➤ ಭಾರತೀಯ ರೈಲ್ವೆಯು ತನ್ನ ರೈಲು ಸಂಚಾರ ಭದ್ರತೆ, ತಾಂತ್ರಿಕ ಆಧುನೀಕರಣ ಮತ್ತು ಸರಕು ಸಾಗಣೆ ಸಾಮರ್ಥ್ಯವನ್ನು ಹೆಚ್ಚಿಸುವ ಉದ್ದೇಶದಿಂದ ₹675 ಕೋಟಿ ವೆಚ್ಚದ ಬೃಹತ್ ಯೋಜನೆಗಳಿಗೆ ಅನುಮೋದನೆ ನೀಡಿದೆ. ಈ ಅನುದಾನದಡಿ ದೇಶದ ಅತ್ಯಾಧುನಿಕ ಸ್ವದೇಶಿ ಸುರಕ್ಷತಾ ವ್ಯವಸ್ಥೆಯಾದ ‘ಕವಚ 4.0’ (Kavach 4.0) ಅಳವಡಿಕೆ, ಎಲೆಕ್ಟ್ರಾನಿಕ್ ಇಂಟರ್‌ಲಾಕಿಂಗ್ ಹಾಗೂ ಪ್ರತ್ಯೇಕ ಸರಕು ಬೈಪಾಸ್ ಮಾರ್ಗಗಳ ನಿರ್ಮಾಣ ಕೈಗೆತ್ತಿಕೊಳ್ಳಲಾಗುತ್ತದೆ.
➤ ಮೊರಾದಾಬಾದ್ ವಿಭಾಗಕ್ಕೆ 'ಕವಚ 4.0' ಅಳವಡಿಕೆ (₹170 ಕೋಟಿ):ಉತ್ತರ ರೈಲ್ವೆಯ ಮೊರಾದಾಬಾದ್ ವಿಭಾಗದ ಉಳಿ ದ 712 ಮಾರ್ಗ ಕಿಲೋಮೀಟರ್ (Rkm) ಪ್ರದೇಶದಲ್ಲಿ ಅತ್ಯಾಧುನಿಕ ‘ಕವಚ ಆವೃತ್ತಿ 4.0’ ತಂತ್ರಜ್ಞಾನವನ್ನು ಅಳವಡಿಸಲು ₹170 ಕೋಟಿ ಮೀಸಲಿಡಲಾಗಿದೆ.
ಕವಚ 4.0 ಪ್ರಮುಖ ಕಾರ್ಯಗಳು:
- ಸ್ವದೇಶಿ ತಂತ್ರಜ್ಞಾನದ ಆಟೋಮ್ಯಾಟಿಕ್ ಟ್ರೇನ್ ಪ್ರೊಟೆಕ್ಷನ್ (ATP) ಸಿಸ್ಟಮ್.
- ಚಾಲಕರು ಕೆಂಪು ಸಿಗ್ನಲ್ ಮೀರುವುದನ್ನು (SPAD - Signal Passing at Danger) ತಡೆಯುವುದು.
- ತುರ್ತು ಸಂದರ್ಭಗಳಲ್ಲಿ ಆಟೋಮ್ಯಾಟಿಕ್ ಬ್ರೇಕ್ ಅನ್ವಯಿಸಿ ಮುಖಾಮುಖಿ ಡಿಕ್ಕಿ (Collisions) ತಪ್ಪಿಸುವುದು.
- ವಿಪರೀತ ಹವಾಮಾನ ಅಥವಾ ಮಂಜಿನ ವಾತಾವರಣದಲ್ಲಿ ರೈಲಿನ ವೇಗವನ್ನು ಸ್ವಯಂಚಾಲಿತವಾಗಿ ನಿಯಂತ್ರಿಸುವುದು.
➤ ಸಮಸ್ತಿಪುರ ವಿಭಾಗದಲ್ಲಿ ಎಲೆಕ್ಟ್ರಾನಿಕ್ ಇಂಟರ್‌ಲಾಕಿಂಗ್ (₹233 ಕೋಟಿ): ಪೂರ್ವ ಮಧ್ಯ ರೈಲ್ವೆಯ ಸಮಸ್ತಿಪುರ ವಿಭಾಗದ 21 ರೈಲ್ವೆ ನಿಲ್ದಾಣಗಳಲ್ಲಿ ಹಳೆಯ ಪ್ಯಾನಲ್ ಇಂಟರ್‌ಲಾಕಿಂಗ್ ಬದಲಿಗೆ ಕಂಪ್ಯೂಟರ್ ಆಧಾರಿತ ಎಲೆಕ್ಟ್ರಾನಿಕ್ ಇಂಟರ್‌ಲಾಕಿಂಗ್ (EI) ಸಿಸ್ಟಮ್ ಅಳವಡಿಸಲು ₹233 ಕೋಟಿ ಮಂಜೂರು ಮಾಡಲಾಗಿದೆ.
ಉಪಯೋಗಗಳು:
- ಸಿಗ್ನಲಿಂಗ್ ತೊಂದರೆಗಳನ್ನು ಶೀಘ್ರವಾಗಿ ಪತ್ತೆಹಚ್ಚಿ ಸರಿಪಡಿಸಬಹುದು.
- ಸಿಗ್ನಲ್ ದೋಷಗಳಿಂದಾಗುವ ರೈಲು ಅಪಘಾತಗಳನ್ನು ತಡೆಯಬಹುದು.
- ಕವಚ ತಂತ್ರಜ್ಞಾನವನ್ನು ಸುಲಭವಾಗಿ ಸಂಯೋಜಿಸಲು (Integration) ಬೆಂಬಲ ನೀಡುತ್ತದೆ.
➤ ಅದ್ರಾ-ಜಾಯ್‌ಚಂಡಿಪಹಾರ್ ಬೈಪಾಸ್ ಮಾರ್ಗ (₹272 ಕೋಟಿ):ಆಗ್ನೇಯ ರೈಲ್ವೆ (South Eastern Railway) ವ್ಯಾಪ್ತಿಯ ಅದ್ರಾ ಮತ್ತು ಜಾಯ್‌ಚಂಡಿಪಹಾರ್ ನಡುವೆ 11 ಕಿಮೀ ಉದ್ದದ ಪ್ರತ್ಯೇಕ ಬೈಪಾಸ್ ರೈಲು ಮಾರ್ಗ ನಿರ್ಮಾಣಕ್ಕೆ ₹272 ಕೋಟಿ ವಿನಿಯೋಗಿಸಲಾಗುತ್ತಿದೆ.
ಉದ್ದೇಶ ಮತ್ತು ಮುಖ್ಯ ಅಂಶಗಳು:
- ದಿನಕ್ಕೆ ಸುಮಾರು 6 ಕ್ಕೂ ಹೆಚ್ಚು ಗೂಡ್ಸ್ ರೈಲುಗಳ ಸರಾಗ ಸಂಚಾರಕ್ಕೆ ಅನುಕೂಲ.
- SAIL (23.40 MTPA ಕಬ್ಬಿಣದ ಅದಿರು) ಮತ್ತು BCCL ಗಣಿ ಸಂಸ್ಥೆಗಳ ಸರಕು ಸಾಗಣೆಗೆ ವೇಗ.
- ಅದ್ರಾ ವಿಭಾಗದ ರೈಲು ದಟ್ಟಣೆಯನ್ನು (Congestion) ಕಡಿಮೆ ಮಾಡುವುದು.
- ಈ ಮಾರ್ಗದ ಮೂಲಕ ಹೆಚ್ಚುವರಿಯಾಗಿ 8.88 MTPA ಸರಕು ಸಾಗಣೆ ಸಾಮರ್ಥ್ಯ ಹೆಚ್ಚಾಗಲಿದೆ.