಪುತ್ತೂರು bsc courses after 12th science