➤ ಭಾರತೀಯ ನೌಕಾಪಡೆಯ ರಕ್ಷಣಾ ಸಾಮರ್ಥ್ಯವನ್ನು ಹೆಚ್ಚಿಸುವ ಉದ್ದೇಶದಿಂದ ದೇಶೀಯವಾಗಿ ವಿನ್ಯಾಸಗೊಳಿಸಿ ನಿರ್ಮಿಸಲಾಗಿರುವ ಎರಡನೇ ಮುಂದಿನ ಪೀಳಿಗೆಯ ಕಡಲ ಕಾವಲು ನೌಕೆ (Next Generation Offshore Patrol Vessel - NGOPV) 'ಶ್ರುತಿ' ಅನ್ನು ಕೋಲ್ಕತಾದ 'ಗಾರ್ಡನ್ ರೀಚ್ ಶಿಪ್ ಬಿಲ್ಡರ್ಸ್ ಅಂಡ್ ಎಂಜಿನಿಯರ್ಸ್' (GRSE) ಸಂಸ್ಥೆಯು ಆಗಸ್ಟ್ 11, 2026 ರಂದು ಯಶಸ್ವಿಯಾಗಿ ಲೋಕಾರ್ಪಣೆಗೊಳಿಸಿದೆ.
➤ ವಿಶೇಷವೆಂದರೆ, ಮೇ 20 ರಂದು ಲೋಕಾರ್ಪಣೆಗೊಂಡ ಮೊದಲ ನೌಕೆ 'ಸಂಘಮಿತ್ರ'ದ ನಂತರ, ಕೇವಲ ಮೂರು ತಿಂಗಳ ಅವಧಿಯಲ್ಲಿ GRSE ಸಂಸ್ಥೆಯು ಬಿಡುಗಡೆ ಮಾಡುತ್ತಿರುವ ಎರಡನೇ ಸಮರ ನೌಕೆ ಇದಾಗಿದೆ.
  • ನಿರ್ಮಾಣ ಸಂಸ್ಥೆ: ಗಾರ್ಡನ್ ರೀಚ್ ಶಿಪ್ ಬಿಲ್ಡರ್ಸ್ ಅಂಡ್ ಎಂಜಿನಿಯರ್ಸ್ (GRSE), ಕೋಲ್ಕತಾ
  • ಉದ್ಘಾಟನೆ ಮಾಡಿದವರು: ಮಣಿಕಾ ಸಾಧು (ವೈಸ್ ಅಡ್ಮಿಖಲ್ ಸಂಜಯ್ ಸಾಧು ಅವರ ಧರ್ಮಪತ್ನಿ)
  • ಯೋಜನೆಯ ಉದ್ದೇಶ: 'ಆತ್ಮನಿರ್ಭರ ಭಾರತ' ಮತ್ತು 'ಮೇಕ್ ಇನ್ ಇಂಡಿಯಾ' ಯೋಜನೆಯಡಿ ಭಾರತೀಯ ನೌಕಾಪಡೆಯ ಕಾವಲು ಕ್ಷಮತೆಯನ್ನು ಬಲಪಡಿಸುವುದು.
➤ 'ಶ್ರುತಿ' ನೌಕೆಯ ಪ್ರಮುಖ ತಾಂತ್ರಿಕ ವೈಶಿಷ್ಟ್ಯಗಳು:
  • ಉದ್ದ ಮತ್ತು ಅಗಲ: 113 ಮೀಟರ್ ಉದ್ದ, 14.6 ಮೀಟರ್ ಅಗಲ
  • ತೂಕ (Displacement): ಸುಮಾರು 3,000 ಟನ್‌ಗಳು
  • ಗರಿಷ್ಠ ವೇಗ: 23 ನಾಟ್ಸ್‌ಗಳು (Knots)
  • ಸಂಚಾರ ಸಾಮರ್ಥ್ಯ (Endurance): 14 ನಾಟ್ಸ್ ವೇಗದಲ್ಲಿ 8,500 ನಾಟಿಕಲ್ ಮೈಲಿಗಳು
  • ಮುಖ್ಯ ಕಾರ್ಯಗಳು: ಕಡಲ ಕಾವಲು, ಕಡಲ್ಗಳ್ಳತನ ತಡೆ (Anti-Piracy), ಶೋಧ ಮತ್ತು ರಕ್ಷಣೆ (HADR), ಸಾಗರ ಗಸ್ತು
➤ ಶ್ರುತಿ ಹೆಸರಿನ ಸಾಂಸ್ಕೃತಿಕ ಮಹತ್ವ: ಭಾರತದ ಪವಿತ್ರ ವೇದಗಳಾದ ಋಗ್ವೇದ, ಯಜುರ್ವೇದ, ಸಾಮವೇದ ಮತ್ತು ಅಥರ್ವವೇದಗಳ ಜ್ಞಾನ ಪರಂಪರೆಯನ್ನು ಸೂಚಿಸಲು ಈ ನೌಕೆಗೆ 'ಶ್ರುತಿ' ಎಂದು ಹೆಸರಿಸಲಾಗಿದೆ. ನೌಕೆಯ ಮುಂಭಾಗದ ಲಾಂಛನದಲ್ಲಿ (Crest) 'ಸಪ್ತರ್ಷಿ ಮಂಡಲ' (Ursa Major) ನಕ್ಷತ್ರ ಸಮೂಹ ಮತ್ತು ಕೆಂಪು-ಬಿಳಿ ಬಣ್ಣದ ದೀಪಸ್ತಂಭ (Lighthouse) ಚಿತ್ರಿಸಲಾಗಿದೆ. ಇದು ಸಾಗರದಲ್ಲಿ ಜಾಗರೂಕತೆ ಮತ್ತು ಸರಿಯಾದ ದಾರಿ ತೋರಿಸುವ ದಿಕ್ಸೂಚಿಯನ್ನು ಸಂಕೇತಿಸುತ್ತದೆ.